maize mosaic dwarf virus: ਦੁਨੀਆ ਵਿੱਚ ਸਭ ਤੋਂ ਪਹਿਲਾਂ ਕੋਰੋਨਾ ਵਾਇਰਸ ਦਾ ਸ਼ਿਕਾਰ ਬਣੇ ਚੀਨ ਦੀਆਂ ਸਮੱਸਿਆਵਾਂ ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ ਹਨ । ਇੱਥੇ ਇੱਕ ਤੋਂ ਬਾਅਦ ਇੱਕ ਵਾਇਰਸ ਆ ਰਹੇ ਹਨ । ਕੋਰੋਨਾ ਤੋਂ ਬਾਅਦ ਹੰਟਾਵਾਇਰਸ ਦੀ ਲਾਗ ਕਾਰਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਸੀ । ਹੁਣ ਫਸਲਾਂ ਵਿੱਚ ਹੋਣ ਵਾਲਾ ਵਾਇਰਸ ਇੱਥੇ ਆ ਗਿਆ, ਇਸ ਲਈ ਇਸ ਤੋਂ ਬਚਣ ਲਈ ਕਈ ਟਨ ਫਸਲਾਂ ਨੂੰ ਤਬਾਹ ਕਰਨਾ ਪਿਆ ।
ਦਰਅਸਲ, ਚੀਨੀ ਅਖਬਾਰ ਗਲੋਬਲ ਟਾਈਮਜ਼ ਦੇ ਅਨੁਸਾਰ ਚਿੱਲੀ ਤੋਂ ਤਕਰੀਬਨ 4 ਟਨ ਮੱਕੀ ਦੇ ਬੀਜ ਮੰਗਵਾਏ ਗਏ ਸਨ । ਚੀਨ ਪਹੁੰਚਣ ‘ਤੇ ਸ਼ੰਘਾਈ ਕਸਟਮ ਅਧਿਕਾਰੀਆਂ ਨੇ ਪਾਇਆ ਕਿ ਇਸ ਵਿੱਚ ਫਸਲਾਂ ਦਾ ਖਤਰਨਾਕ ਵਾਇਰਸ ਹੈ । ਮੈਜ ਡਵਰਫ ਮੋਜ਼ੇਕ ਵਾਇਰਸ ਸਾਰੀ ਫਸਲ ਨੂੰ ਤਬਾਹ ਕਰ ਸਕਦਾ ਹੈ । ਇਸ ਕਾਰਨ ਫਸਲਾਂ ਨੂੰ ਹੋਣ ਵਾਲੇ ਨੁਕਸਾਨ ਨਾਲ ਭਾਰੀ ਆਰਥਿਕ ਨੁਕਸਾਨ ਵੀ ਹੋ ਸਕਦਾ ਹੈ । ਇਸ ਨੂੰ ਫੈਲਣ ਤੋਂ ਰੋਕਣ ਲਈ ਕਸਟਮ ਅਧਿਕਾਰੀਆਂ ਨੇ 2 ਬੈਚਾਂ ਵਿੱਚ ਆਏ ਇਨ੍ਹਾਂ ਬੀਜਾਂ ਨੂੰ ਨਸ਼ਟ ਕਰ ਦਿੱਤਾ ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਚੀਨ ਕੋਰੋਨਾ ਵਾਇਰਸ ਦਾ ਸਾਹਮਣਾ ਸਭ ਤੋਂ ਪਹਿਲਾਂ ਕਰ ਚੁੱਕਿਆ ਹੈ । ਹੁਬੇਈ ਪ੍ਰਾਂਤ ਦੇ ਵੁਹਾਨ ਵਿੱਚ ਪਿਛਲੇ ਸਾਲ ਨਵੰਬਰ ਵਿੱਚ ਸ਼ੁਰੂ ਹੋਈ ਲਾਗ ਦੇ ਕਾਰਨ 3,339 ਲੋਕਾਂ ਦੀ ਮੌਤ ਹੋ ਗਈ ਸੀ । ਵੁਹਾਨ ਨੂੰ ਹੁਣ ਬੁੱਧਵਾਰ ਤੋਂ ਲਾਕ ਡਾਊਨ ਹੋਣ ਤੋਂ ਆਜ਼ਾਦੀ ਮਿਲੀ ਹੈ । ਇਸ ਦੇ ਨਾਲ ਹੀ ਇਸ ਖਤਰਨਾਕ ਵਾਇਰਸ ਨੇ ਦੁਨੀਆ ਭਰ ਵਿੱਚ 1 ਲੱਖ ਤੋਂ ਵੱਧ ਜਾਨਾਂ ਲੈ ਲਈਆਂ ਹਨ । ਕੋਰੋਨਾ ਤੋਂ ਬਾਅਦ ਚੂਹੇ ਤੋਂ ਫੈਲਿਆ ਹੰਟਾਵਾਇਰਸ ਨੇ ਯੂਨਾਨ ਸੂਬੇ ਵਿੱਚ ਵੀ ਇਕ ਵਿਅਕਤੀ ਦੀ ਜਾਨ ਲੈ ਲਈ ਸੀ ।
