Shaktimaan return to television: ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਨੇ ਪੂਰੀ ਦੁਨੀਆ ਵਿੱਚ ਤਬਾਹੀ ਮਚਾ ਦਿੱਤੀ ਹੈ । ਜਿਸ ਕਾਰਨ ਦੁਨੀਆ ਦੇ ਲਗਭਗ 190 ਤੋਂ ਵੱਧ ਦੇਸ਼ ਕੋਰੋਨਾ ਮਹਾਂਮਾਰੀ ਨਾਲ ਜੂਝ ਰਹੇ ਹਨ । ਉੱਥੇ ਹੀ ਭਾਰਤ ਵਿੱਚ ਵੀ ਕੋਰੋਨਾ ਪੀੜਤਾਂ ਦੀ ਗਿਣਤੀ 1150 ਤੱਕ ਪਹੁੰਚ ਗਈ ਹੈ । ਇਸ ਬਿਮਾਰੀ ਨੂੰ ਅੱਗੇ ਵਧਣ ਤੋਂ ਰੋਕਣ ਲਈ ਪੂਰੇ ਦੇਸ਼ ਵਿੱਚ 21 ਦਿਨ ਦਾ ਲਾਕ ਡਾਊਨ ਲਾਗੂ ਕੀਤਾ ਗਿਆ ਹੈ, ਜਿਸ ਦਾ ਅੱਜ 6ਵਾਂ ਦਿਨ ਹੈ । ਇਸ ਲਾਕ ਡਾਊਨ ਦੌਰਾਨ ਲੋਕਾਂ ਦੀ ਮੰਗ ‘ਤੇ ਦੂਰਦਰਸ਼ਨ ‘ਤੇ ‘ਰਮਾਇਣ‘ ਅਤੇ ‘ਮਹਾਭਾਰਤ’ ਵਰਗੇ ਪ੍ਰਸਿੱਧ ਸੀਰੀਅਲ ਫਿਰ ਤੋਂ ਵਿਖਾਏ ਜਾ ਰਹੇ ਹਨ ।
ਇਸ ਦੇ ਨਾਲ ਹੀ ਸ਼ਾਹਰੁਖ ਖ਼ਾਨ ਦੇ ਟੀਵੀ ਸ਼ੋਅ ‘ਸਰਕਸ’ ਅਤੇ ਜਾਸੂਸੀ ਸ਼ੋਅ ‘ਬਯੋਮਕੇਸ਼ ਬਕਸ਼ੀ’ ਦੀ ਵੀ ਟੀਵੀ ‘ਤੇ ਵਾਪਸੀ ਹੋ ਗਈ ਹੈ । ਇਹ ਸਭ ਲੋਕਾਂ ਨੂੰ ਘਰ ਵਿੱਚ ਬੈਠ ਕੇ ਮਨੋਰੰਜਨ ਕਰਨ ਦੇ ਲਈ ਕੀਤਾ ਜਾ ਰਿਹਾ ਹੈ । ਉੱਥੇ ਹੀ ਹੁਣ ਖ਼ਬਰਾਂ ਆ ਰਹੀਆਂ ਹਨ ਕਿ ਭਾਰਤ ਦੇ ਪਹਿਲੇ ਸੁਪਰਹੀਰੋ ਕਹੇ ਜਾਣ ਵਾਲੇ ਸੀਰੀਅਲ ‘ਸ਼ਕਤੀਮਾਨ’ ਨੂੰ ਵੀ ਦੁਬਾਰਾ ਟੈਲੀਕਾਸਟ ਕੀਤਾ ਜਾਵੇਗਾ ।
ਜਿਸ ਬਾਰੇ ‘ਸ਼ਕਤੀਮਾਨ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਮੁਕੇਸ਼ ਖੰਨਾ ਨੇ ਖੁਦ ਜਾਣਕਾਰੀ ਦਿੱਤੀ । ਦਰਅਸਲ, ਉਨ੍ਹਾਂ ਦੀ ਇੱਕ ਵੀਡੀਓ ਇਸ ਸਮੇਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ । ਜਿਸ ਵਿੱਚ ਮੁਕੇਸ਼ ਖੰਨਾ ਨੇ ‘ਰਮਾਇਣ’ ਅਤੇ ‘ਮਹਾਂਭਾਰਤ’ ਦੀ ਸ਼ੁਰੂਆਤ ‘ਤੇ ਖੁਸ਼ੀ ਜ਼ਾਹਰ ਕੀਤੀ ਹੈ । ਉਨ੍ਹਾਂ ਕਿਹਾ ਕਿ ਮੈਂ ਤੁਹਾਨੂੰ ਇੱਕ ਹੋਰ ਖੁਸ਼ਖਬਰੀ ਦੱਸਣ ਜਾ ਰਿਹਾ ਹਾਂ ਕਿ ਛੇਤੀ ਹੀ ਤੁਹਾਡਾ ਮਨਪਸੰਦ ਸੀਰੀਅਲ ‘ਸ਼ਕਤੀਮਾਨ’ ਸ਼ੁਰੂ ਹੋਣ ਜਾ ਰਿਹਾ ਹੈ । ਜਿਸ ਬਾਰੇ ਤੁਹਾਨੂੰ ਛੇਤੀ ਪਤਾ ਲੱਗ ਜਾਵੇਗਾ ਕਿ ਇਹ ਕਦੋਂ ਅਤੇ ਕਿਸ ਸਮੇਂ ਇਹ ਟੀਵੀ ‘ਤੇ ਵਿਖਾਇਆ ਜਾਵੇਗਾ ।
ਦੱਸ ਦੇਈਏ ਕਿ ਮੁਕੇਸ਼ ਖੰਨਾ ਨੇ ਖੁਲਾਸਾ ਕੀਤਾ ਸੀ ਕਿ ਸ਼ਕਤੀਮਾਨ ਦਾ ਸੀਕਵਲ ਛੇਤੀ ਆ ਰਿਹਾ ਹੈ । ਜ਼ਿਕਰਯੋਗ ਹੈ ਕਿ ‘ਸ਼ਕਤੀਮਾਨ’ ਭਾਰਤ ਦਾ ਸਭ ਤੋਂ ਮਸ਼ਹੂਰ ਸੁਪਰਹੀਰੋ ਹੈ । ਇਹ ਕਿਰਦਾਰ ਮੁਕੇਸ਼ ਖੰਨਾ ਨੇ ਛੋਟੇ ਪਰਦੇ ‘ਤੇ ਨਿਭਾਇਆ ਸੀ ਅਤੇ 8 ਸਾਲ ‘ਸ਼ਕਤੀਮਾਨ’ ਬਣ ਕੇ ਮਨੋਰੰਜਨ ਕੀਤਾ ਸੀ ।
w2-33-768×432