ਅੱਜ ਓਨਟਾਰੀਓ ਸੂਬੇ ਦੀ ਲਿਬਰਲ ਪਾਰਟੀ ਸੂਬਾਈ ਲੀਡਰ ਦੀ ਚੋਣ ਦੇ ਤੀਜੇ ਗੇੜ ਦੇ ਸਖ਼ਤ ਮੁਕਾਬਲੇ ‘ਚ ਓਨਟਾਰੀਓ ਲਿਬਰਲ ਪਾਰਟੀ ਦੇ ਆਗੂ ਵਜੋਂ ਬੀਬੀ ਬੌਨੀ ਕਰੋਂਬੀ ਚੁਣੇ ਗਏ ਹਨ। ਉਨ੍ਹਾਂ ਨੂੰ 6900 ਵੋਟਾਂ ਮਿਲੀਆਂ ਜਦਕਿ ਉਨ੍ਹਾਂ ਦੇ ਮੁਕਾਬਲੇ ਨੈਟ ਸਮਿੱਥ 6000 ਵੋਟਾਂ ਨਾਲ ਦੂਜੇ ਨੰਬਰ ‘ਤੇ ਰਹੇ।
ਵਰਨਣਯੋਗ ਹੈ ਕਿ ਬੀਬੀ ਬੌਨੀ ਕਰੋਂਬੀ ਓਨਟਾਰੀਓ ਲਿਬਰਲ ਪਾਰਟੀ ਦੀ ਨਵੀਂ ਲੀਡਰ ਬਨਣ ਤੋਂ ਪਹਿਲਾਂ ਮਿਸ਼ੀਸਾਗਾ ਸ਼ਹਿਰ ਦੀ ਮੇਅਰ ਸਨ। ਅਗਲੀਆਂ ਓਨਟਾਰੀਓ ਸੂਬੇ ਦੀਆਂ ਚੋਣਾਂ ‘ਚ ਉਨ੍ਹਾਂ ਦਾ ਮੁਕਾਬਲਾ ਹੁਣ ਦੇ ਸੂਬਾ ਪ੍ਰੀਮੀਅਰ ਡੱਗ ਫੋਰਡ ਨਾਲ ਹੋਵੇਗਾ।