ਨਵੀਂ ਦਿੱਲੀ: ਭਾਰਤ ਫ਼ਿਲਮ ਜਗਤ ਦੇ ਦਿਗੱਜ ਅਦਾਕਾਰ ਪਦਮ ਸ੍ਰੀ ਪਰੇਸ਼ ਰਾਵਲ ਨੂੰ ਨੈਸ਼ਨਲ ਸਕੂਲ ਆਫ਼ ਡਰਾਮਾ ਦਾ ਮੁਖੀ ਐਲਾਨਿਆ ਗਿਆ ਹੈ। ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਨੇ ਸਾਬਕਾ ਲੋਕ ਸਭਾ ਐਮਪੀ ਤੇ ਐਕਟਰ ਪਰੇਸ਼ ਰਾਵਲ ਨੂੰ NSD ਦਾ ਚੀਫ਼ ਨਿਯੁਕਤ ਕੀਤਾ ਹੈ।
ਇਹ ਜਾਣਕਾਰੀ NSD ਦੀ ਅਧਿਕਾਰੀਆਂ ਨੇ ਆਪਣੇ ਟਵਿੱਟਰ ਹੈਂਡਲ ਦੇ ਜ਼ਰੀਏ ਸਾਂਝਾ ਕੀਤੀ।
ਪਰੇਸ਼ ਰਾਵਲ ਨੇ ਆਪਣੀ ਸ਼ੁਰੂਆਤ 1985 ਵਿੱਚ ਆਈ ਫਿਲਮ ਅਰਜੁਨ ਨਾਲ ਕੀਤੀ ਸੀ। ਉਸ ਨੇ ਫਿਲਮ ਵਿੱਚ ਇੱਕ ਸਹਿਯੋਗੀ ਭੂਮਿਕਾ ਅਦਾ ਕੀਤੀ ਸੀ। ਹਾਲਾਂਕਿ, ਉਸ ਨੇ 1986 ਦੇ ਬਲਾਕਬਸਟਰ ਨਾਮ ਦੇ ਜਾਰੀ ਹੋਣ ਤੋਂ ਬਾਅਦ ਪਛਾਣ ਪ੍ਰਾਪਤ ਕੀਤੀ। ਆਪਣੇ ਕਰੀਅਰ ਦੀ ਸ਼ੁਰੂਆਤ ਵਿੱਚ ਪਰੇਸ਼ ਰਾਵਲ ਨੂੰ ਜ਼ਿਆਦਾਤਰ ਖਲਨਾਇਕ ਭੂਮਿਕਾਵਾਂ ਲਈ ਮਾਨਤਾ ਮਿਲੀ।
ਫਿਰ ਉਸ ਨੇ ਅੰਦਾਜ਼ ਅਪਨਾ (1994), ਚਾਚੀ 420 (1997), ਹੇਰਾ ਫੇਰੀ (2000), ਨਾਇਕ (2001), ਆਂਖੇ (2002), ਅਵਾਰਾ ਪਾਗਲ ਦੀਵਾਨਾ (2002), ਹੰਗਾਮਾ (2003) ਵਰਗੀਆਂ ਫਿਲਮਾਂ ਨਾਲ ਆਪਣੇ ਆਪ ਨੂੰ ਕਾਮੇਡੀ ਸ਼ੈਲੀ ਵਿੱਚ ਸਥਾਪਤ ਕੀਤਾ।
