Chris gayle Mzansi super league: ਮਸਾਂਜੀ ਸੁਪਰ ਲੀਗ ਦੌਰਾਨ ਕੈਰੇਬੀਆਈ ਬੱਲੇਬਾਜ਼ ਕ੍ਰਿਸ ਗੇਲ ਨੇ ਇਕ ਵਾਰ ਫਿਰ ਆਪਣੇ ਵਿਵਹਾਰ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ । ਇਸ ਲੀਗ ਵਿੱਚ ਕ੍ਰਿਸ ਗੇਲ ਜਾਜੀ ਸਟਾਰਸ ਵੱਲੋਂ ਖੇਡ ਰਹੇ ਹਨ. ਕ੍ਰਿਸ ਗੇਲ ਨੇ ਪਰਲ ਰਾਕ ਖਿਲਾਫ ਖੇਡੇ ਗਏ ਮੈਚ ਵਿੱਚ ਗੇਂਦਬਾਜ਼ੀ ਦੀ ਸ਼ੁਰੂਆਤ ਕੀਤੀ ਸੀ । ਗੇਲ ਵੱਲੋਂ ਪਹਿਲੇ ਹੀ ਓਵਰ ਵਿੱਚ ਕੈਮਰੋਨ ਡੈਲਪੋਰਟ ਖਿਲਾਫ LBW ਆਊਟ ਦੀ ਅਪੀਲ ਕੀਤੀ ਗਈ ਸੀ, ਪਰ ਮੈਦਾਨੀ ਅੰਪਾਇਰ ਵੱਲੋਂ ਇਸ ਨੂੰ ਠੁਕਰਾ ਦਿੱਤਾ ਗਿਆ ।
ਅੰਪਾਇਰ ਦੇ ਨਾਟ ਆਊਟ ਦੇਣ ਤੋਂ ਬਾਅਦ ਕ੍ਰਿਸ ਗੇਲ ਨੇ ਬੱਚਿਆਂ ਦੀ ਤਰ੍ਹਾਂ ਮੈਦਾਨ ‘ਤੇ ਰੋਣਾ ਸ਼ੁਰੂ ਕਰ ਦਿੱਤਾ । ਗੇਲ ਨੂੰ ਅਜਿਹਾ ਮਜ਼ਾਕ ਕਰਦੇ ਦੇਖ ਅੰਪਾਇਰ ਵੀ ਆਪਣਾ ਹਾਸਾ ਨਾ ਰੋਕ ਸਕੇ ।
ਇਸ ਮੁਕਾਬਲੇ ਵਿੱਚ ਸਭ ਦੀਆਂ ਨਜ਼ਰਾਂ ਕ੍ਰਿਸ ਗੇਲ ‘ਤੇ ਟਿੱਕੀਆਂ ਹੋਈਆਂ ਸਨ ਕਿ ਉਹ ਮੈਚ ਦੌਰਾਨ ਕਿੰਨੀਆਂ ਦੌੜਾਂ ਬਣਾਉਣਗੇ, ਪਰ ਉਹ ਸਿਰਫ 1 ਦੌੜ ਹੀ ਬਣਾ ਸਕੇ । ਇਸ ਮੁਕਾਬਲੇ ਵਿੱਚ ਉਨ੍ਹਾਂ ਤੋਂ ਇਲਾਵਾ ਰੀਆਨ ਨੇ 30 ਅਤੇ ਰੀਜਾ ਹੈਂਡਰਿਕਸ 40 ਦੌੜਾਂ ਬਣਾ ਕੇ ਟੀਮ ਨੂੰ ਮਜ਼ਬੂਤ ਸ਼ੁਰੂਆਤ ਦਿੱਤੀ । ਪਰ ਉਸਤੋਂ ਬਾਅਦ ਕੋਈ ਵੀ ਬੱਲੇਬਾਜ਼ ਕੁਝ ਨਾ ਕਰ ਸਕਿਆ ਤੇ ਟੀਮ ਸਿਰਫ 129 ਦੌੜਾਂ ਹੀ ਬਣਾ ਸਕੀ ।
ਦੱਸ ਦੇਈਏ ਕਿ ਸਿਰਫ 130 ਦੌੜਾਂ ਦੇ ਟੀਚੇ ਦਾ ਬਚਾਅ ਕਰਨ ਉਤਰੀ ਜਾਜੀ ਸਟਾਰਸ ਵੱਲੋਂ ਗੇਲ ਨੂੰ ਪਹਿਲੇ ਓਵਰ ਵਿੱਚ ਗੇਂਦ ਫੜਾ ਦਿੱਤੀ ਗਈ । ਗੇਲ ਨੇ ਇਸ ਮੁਕਾਬਲੇ ਵਿੱਚ ਸਿਰਫ ਇਕ ਹੀ ਓਵਰ ਸੁੱਟਿਆ, ਜਿਸ ਵਿੱਚ ਉਸਨੇ ਸਿਰਫ ਪੰਜ ਦੌੜਾਂ ਹੀ ਦਿੱਤੀਆਂ । ਜਾਜੀ ਸਟਾਰਸ ਵੱਲੋਂ ਗੇਂਦਬਾਜ਼ੀ ਕਰਦੇ ਹੋਏ ਰਬਾਡਾ ਨੇ 2 ਤੇ ਓਲੀਵੀਅਰ ਨੇ 3 ਵਿਕਟਾਂ ਲਈਆਂ, ਪਰ ਉਹ ਆਪਣੀ ਟੀਮ ਨੂੰ ਹਾਰ ਤੋਂ ਨਾ ਬਚਾ ਸਕੇ ।
