90 ਦੇ ਦਹਾਕੇ ਦੀ ਮਸ਼ਹੂਰ ਅਦਾਕਾਰਾ ਮਹਿਮਾ ਚੌਧਰੀ ਅੱਜਕਲ੍ਹ ਕਾਫੀ ਚਰਚਾ ਵਿਚ ਹੈ। ਮਹਿਮਾ ਨੂੰ ਫਿਲਮਾਂ ‘ਚ ਪਹਿਲਾ ਮੌਕਾ ਮਸ਼ਹੂਰ ਨਿਰਮਾਤਾ ਤੇ ਨਿਰਦੇਸ਼ਕ ਸੁਭਾਸ਼ ਘਈ ਨੇ ਦਿੱਤਾ ਸੀ। ਪਹਿਲੀ ਫਿਲਮ ਹਿੱਟ ਹੋਣ ਤੋਂ ਬਾਅਦ ਮਹਿਮਾ ਚੌਧਰੀ ਮਸ਼ਹੂਰ ਹੋ ਗਈ ਤੇ ਫਿਰ ਬਾਲੀਵੁੱਡ ਦੀਆਂ ਕਈ ਸ਼ਾਨਦਾਰ ਫਿਲਮਾਂ ਤੇ ਕਲਾਕਾਰਾਂ ਨਾਲ ਕੰਮ ਕੀਤਾ। ਹਾਲਾਂਕਿ ਹੌਲੀ-ਹੌਲੀ ਉਹ ਬਾਲੀਵੁੱਡ ਤੋਂ ਦੂਰ ਹੋ ਗਈ। ਫਿਲਮਾਂ ਤੋਂ ਦੂਰ ਰਹਿਣ ਦੇ ਬਾਵਜੂਦ ਮਹਿਮਾ ਚੌਧਰੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਸ ਨੇ ‘ਦਾਗ : ਦ ਫਾਇਰ’, ਧੜਕਨ, ਖਿਲਾੜੀ 420 ਤੇ ਬਾਗ਼ਬਾਨ ਸਮੇਤ ਬਾਲੀਵੁੱਡ ਦੀਆਂ ਕਈ ਸ਼ਾਨਦਾਰ ਫਿਲਮਾਂ ‘ਚ ਅਦਾਕਾਰੀ ਕੀਤੀ। ਉਹ ਆਖ਼ਰੀ ਵਾਰ 2016 ‘ਚ ਬੰਗਾਲੀ ਫਿਲਮ ਡਾਰਕ ਚਾਕਲੇਟ ‘ਚ ਨਜ਼ਰ ਆਈ ਸੀ।ਹਾਲ ਹੀ ‘ਚ ਇਕ ਇੰਟਰਵਿਊ ਦੌਰਾਨ ਮਹਿਮਾ ਚੌਧਰੀ ਨੇ ਆਪਣੀ ਨਿੱਜੀ ਜ਼ਿੰਦਗੀ ਨਾਲ ਜੁੜੇ ਕਈ ਖੁਲਾਸੇ ਕੀਤੇ। ਸਾਲ 2006 ‘ਚ ਬੌਬੀ ਮੁਖਰਜੀ ਨਾਲ ਵਿਆਹ ਤੋਂ ਬਾਅਦ ਮਹਿਮਾ ਚੌਧਰੀ ਨੇ ਮਾਨਸਿਕ ਤੌਰ ‘ਤੇ ਪਰੇਸ਼ਾਨ ਰਹਿਣ ਲੱਗ ਪਈ ਸੀ। ਅਦਾਕਾਰਾ ਨੇ ਦੱਸਿਆ ‘ਪਤੀ ਦੇ ਨਾਲ ਕਈ ਚੀਜ਼ਾਂ ਨੂੰ ਲੈ ਕੇ ਬਹਿਸ ਹੋ ਜਾਂਦੀ ਸੀ। ਮੇਰਾ ਦੋ ਵਾਰ ਮਿਸਕੈਰੇਜ ਵੀ ਹੋਇਆ। ਇਸ ਵਿਆਹ ਤੋਂ ਮੈਂ ਖੁਸ਼ ਨਹੀਂ ਸੀ। ਇਸੇ ਕਾਰਨ ਤਲਾਕ ਦਾ ਫ਼ੈਸਲਾ ਲਿਆ।’ ਉਹ ਆਪਣੀ ਮਾਂ ਦੀ ਬਿਮਾਰੀ ਕਾਰਨ ਤਣਾਅ ਵਿਚ ਆ ਗਈ ਸੀ। ਅਦਾਕਾਰਾ ਨੇ ਦੱਸਿਆ ਕਿ ਮੇਰੀ ਮੁਸ਼ਕਲ ਘੜੀ ‘ਚ ਮੇਰੀ ਮਾਂ ਤੇ ਭੈਣ ਨੇ ਮੇਰਾ ਸਾਥ ਦਿੱਤਾ। ਜਦੋਂ ਮੈਂ ਬਾਹਰ ਜਾਂਦੀ ਸੀ ਤਾਂ ਆਪਣੀ ਬੇਟੀ ਨੂੰ ਮਾਂ ਦੇ ਘਰ ਛੱਡ ਕੇ ਜਾਂਦੀ ਸੀ, ਉਹ ਉਸ ਦਾ ਬਹੁਤ ਖ਼ਿਆਲ ਰੱਖਦੇ ਸਨ। ਮੇਕੀ ਮਾਂ ਨੂੰ ਪਾਰਕਿੰਸਨ ਸੀ। ਇਕ ਦਿਨ ਮੇਰੇ ਭਰਾ ਨੇ ਮੈਨੂੰ ਦੱਸਿਆ ਕਿ ਮਾਂ ਕੋਲ ਕੁਝ ਹੀ ਸਾਲ ਹਨ। ਉਸ ਦੌਰਾਨ ਮੈਂ ਡਿਪ੍ਰੈਸ਼ਨ ‘ਚੋਂ ਲੰਘੀ। ਮੈਂ ਛੋਟੀ-ਛੋਟੀ ਗੱਲ ‘ਤੇ ਰੋਣ ਲੱਗਦੀ ਸੀ।’
