ਕੱਲ੍ਹ ਸ਼ਾਮ ਨੂੰ ਅਲਾਸਕਾ ਵਿੱਚ ਜ਼ਬਰਦਸਤ ਭੂਚਾਲ ਆਇਆ| ਰਿਕਟਰ ਪੈਮਾਨੇ ਉੱਤੇ ਇਸ ਦੀ ਗਤੀ 7æ8 ਮਾਪੀ ਗਈ| ਇਸ ਭੂਚਾਲ ਤੋਂ ਬਾਅਦ ਸੁਨਾਮੀ ਸਬੰਧੀ ਚੇਤਾਵਨੀ ਵੀ ਜਾਰੀ ਕੀਤੀ ਗਈ ਤੇ ਸਥਾਨਕ ਵਾਸੀਆਂ ਨੂੰ ਉੱਚੀਆਂ ਥਾਂਵਾਂ ਉੱਤੇ ਜਾਣ ਲਈ ਵੀ ਆਖ ਦਿੱਤਾ ਗਿਆ|
ਪਰ ਜਲਦ ਹੀ ਇਹ ਚੇਤਾਵਨੀ ਵਾਪਿਸ ਲੈ ਲਈ ਗਈ ਤੇ ਇਸ ਦੌਰਾਨ ਕੋਈ ਸੁਨਾਮੀ ਨਹੀਂ ਆਈ|ਯੂਐਸ ਜਿਓਲਾਜੀਕਲ ਸਰਵੇਖਣ ਅਨੁਸਾਰ ਸਥਾਨਕ ਸਮੇਂ ਅਨੁਸਾਰ ਰਾਤੀਂ 10:12 ਉੱਤੇ ਭੂਚਾਲ ਆਇਆ| ਭੂਚਾਲ ਦਾ ਕੇਂਦਰ ਪੈਰੀਵਿਲ, ਅਲਾਸਕਾ ਦੇ ਦੱਖਣ-ਦੱਖਣਪੂਰਬੀ ਪਾਣੀ ਵਿੱਚ 65 ਮੀਲ ਹੇਠਾਂ ਸੀ|
ਪਹਿਲਾਂ ਲਾਏ ਗਏ ਅੰਦਾਜ਼ੇ ਤੋਂ ਵੀ 17 ਮੀਲ ਡੂੰਘਾ| ਕੋਡੀਐਕ ਆਇਲੈਂਡ ਉੱਤੇ ਲੋਕਲ ਹਾਈ ਸਕੂਲ ਅਤੇ ਲੋਕਲ ਕੈਥੋਲਿਕ ਸਕੂਲ ਦੇ ਦਰਵਾਜੇæ ਨੀਵੀਆਂ ਥਾਂਵਾਂ ਛੱਡ ਕੇ ਆਉਣ ਵਾਲਿਆਂ ਲਈ ਖੋਲ੍ਹ ਦਿੱਤੇ ਗਏ|
ਪੈਸੇਫਿਕ ਸੁਨਾਮੀ ਵਾਰਨਿੰਗ ਸੈਂਟਰ ਨੇ ਆਖਿਆ ਕਿ ਅਮਰੀਕਾ ਤੇ ਨੌਰਥ ਅਮੈਰਿਕਾ ਦੇ ਕੈਨੇਡੀਅਨ ਪੈਸੇਫਿਕ ਤੱਟ ਨੂੰ ਕੋਈ ਖਤਰਾ ਨਹੀਂ ਹੈ|