ਭਾਰਤ ਨੂੰ ਮਿਲਿਆ ਅਮਰੀਕਾ ਲਈ ਕਾਰਤੂਸ ਬਣਾਉਣ ਦਾ ਆਰਡਰ

ਨਵੀਂ ਦਿੱਲੀ: ਗੋਲਾ ਬਰੂਦ ਦੇ ਨਿਰਯਾਤ ਵੱਲ ਵੱਡਾ ਕਦਮ ਚੁੱਕਦਿਆਂ ਭਾਰਤ ਹੁਣ ਅਮਰੀਕਾ ਲਈ ਕਾਰਤੂਸ ਬਣਾ ਰਿਹਾ ਹੈ। ਸਰਕਾਰ ਦੇ ਓਐੱਫਬੀ ਅਨੁਸਾਰ ‘ਨਾਟੋ ਐਮ -193 ਬਾਲ-ਏਮਿਊਨੇਸ਼ਨ’, ਭਾਵ ਅਮਰੀਕਾ ਲਈ ਕਾਰਤੂਸ, ਮਹਾਰਾਸ਼ਟਰ ਦੇ ਪਲਾਂਟ ਵਿਖੇ ਤਿਆਰ ਕੀਤੇ ਜਾ ਰਹੇ ਹਨ ਅਤੇ ਸਪਲਾਈ ਇਸ ਵਿੱਤੀ ਵਰ੍ਹੇ ਵਿੱਚ ਪੂਰੀ ਹੋਣ ਦੀ ਉਮੀਦ ਹੈ। ਆਰਡੀਨੈਂਸ ਫੈਕਟਰੀ ਬੋਰਡ ਅਨੁਸਾਰ ਮਹਾਰਾਸ਼ਟਰ ਦੇ ਵਾਰਾਗਾਓਂ ਵਿਖੇ ਓਐੱਫਬੀ ਪਲਾਂਟ ਵਿਖੇ ਅਮਰੀਕਾ ਲਈ 5.56X 45 ਐਮਐੱਮ ਨਾਟੋ ਐਮ 193 ਬਾਲ ਅਸਲਾ ਤਿਆਰ ਕੀਤਾ ਜਾ ਰਿਹਾ ਹੈ।
ਓਐੱਫਬੀ ਨੂੰ ਇਹ ਨਿਰਯਾਤ-ਆਰਡਰ ਸਿੱਧਾ ਪਿਛਲੇ ਮਹੀਨੇ, ਭਾਵ ਅਕਤੂਬਰ ‘ਚ ਮਿਲਿਆ ਇਹ ਨਿਰਯਾਤ ਆਰਡਰ ਇਸ ਵਿੱਤੀ ਸਾਲ ਵਿੱਚ ਪੂਰਾ ਹੋਵੇਗਾ, ਯਾਨੀ ਕਾਰਤੂਸ ਬਣਾਉਣ ਦੇ ਸਾਰੇ ਆਦੇਸ਼ ਇਸ ਵਿੱਤੀ ਸਾਲ ਵਿੱਚ ਪੂਰੇ ਹੋਣਗੇ। ਹਾਲਾਂਕਿ, ਓਐੱਫਬੀ ਨੇ ਇਹ ਨਹੀਂ ਦੱਸਿਆ ਹੈ ਕਿ ਅਮਰੀਕਾ ਲਈ ਕਿੰਨੇ ਕਾਰਤੂਸ ਬਣਾਏ ਜਾਣਗੇ ਅਤੇ ਸੌਦਾ ਕਿੰਨੀ ਕੀਮਤ ਦਾ ਹੈ। ਦਰਅਸਲ, ਯੂਐਸ ਦੀ ਫੌਜ ਆਪਣੀ ਰਾਈਫਲਾਂ ਅਤੇ ਕਾਰਬਾਈਨਜ਼ ਲਈ ਨਾਟੋ ਐਮ -193 ਬਾਲ ਅਸਲੇ ਦੀ ਵਰਤੋਂ ਕਰਦੀ ਹੈ। ਲੰਬੇ ਸਮੇਂ ਤੋਂ ਅਮਰੀਕਾ ਅਤੇ ਹੋਰ ਨਾਟੋ ਦੇਸ਼ਾਂ ਦੀਆਂ ਫੌਜਾਂ ਇਸ ਕਾਰਤੂਸ ਦੀ ਵਰਤੋਂ ਕਰਦੀਆਂ ਹਨ। ਇਸ ਲੋੜ ਲਈ ਹੁਣ ਅਮਰੀਕਾ ਭਾਰਤ ਤੋਂ ਮਦਦ ਲੈ ਰਿਹਾ ਹੈ।
ਹਾਲਾਂਕਿ ਓਐੱਫਬੀ ਦੇ ਕੰਮਕਾਜ ਨੂੰ ਲੈ ਕੇ ਵਿਵਾਦ ਵੀ ਖੜ੍ਹਾ ਹੁੰਦਾ ਰਿਹਾ ਹੈ, ਪਰ ਅਮਰੀਕਾ ਤੋਂ ਐਕਸਪੋਰਟ ਆਰਡਰ ਮਿਲਣਾ ਓਐੱਫਬੀ ਅਤੇ ਦੇਸ਼ ਲਈ ਇਕ ਮਹੱਤਵਪੂਰਨ ਕਦਮ ਹੈ। ਕਿਉਂਕਿ ਹੁਣ ਤੱਕ ਭਾਰਤ ਦੀ ਪਛਾਣ ਵਿਸ਼ਵ ਦੇ ਸਭ ਤੋਂ ਵੱਡੇ ਹਥਿਆਰਾਂ ਦੀ ਦਰਾਮਦ ਕਰਨ ਵਾਲੇ ਵਜੋਂ ਕੀਤੀ ਗਈ ਹੈ। ਪਰ ਕੁਝ ਸਮੇਂ ਤੋਂ, ਮੋਦੀ ਸਰਕਾਰ ਰੱਖਿਆ ਖੇਤਰ ‘ਚ ਨਿਰਯਾਤ ਕਰਨ ‘ਤੇ ਜ਼ੋਰ ਦੇ ਰਹੀ ਹੈ। ਰੱਖਿਆ ਮੰਤਰਾਲੇ ਨੇ ਸਾਲ 2025 ਤੱਕ ਰੱਖਿਆ ਖੇਤਰ ਵਿੱਚ ਤਕਰੀਬਨ 5 ਅਰਬ ਡਾਲਰ ਜਾਂ ਲਗਭਗ 35 ਹਜ਼ਾਰ ਕਰੋੜ ਰੁਪਏ ਦਾ ਨਿਰਯਾਤ ਟੀਚਾ ਨਿਰਧਾਰਤ ਕੀਤਾ ਹੈ।