ਓਲੰਪਿਕ ਖੇਡਾਂ ’ਚ ਹਿੱਸਾ ਲੈਣ ਵਾਲੇ ਵੱਖ-ਵੱਖ ਦੇਸ਼ਾਂ ਦੇ ਖਿਡਾਰੀ ਮੈਦਾਨ ’ਚ ਕਮਾਲ ਕਰਨ ਤੋਂ ਇਲਾਵਾ ਆਮ ਇਨਸਾਨ ਦੀ ਤਰ੍ਹਾਂ ਕਿਸੇ ਨਾ ਕਿਸੇ ਪ੍ਰੋਫੈਸ਼ਨ ਨਾਲ ਜੁੜੇ ਹੁੰਦੇ ਹਨ। ਪਰਿਵਾਰ ਚਲਾਉਣ ਲਈ ਰੋਜ਼ੀ-ਰੋਟੀ ਕਮਾਉਣ ਦੇ ਨਾਲ-ਨਾਲ ਇਹ ਖਿਡਾਰੀ ਸੰਸਾਰ-ਵਿਆਪੀ ਖੇਡ ਮੁਕਾਬਲਿਆਂ ’ਚ ਮੈਡਲ ਜਿੱਤਣ ਲਈ ਆਪਣੇ ਉਸਤਾਦਾਂ ਦੀ ਨਿਗਰਾਨੀ ’ਚ ਆਪਣੀ ਖੇਡ ਸਿਖਲਾਈ ਵੀ ਨਿਰਵਿਘਨ ਜਾਰੀ ਰੱਖਦੇ ਹਨ। ਲੰਡਨ ’ਚ ਜਨਮਿਆ ਅਮਰੀਕੀ ਫੇਂਸਰ ਵਾਟਸਨ ਮਾਇਲਸ ਸ਼ੇਮਲੇ ਉੱਘਾ ਮਾਡਲ ਵੀ ਹੈ। ਪੈਨਸਿਲਵੇਨੀਆ ਯੂਨੀਵਰਸਿਟੀ ਤੋਂ ਗ੍ਰੇਜੂਏਸ਼ਨ ਦੀ ਡਿਗਰੀ ਹਾਸਲ ਕਰਨ ਵਾਲਾ 26 ਸਾਲਾ ਵਾਟਸਨ ਜੀਕਯੂ ਮੈਗਜ਼ੀਨ, ਰਾਲਫ ਲੇਰਿਨ ਤੇ ਹੋਰ ਫੈਸ਼ਨ ਹਾਊਸ ਲਈ ਮਾਡਲਿੰਗ ਕਰ ਚੁੱਕਾ ਹੈ। ਉੱਘੀ ਮਾਡਲ ਰਹਿ ਚੁੱਕੀ ਮਾਂ ਦਾ ਲਾਡਲਾ ਪੁੱਤਰ ਸ਼ੇਮਲੇ ਵਾਟਸਨ ਇੰਗਲਿਸ਼ ਫੁਟਬਾਲਰ ਡੇਵਿਡ ਬੈਕਹਮ ਅਜਿਹਾ ਬਣਨ ਦੇ ਸੁਪਨੇ ਵੇਖਦਾ ਹੁੰਦਾ ਸੀ।ਰਾਨ ’ਚ ਜੂਨ 6, 1989 ’ਚ ਜਨਮੀ ਅਸੇਮਾਨੀ ਰਾਹਾਲੇਹ ਬੈਲਜੀਅਮ ’ਚ ਘਰਾਂ ਡਾਕ ਵੰਡਣ ਦਾ ਕੰਮ ਕਰਦੀ ਹੈ। ਰੀਓ ਓਲੰਪਿਕ ਖੇਡ ਰਹੀ ਰਾਹਾਲੇਅ ਇਰਾਨ ਦੀ ਪ੍ਰਤੀਨਿਧਤਾ ਕਰ ਕੇ ਗੂਆਂਗਜ਼ੂ-2010 ਏਸ਼ਿਆਈ ਖੇਡਾਂ ’ਚ 62 ਕਿੱਲੋ ਵਰਗ ’ਚ ਚਾਂਦੀ ਦਾ ਤਗਮਾ ਜਿੱਤ ਚੁੱਕੀ ਹੈ। ਰੀਓ ਓਲੰਪਿਕ ਤੋਂ ਤਿੰਨ ਸਾਲ ਪਹਿਲਾਂ ਇਰਾਨ ਤੋਂ ਬੈਲਜੀਅਮ ਸ਼ਿਫਟ ਹੋਈ 27 ਸਾਲਾ ਤਾਇਕਵਾਂਡੋ ਖਿਡਾਰਨ ਰਾਹਾਲੇਅ ਪਹਿਲਾਂ ਰਫਿਊਜ਼ੀ ਓਲੰਪਿਕ ਟੀਮ ਵੱਲੋਂ ਮੈਦਾਨ ’ਚ ਨਿੱਤਰਨ ਦੀ ਤਿਆਰੀ ਕਰੀ ਬੈਠੀ ਸੀ ਪਰ ਅਪ੍ਰੈਲ-2016 ’ਚ ਬੈਲਜੀਅਮ ਦੀ ਨਾਗਰਿਕਤਾ ਹਾਸਲ ਕਰਨ ਸਾਰ ਹੀ ਘਰ-ਘਰ ਚਿੱਠੀਆਂ ਵੰਡਣ ਵਾਲੀ ਖਿਡਾਰਨ ਰਾਹਾਲੇਅ ਲਈ ਯੂਰਪੀਅਨ ਦੇਸ਼ ਦੀ ਓਲੰਪਿਕ ਟੀਮ ਦੀ ਨੁਮਾਇੰਦਗੀ ਕਰਨ ਦਾ ਰਾਹ ਮੋਕਲਾ ਹੋਇਆ। ਰੀਓ ਤੋਂ ਪਹਿਲਾਂ ਉਹ ਯੂਰਪੀਅਨ ਚੈਂਪੀਅਨਸ਼ਿਪ ’ਚ ਬੈਲਜੀਅਮ ਲਈ ਤਾਂਬੇ ਦਾ ਤਗਮਾ ਜਿੱਤ ਚੁੱਕੀ ਹੈ।
