ਗੁਹਾਟੀ- ਦੱਖਣੀ ਅਫ਼ਰੀਕਾ ਨੇ ਮੇਜ਼ਬਾਨ ਭਾਰਤ ਖਿਲਾਫ਼ ਦੂਜੇ ਟੈਸਟ ਕ੍ਰਿਕਟ ਮੈਚ ਦੇ ਪਹਿਲੇ ਦਿਨ ਚਾਹ ਦੇ ਸਮੇਂ ਤੱਕ ਇਕ ਵਿਕਟ ਦੇ ਨੁਕਸਾਨ ਨਾਲ 82 ਦੌੜਾਂ ਬਣਾ ਲਈਆਂ ਹਨ। ਮਹਿਮਾਨ ਦੀ ਇਕੋ ਇਕ ਵਿਕਟ ਏਡਨ ਮਾਰਕਰਾਮ (38) ਦੇ ਰੂਪ ਵਿਚ ਡਿੱਗੀ, ਜਿਸ ਨੂੰ ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੇ ਆਊਟ ਕੀਤਾ।
ਮਾਰਕਰਾਮ ਨੂੰ ਸੱਤਵੇਂ ਓਵਰ ਵਿਚ ਬੁਮਰਾਹ ਦੀ ਦੂਜੀ ਗੇਂਦ ’ਤੇ ਇਕ ਜੀਵਨਦਾਨ ਵੀ ਮਿਲਿਆ ਜਦੋਂ ਕੇਐੱਲ ਰਾਹੁਲ ਨੇ ਦੂਜੀ ਸਲਿੱਪ ’ਤੇ ਨਿਯਮਤ ਕੈਚ ਛੱਡ ਦਿੱਤਾ। ਲੰਚ ਬ੍ਰੇਕ ਤੋਂ ਪਹਿਲਾਂ ਲਈ 20 ਮਿੰਟਾਂ ਦੀ ਟੀ ਬ੍ਰੇਕ ਦੌਰਾਨ ਰਿਆਨ ਰਿਕਲਟਨ 35 ਦੌੜਾਂ ਨਾਲ ਨਾਬਾਦ ਸੀ। ਲੰਚ ਸਥਾਨਕ ਸਮੇਂ ਮੁਤਾਬਕ ਦੁਪਹਿਰੇ 1:20 ਵਜੇ ਹੋਵੇਗਾ।
ਦੱਖਣੀ ਅਫ਼ਰੀਕਾ ਦੀ ਟੀਮ ਦੋ ਟੈਸਟ ਮੈਚਾਂ ਦੀ ਲੜੀ ਵਿਚ 1-0 ਨਾਲ ਅੱਗੇ ਹੈ। ਦੱਖਣੀ ਅਫਰੀਕਾ ਨੇ ਕੋਲਕਾਤਾ ਦੇ ਈਡਨ ਗਾਰਡਨਜ਼ ਵਿਚ ਖੇਡੇ ਪਹਿਲੇ ਟੈਸਟ ਵਿਚ ਮੇਜ਼ਬਾਨ ਭਾਰਤ ਨੂੰ ਰੋਮਾਂਚਕ ਮੁਕਾਬਲੇ ਵਿਚ 30 ਦੌੜਾਂ ਨਾਲ ਹਰਾਇਆ ਸੀ। ਸੰਖੇਪ ਸਕੋਰ: ਦੱਖਣੀ ਅਫਰੀਕਾ 82/1 26.5 ਓਵਰ (ਏਡਨ ਮਾਰਕਰਾਮ 38, ਰਿਆਨ ਰਿਕਲਟਨ 35 ਨਾਬਾਦ, ਜਸਪ੍ਰੀਤ ਬੁਮਰਾਹ 1/7)