Twitter Facebook Fined: ਮਾਸਕੋ: ਰੂਸ ਵਿੱਚ ਮਾਸਕੋ ਦੀ ਇੱਕ ਅਦਾਲਤ ਵੱਲੋਂ ਵੀਰਵਾਰ ਨੂੰ ਟਵਿੱਟਰ ਤੇ ਫੇਸਬੁੱਕ ‘ਤੇ ਲੋਕਾਂ ਦਾ ਡਾਟਾ ਸਟੋਰ ਕਰਨ ਦੇ ਨਿਯਮਾਂ ਦਾ ਪਾਲਣ ਨਾ ਕਰਨ ਦੇ ਮਾਮਲੇ ਵਿੱਚ 62,960 ਅਮਰੀਕੀ ਡਾਲਰ ਜੁਰਮਾਨਾ ਲਗਾਇਆ ਗਿਆ ਹੈ ।
ਮੀਡੀਆ ਰਿਪੋਰਟਾਂ ਅਨੁਸਾਰ ਰੂਸੀ ਕਾਨੂੰਨ ਦੇ ਤਹਿਤ ਰੂਸੀ ਨਾਗਰਿਕਾਂ ਦੇ ਵਿਅਕਤੀਗਤ ਡਾਟਾ ਨੂੰ ਇਕੱਠਾ ਕਰਨ ਤੇ ਪ੍ਰੌਸੈਸ ਕਰਨ ਦੇ ਲਈ ਇੰਟਰਨੈੱਟ ਸੇਵਾ ਪ੍ਰਦਾਨ ਕਰਨ ਵਾਲਿਆਂ ਦੀ ਲੋੜ ਹੁੰਦੀ ਹੈ । ਇਸ ਮਾਮਲੇ ਵਿੱਚ ਰੂਸੀ ਯੂਜ਼ਰਾਂ ਦੇ ਡਾਟਾ ਨੂੰ ਦੇਸ਼ ਵਿੱਚ ਨਾ ਰੱਖਣ ਦੇ ਚੱਲਦਿਆਂ ਦੋਵਾਂ ਕੰਪਨੀਆਂ ‘ਤੇ ਜੁਰਮਾਨਾ ਲਗਾਇਆ ਗਿਆ ਹੈ ।
ਦੱਸ ਦੇਈਏ ਕਿ ਅਜਿਹੇ ਕਿਸੇ ਮਾਮਲੇ ਵਿੱਚ ਦੂਰਸੰਚਾਰ ਮਾਮਲਿਆਂ ਦੀ ਨਿਗਰਾਨੀ ਕਰਨ ਵਾਲੇ ਕੰਪਨੀ ਰੋਸਕੋਂਨਾਡਜ਼ੋਰ ਕੋਲ ਨਿਯਮਾਂ ਦਾ ਉਲੰਘਣ ਹੋਣ ‘ਤੇ ਜੁਰਮਾਨਾ ਲਗਾਉਣ ਜਾਂ ਇੰਟਰਨੈੱਟ ਕੰਪਨੀਆਂ ਨੂੰ ਬਲਾਕ ਕਰਨ ਦਾ ਵੀ ਅਧਿਕਾਰ ਹੈ ।
