ਪਾਕਿਸਤਾਨ ਨਾ ਸਿਰਫ਼ ਭਾਰਤ ਬਲਕਿ ਪੂਰੀ ਦੁਨੀਆ ਲਈ ਸਿਰਦਰਦ: ਰਾਮ ਮਾਧਵ

ਉਨ੍ਹਾਂ ਦਾਅਵਾ ਕੀਤਾ ਕਿ ਅਮਰੀਕਾ ’ਚ ਬੁੱਧੀਜੀਵੀਆਂ ਦਾ ਇਕ ਸਮੂਹ ਹਮੇਸ਼ਾ ਪਾਕਿਸਤਾਨ ਤੇ ਉਸਦੀ ਖੁਫ਼ੀਆ ਏਜੰਸੀ ਆਈਐੱਸਆਈ ਦਾ ਬਚਾਅ ਕਰਨ ’ਚ ਲੱਗਾ ਰਹਿੰਦਾ ਹੈ। ਆਈਐੱਸਆਈ ਅੱਤਵਾਦ ਦਾ ਦੂਜਾ ਨਾਂ ਹੈ। ਪਰ ਅਮਰੀਕਾ ’ਚ ਉਹ ਕੁਝ ਬੁੱਧੀਜੀਵੀਆਂ ਨੂੰ ਇਹ ਸਮਝਾਉਣ ’ਚ ਸਫ਼ਲ ਰਹੇ ਹਨ ਕਿ ਅੱਤਵਾਦੀ ਸੰਗਠਨ ਉਨ੍ਹਾਂ ਦੇ ਕੰਟਰੋਲ ’ਚ ਨਹੀਂ ਆ ਰਹੇ। ਰਾਮ ਮਾਧਵ ਨੇ ਭਾਰਤੀ-ਅਮਰੀਕੀਆਂ ਨਾਲ ਮਜ਼ਾਕੀਆ ਲਹਿਜ਼ੇ ’ਚ ਕਿਹਾ ਕਿ ਉਨ੍ਹਾਂ ਨੂੰ ਆਪਣੇ ਕੁਝ ਅੱਤਵਾਦੀ ਭਾਰਤ ਭੇਜਣੇ ਚਾਹੀਦੇ ਹਨ, ਅਸੀਂ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਨਾਲ ਕਾਬੂ ਕਰ ਲਵਾਂਗੇ। ਸਾਨੂੰ ਉੱਥੇ ਆਉਣ ਦੀ ਇਜਾਜ਼ਤ ਦਿਓ, ਅਸੀਂ ਅੱਤਵਾਦ ਦੀਆਂ ਇਨ੍ਹਾਂ ਜਡ਼ਾਂ ਨੂੰ ਉਖਾਡ਼ ਸੁੱਟਾਂਗੇ। ਉਨ੍ਹਾਂ ਕਿਹਾ ਕਿ ਭਾਰਤ ਨੇ ਕਸ਼ਮੀਰ ਸਮੇਤ ਪੂਰੇ ਦੇਸ਼ ’ਚ ਅੱਤਵਾਦੀ ਸੰਗਠਨਾਂ ਦਾ ਸਫਾਇਆ ਕਰਨ ’ਚ ਕਾਮਯਾਬੀ ਹਾਸਲ ਕੀਤੀ ਹੈ। ਅੱਤਵਾਦੀਆਂ ਦੇ ਮਦਦਗਾਰਾਂ ਤੇ ਉਨ੍ਹਾਂ ਦੇ ਹਮਾਇਤੀ ਗਰੁੱਪਾਂ ਨੂੰ ਅਜਿਹੀਆਂ ਸਰਗਰਮੀਆਂ ਲਈ ਭਾਰੀ ਕੀਮਤ ਚੁਕਾਉਣੀ ਪਵੇਗੀ। ਮਾਧਵ ਨੇ ਦੋਸ਼ ਲਾਇਆ ਕਿ ਕੁਝ ਥਿੰਕ ਟੈਂਕ ਤੇ ਦ ਨਿਊਯਾਰਕ ਟਾਈਮਜ਼ ਤੇ ਵਾਸ਼ਿੰਗਟਨ ਪੋਸਟ ਵਰਗੇ ਮੀਡੀਆ ਹਾਊਸ ਅੱਤਵਾਦ ਦੇ ਹਮਦਰਦ ਬਣ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਅੱਤਵਾਦੀਆਂ ਨੂੰ ਮਾਰੇ ਬਗ਼ੈਰ ਦੁਨੀਆ ਭਰ ’ਚ ਅੱਤਵਾਦ ਦੇ ਖ਼ਿਲਾਫ਼ ਇਹ ਲੜਾਈ ਖ਼ਤਮ ਨਹੀਂ ਹੋਵੇਗੀ।