Muralitharan Northern Province Governor: ਸ੍ਰੀਲੰਕਾ ਦੇ ਸਾਬਕਾ ਸਪਿਨਰ ਮੁਥੱਈਆ ਮੁਰਲੀਧਰਨ ਹੁਣ ਜਲਦ ਹੀ ਸਿਆਸਤ ਵਿੱਚ ਆਪਣੀ ਪਾਰੀ ਦੀ ਸ਼ੁਰੂਆਤ ਕਰ ਸਕਦੇ ਹਨ । ਉਨ੍ਹਾਂ ਨੂੰ ਸ੍ਰੀਲੰਕਾ ਦੇ ਉੱਤਰੀ ਸੂਬੇ ਦਾ ਗਵਰਨਰ ਨਿਯੁਕਤ ਕੀਤਾ ਗਿਆ ਹੈ । ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਗੋਟਬਾਇਆ ਰਾਜਪਕਸ਼ੇ ਵੱਲੋਂ ਉਨ੍ਹਾਂ ਨੂੰ ਇਸ ਅਹੁਦੇ ਨੂੰ ਸਵੀਕਾਰ ਕਰਨ ਲਈ ਨਿੱਜੀ ਤੌਰ ‘ਤੇ ਸੱਦਾ ਭੇਜਿਆ ਗਿਆ ਹੈ ।
ਜ਼ਿਕਰਯੋਗ ਹੈ ਕਿ 47 ਸਾਲਾਂ ਸਾਬਕਾ ਕ੍ਰਿਕਟਰ ਮੁਰਲੀਧਰਨ ਨੇ 133 ਟੈਸਟ ਮੈਚਾਂ ਵਿੱਚ ਸੱਭ ਤੋਂ ਵੱਧ 800 ਵਿਕਟਾਂ ਲਈਆਂ ਹਨ । ਮੁਰਲੀਧਰਨ ਨੇ ਸਾਲ 2010 ਵਿੱਚ ਟੈਸਟ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ । ਮੁਰਲੀਧਰਨ ਨੇ 350 ਵਨਡੇ ਮੁਕਾਬਲਿਆਂ ਵਿੱਚ 534 ਅਤੇ 12 ਟੀ20 ਮੈਚਾਂ ਵਿੱਚ 13 ਵਿਕਟਾਂ ਹਾਸਿਲ ਕੀਤੀਆਂ ਹਨ ।
ਦੱਸ ਦੇਈਏ ਕਿ ਗੌਤਬਾਯਾ ਵੱਲੋਂ ਮੁਰਲੀਧਰਨ ਤੋਂ ਇਲਾਵਾ ਅਨੁਰਾਧਾ ਯਹਮਪਥ ਨੂੰ ਪੂਰਬੀ ਸੂਬੇ ਅਤੇ ਤਿੱਸ ਵਿਤਰਾਣਾ ਨੂੰ ਉੱਤਰੀ ਮੱਧ ਸੂਬੇ ਦਾ ਗਵਰਨਰ ਬਣਾਇਆ ਗਿਆ ਹੈ । ਦਰਅਸਲ, ਅਨੁਰਾਧਾ ਕੌਮੀ ਵਪਾਰ ਮੰਡਲ ਦੀ ਪ੍ਰਧਾਨ ਅਤੇ ਗਾਰਮੈਂਟ ਐਕਸਪੋਰਟ ਕੰਪਨੀ ਦੀ ਡਾਇਰੈਕਟਰ ਹਨ, ਜਦਕਿ ਵਿਤਰਾਣਾ ਲੰਕਾ ਸਮਾ ਸਮਾਜ ਪਾਰਟੀ ਦੇ ਨੇਤਾ ਹਨ ।
