ਕੋਰੋਨਾ ਨਾਲ ਜੰਗ ‘ਚ ਬਹਿਰੀਨ ਤੋਂ ਆਕਸੀਜਨ ਲੈ ਕੇ ਭਾਰਤ ਪਹੁੰਚਿਆ ਨੌਸੈਨਾ ਦਾ ਜੰਗੀ ਬੇੜਾ, ਦੁਨੀਆ ਭਰ ਤੋਂ ਭਾਰਤ ਆ ਰਹੀ ਮਦਦ

ਕੋਰੋਨਾ ਨਾਲ ਜੰਗ ਲੜ ਰਹੇ ਭਾਰਤ ਦੀ ਮਦਦ ਲਈ ਦੁਨੀਆ ਦੇ ਕਈ ਦੇਸ਼ਾਂ ਨੇ ਮਦਦ ਦਾ ਹੱਥ ਵਧਾਇਆ ਹੈ। ਦੇਸ਼-ਦੁਨੀਆ ਦੇ ਕੋਨੇ-ਕੋਨੇ ਤੋਂ ਮਰੀਜ਼ਾਂ ਲਈ ਰਾਹਤ ਸਮੱਗਰੀ ਲਿਆਉਣ ਲਈ ਨੌਸੈਨਾ, ਵਾਯੂਸੈਨਾ, ਸੈਨਾ ਤੇ ਰੇਲਵੇ ਜੰਗ ਪੱਧਰ ਕੰਮ ਵਿਚ ਲੱਗੇ ਹੋਏ ਹਨ। ਨੌਸੈਨਾ ਦਾ ਇਕ ਜੰਗੀ ਬੇੜਾ ਬਹਿਰੀਨ ਤੋਂ ਆਕਸੀਜਨ ਲੈ ਕੇ ਭਾਰਤ ਪਹੁੰਚ ਗਿਆ ਹੈ। ਨੌਸੈਨਾ ਦੇ ਵਾਈਸ ਐਡਮਿਰਲ ਐਮਐਸ ਪਵਾਰ ਨੇ ਦੱਸਿਆ ਕਿ ਆਕਸੀਜਨ ਲਿਆਉਣ ਲਈ ਨੌਸੈਨਾ ਨੇ ਦੂਜੇ ਆਪਰੇਸ਼ਨ ਸਮੁੰਦਰ ਸੇਤੂ ਵਿਚ ਆਪਣੇ 9 ਬੇੜੇ ਲਗਾਏ ਹਨ। ਆਈਐਨਐਸ ਤਲਵਾਰ ਬਹਿਰੀਨ ਤੇਂ 54 ਟਨ ਆਕਸੀਜਨ ਲੈ ਕੇ ਮੰਲੌਰ ਦੀ ਬੰਦਰਗਾਹ ਪਹੁੰਚ ਗਿਆ। ਇਸ ਤਰ੍ਹਾਂ ਇਕ ਹੋਰ ਬੇੜਾ ਆਈਐਨਐਸ ਏਰਾਵਤ ਸਿੰਗਾਪੁਰ ਤੋਂ 3,600 ਸਿਲੰਡਰ ਤੇ 27 ਟਨ ਸਮਰੱਥਾ ਦੇ ਅੱਠ ਆਕਸੀਜਨ ਟੈਂਕ ਲੈ ਕੇ ਭਾਰਤ ਲਈ ਨਿਕਲ ਚੁੱਕਾ ਹੈ। ਆਈਐਨਐਸ ਕੋਲਕਾਤਾ ਕੁਵੈਤ ਤੋਂ 27 ਟਨ ਸਮਰੱਥਾ ਦੇ ਦੋ ਆਕਸੀਜਨ ਟੈਂਕ ਲੈ ਕੇ ਭਾਰਤ ਲਈ ਨਿਕਲ ਚੁੱਕਾ ਹੈ।