ਅਫ਼ਗਾਨਿਸਤਾਨ ’ਤੇ ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਹਾਲਾਤ ਬੇਹੱਦ ਖ਼ਰਾਬ ਹਨ। ਲੋਕ ਕਿਸੇ ਵੀ ਤਰ੍ਹਾਂ ਬਸ ਦੇਸ਼ ਤੋਂ ਬਾਹਰ ਜਾਣਾ ਚਾਹੁੰਦੇ ਹਨ। ਭਾਰਤ ਤੇ ਅਮਰੀਕਾ ਸਮੇਤ ਜ਼ਿਆਦਾਤਰ ਦੇਸ਼ਾਂ ਨੇ ਆਪਣੇ ਰਾਜਦੂਤਾਂ ਨੂੰ ਵਾਪਸ ਬੁਲਾ ਲਿਆ ਹੈ। ਇਸੀ ਦੌਰਾਨ ਤਾਲਿਬਾਨ ਨੇ ਵੱਡਾ ਐਲਾਨ ਕਰਦੇ ਹੋਏ ਔਰਤਾਂ ਨੂੰ ਅਫ਼ਗਾਨਿਸਤਾਨ ਦੀ ਨਵੀਂ ਸਰਕਾਰ ’ਚ ਸ਼ਾਮਿਲ ਹੋਣ ਦੀ ਬੇਨਤੀ ਕੀਤੀ ਹੈ। ਇਸਦੇ ਨਾਲ ਹੀ ਤਾਲਿਬਾਨ ਨੇ ਪੂਰੇ ਅਫ਼ਗਾਨਿਸਤਾਨ ’ਚ ‘ਆਮ ਮਾਫ਼ੀ’ ਦਾ ਐਲਾਨ ਕੀਤਾ ਹੈ।
ਤਾਲਿਬਾਨ ਦੇ ਸੰਸਕ੍ਰਿਤਿਕ ਕਮਿਸ਼ਨ ਦੇ ਮੈਂਬਰ ਇਨਾਮੁੱਲਾ ਸਮਨਗਨੀ ਨੇ ਪਹਿਲੀ ਵਾਰ ਸੰਘੀ ਪੱਧਰ ’ਤੇ ਸਾਸ਼ਨ ਵੱਲੋਂ ਟਿੱਪਣੀ ਕੀਤੀ ਹੈ। ਕਾਬੁਲ ’ਚ ਹਰਾਸਮੈਂਟ ਜਾਂ ਲੜਾਈ ਦੀ ਵੱਡੀ ਘਟਨਾ ਹੁਣ ਤਕ ਦਰਜ ਨਹੀਂ ਕੀਤੀ ਗਈ ਹੈ ਅਤੇ ਤਾਲਿਬਾਨ ਦੁਆਰਾ ਜੇਲ੍ਹਾ ’ਤੇ ਕਬਜ਼ਾ ਕਰਕੇ ਕੈਦੀਆਂ ਨੂੰ ਛੁਡਾਉਣ ਅਤੇ ਹਥਿਆਰਾਂ ਨੂੰ ਲੁੱਟਣ ਦੀ ਘਟਨਾ ਤੋਂ ਬਾਅਦ ਕਈ ਸ਼ਹਿਰੀ ਘਰਾਂ ’ਚ ਮੌਜੂਦ ਹਨ, ਪਰ ਡਰੇ ਹੋਏ ਹਨ।
ਇਸ ਦੌਰਾਨ, ਮੰਗਲਵਾਰ ਨੂੰ ਨਾਟੋ ਦੇ ਅਫ਼ਗਾਨਿਸਤਾਨ ’ਚ ਸੀਨੀਅਰ ਨਾਗਰਿਕ ਪ੍ਰਤੀਨਿਧੀ ਸਟੀਫੇਨੋ ਪੋਂਟੇਕਾਰਵੋ ਨੇ ਵੀਡੀਓ ਪੋਸਟ ਕੀਤੀ ਹੈ, ਜਿਸ ’ਚ ਜਿਸ ਰਿਹਾ ਹੈ ਕਿ ਹਵਾਈ ਅੱਡੇ ਦੀ ਉਡਾਣ ਪੱਟੀ ਖਾਲੀ ਹੈ ਅਤੇ ਅਮਰੀਕੀ ਸੈਨਿਕ ਤਾਇਨਾਤ ਹਨ। ਤਸਵੀਰ ’ਚ ਚੈਨ ਨਾਲ ਬਣੀ ਸੁਰੱਖਿਆ ਕੰਧ ਦੇ ਪਿੱਛੇ ਸੈਨਾ ਦਾ ਮਾਲਵਾਹਕ ਜਹਾਜ਼ ਦੇਖਿਆ ਜਾ ਸਕਦਾ ਹੈ।