Poonam Pandey Raj Kundra : ਪੁਲਿਸ ਦੁਆਰਾ ਸ਼ਿਲਪਾ ਸ਼ੈੱਟੀ ਦੇ ਪਤੀ ਰਾਜ ਕੁੰਦਰਾ ਦੇ ਖਿਲਾਫ FIR ਲਿਖਣ ਤੋਂ ਮਨਾ ਕੀਤੇ ਜਾਣ ਤੋਂ ਬਾਅਦ ਅਦਾਕਾਰਾ ਪੂਨਮ ਪਾਂਡੇ ਨੇ ਬੰਬੇ ਹਾਈ ਕੋਰਟ ਦਾ ਰੁਖ਼ ਕਰਨ ਦਾ ਫੈਸਲਾ ਕੀਤਾ ਹੈ। ਇਹ ਸਾਰਾ ਮਾਮਲਾ ਪੂਨਮ ਪਾਂਡੇ ਦੁਆਰਾ Armsprime Media ਦੇ ਨਾਲ 2019 ਵਿੱਚ ਸਾਇਨ ਕੀਤੇ ਗਏ ਇੱਕ ਕਾਂਟਰੈਕਟ ਦੇ ਨਾਲ ਸ਼ੁਰੂ ਹੋਇਆ ਸੀ।
ਇਹ ਕੰਪਨੀ ਇੱਕ ਐਪ ਬਣਾਉਣ ਵਾਲੀ ਸੀ ਜਿਸ ਦੇ ਨਾਲ ਹੋਣ ਵਾਲੇ ਮੁਨਾਫੇ ਦਾ ਇੱਕ ਤੈਅ ਹਿੱਸਾ ਪੂਨਮ ਨੂੰ ਮਿਲਣਾ ਸੀ।ਪੂਨਮ ਦੇ ਮੁਤਾਬਕ ਉਨ੍ਹਾਂ ਨੇ ਇਹ ਕਾਂਟਰੈਕਟ ਰੱਦ ਕਰ ਦਿੱਤਾ ਸੀ ਜਦੋਂ ਉਨ੍ਹਾਂ ਨੂੰ ਪਤਾ ਚੱਲਿਆ ਕਿ ਮੁਨਾਫੇ ਦੀ ਸ਼ੇਅਰਿੰਗ ਨੂੰ ਲੈ ਕੇ ਫਰਕ ਕੀਤਾ ਗਿਆ ਹੈ। ਇਸ ਕਾਂਟਰੈਕਟ ਤੋਂ ਬਾਹਰ ਆਉਂਦੇ ਹੀ ਉਨ੍ਹਾਂ ਨੂੰ ਉਨ੍ਹਾਂ ਦੇ ਪ੍ਰਾਈਵੇਟ ਨੰਬਰ ਉੱਤੇ ਕਾਲਸ ਆਉਣੀਆਂ ਸ਼ੁਰੂ ਹੋ ਗਈਆਂ, ਜਿਨ੍ਹਾਂ ਵਿੱਚ ਉਨ੍ਹਾਂ ਨੂੰ ਵੱਖ – ਵੱਖ ਤਰ੍ਹਾਂ ਦੇ ਅਨੁਰੋਧ ਕੀਤੇ ਜਾਂਦੇ ਸਨ।
ਪੂਨਮ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਸ ਦੀ ਸ਼ਿਕਾਇਤ ਪੁਲਿਸ ਵਿੱਚ ਕੀਤੀ ਪਰ ਉਨ੍ਹਾਂ ਨੇ ਰਾਜ ਕੁੰਦਰਾ ਦੇ ਖਿਲਾਫ ਕੇਸ ਦਰਜ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕੋਰਟ ਦਾ ਰੁਖ਼ ਕਰਨ ਦਾ ਫੈਸਲਾ ਕੀਤਾ। ਰਿਪੋਰਟਸ ਦੇ ਮੁਤਾਬਕ ਪੂਨਮ ਤਿੰਨ ਮਹੀਨੇ ਲਈ ਦੇਸ਼ ਤੋਂ ਇਹ ਸੋਚਕੇ ਬਾਹਰ ਗਈ ਸੀ ਕਿ ਚੀਜਾਂ ਉਸ ਤੋਂ ਬਾਅਦ ਬਿਹਤਰ ਹੋ ਜਾਣਗੀਆਂ ਅਤੇ ਹਾਲਾਤ ਉਸ ਤੋਂ ਬਾਅਦ ਬਦਲ ਜਾਣਗੇ। ਉਨ੍ਹਾਂ ਨੇ ਆਪਣਾ ਨੰਬਰ ਬਦਲਕੇ ਵੀ ਵੇਖਿਆ ਪਰ ਚੀਜਾਂ ਨਹੀਂ ਬਦਲੀਆਂ।
ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਪੂਨਮ ਨਸ਼ਾ, ਦਿ ਜਰਨੀ ਆਫ ਕਰਮਾ ਅਤੇ ਆ ਗਿਆ ਹੀਰੋ ਵਰਗੀਆਂ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਹੈ। ਗੱਲ ਕੀਤੀ ਜਾਏ ਪੂਨਮ ਪਾਂਡੇ ਦੀ ਤਾਂ ਉਹ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਹਰ ਇੱਕ ਅਪਡੇਟ ਦਿੰਦੀ ਹੀ ਰਹਿੰਦੀ ਹੈ। ਉਹਨਾਂ ਦੀ ਅਦਾਕਾਰੀ ਨੂੰ ਦਰਸ਼ਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਜਾਂਦਾ ਹੈ।
