ਵਿਸ਼ਵ ਸਿਹਤ ਸੰਗਠਨ ਭਾਵ ਡਬਲਯੂਐੱਚਓ ਨੇ ਕੋਰੋਨਾ ਮਹਾਮਾਰੀ ਨੂੰ ਲੈ ਕੇ ਦੁਨੀਆ ਦੇ ਸਾਰੇ ਦੇਸ਼ਾਂ ਨੂੰ ਇਕ ਵਾਰ ਫਿਰ ਤੋਂ ਚਿਤਾਵਨੀ ਜਾਰੀ ਕੀਤੀ ਹੈ। ਡਬਲਯੂਐੱਚਓ ਨੇ ਕਿਹਾ ਕਿ ਆਉਣ ਵਾਲੇ ਮਹੀਨਿਆਂ ’ਚ ਕੋਰੋਨਾ ਵਾਇਰਸ ਦਾ ਡੈਲਟਾ ਵੇਰੀਐਂਟ ਦੁਨੀਆ ਭਰ ’ਚ ਤੇਜ਼ੀ ਨਾਲ ਫੈਲੇਗਾ। ਡਬਲਯੂਐੱਚਓ ਨੇ ਕਿਹਾ ਕਿ ਕੋਰੋਨਾ ਦਾ ਵੇਰੀਐਂਟ ਹੁਣ ਲਗਪਗ 100 ਦੇਸ਼ਾਂ ’ਚ ਮੌਜੂਦ ਹੈ ਅਤੇ ਚਿਤਾਵਨੀ ਦਿੱਤੀ ਹੈ ਕਿ ਆਉਣ ਵਾਲੇ ਮਹੀਨਿਆਂ ’ਚ ਸੰਕ੍ਰਮਕ ਡੈਲਟਾ ਵੇਰੀਐਂਟ ਵਿਸ਼ਵੀ ਪੱਧਰ ’ਤੇ ਕੋਰੋਨਾ ਵਾਇਰਸ ਦਾ ਮੁਖ ਵੇਰੀਐਂਟ ਬਣ ਜਾਵੇਗਾ।
ਆਪਣੇ ਕੋਵਿਡ-19 ਵੀਕਲੀ ਏਪਿਡੇਮਿਓਲਾਜਿਕਲ ਅਪਡੇਟ ’ਚ WHO ਨੇ ਕਿਹਾ ਕਿ 96 ਦੇਸ਼ਾਂ ਨੇ ਡੈਲਟਾ ਵੇਰੀਐਂਟ ਦੇ ਮਾਮਲਿਆਂ ਦੀ ਸੂਚਨਾ ਦਿੱਤੀ ਹੈ, ਹਾਲਾਂਕਿ ਇਹ ਅੰਕੜਾ ਘੱਟ ਹੈ ਕਿਉਂਕਿ ਵੇਰੀਐਂਟ ਦੀ ਪਛਾਣ ਕਰਨ ਲਈ ਜ਼ਰੂਰੀ ਇੰਡੈਕਸਿੰਗ ਸਮਰੱਥਾ ਸੀਮਿਤ ਹੈ। ਇਨ੍ਹਾਂ ’ਚੋਂ ਕਈ ਦੇਸ਼ ਇਸ ਪ੍ਰਕਾਰ ਦੇ ਸੰਕ੍ਰਮਣ ਅਤੇ ਹਸਪਤਾਲ ’ਚ ਭਰਤੀ ਹੋਣ ਲਈ ਖ਼ੁਦ ਜ਼ਿੰਮੇਵਾਰ ਹੈ।
ਕੋਰੋਨਾ ਦੇ ਇਸ ਵੇਰੀਐਂਟ ’ਚ ਤੇਜ਼ੀ ਨੂੰ ਦੇਖਦੇ ਹੋਏ ਡਬਲਯੂਐੱਚਓ ਨੇ ਚਿਤਾਵਨੀ ਦਿੱਤੀ ਕਿ ਡੈਲਟਾ ਵੇਰੀਐਂਟ ਆਉਣ ਵਾਲੇ ਮਹੀਨਿਆਂ ’ਚ ਕੋਰੋਨਾ ਦੇ ਹੋਰ ਵੇਰੀਐਂਟ ਨੂੰ ਤੇਜ਼ੀ ਨਾਲ ਪਛਾੜਦੇ ਹੋਏ ਦੁਨੀਆ ਦਾ ਸਭ ਤੋਂ ਮੁਖ ਵੇਰੀਐਂਟ ਬਣ ਜਾਵੇਗਾ। ਪਿਛਲੇ ਹਫ਼ਤੇ, ਡਬਲਯੂਐੱਚਓ ਦੇ ਡਾਇਰੈਕਟਰ ਜਨਰਲ ਟੇਡ੍ਰੋਸ ਅਦਨੋਮ ਘੇਬ੍ਰੇਯਸਸ ਨੇ ਕਿਹਾ ਕਿ ਡੈਲਟਾ ਵੇਰੀਐਂਟ ਹੁਣ ਤਕ ਪਛਾਣੇ ਗਏ ਵੇਰੀਐਂਟ ਦਾ ਸਭ ਤੋਂ ਵੱਧ ਸੰਕ੍ਰਮਕ ਸਵਰੂਪ ਹੈ ਅਤੇ ਬਿਨਾਂ ਟੀਕਾਕਰਨ ਵਾਲੀ ਆਬਾਦੀ ’ਚ ਇਹ ਤੇਜ਼ੀ ਨਾਲ ਫੈਲ ਰਿਹਾ ਹੈ।ਘੇਬ੍ਰੇਯਸਸ ਨੇ ਕਿਹਾ ਸੀ – ਮੈਨੂੰ ਪਤਾ ਹੈ ਕਿ ਵਿਸ਼ਵੀ ਪੱਧਰ ’ਤੇ ਵਰਤਮਾਨ ’ਚ ਵੇਰੀਐਂਟ ਨੂੰ ਲੈ ਕੇ ਬਹੁਤ ਚਿੰਤਾ ਹੈ ਅਤੇ ਡਬਲਯੂਐੱਚਓ ਵੀ ਇਸ ਬਾਰੇ ’ਚ ਚਿੰਤਿਤ ਹੈ।