ਮੌਂਟਗੋਮਰੀ ਨੂੰ 23 ਸਾਲਾ ਬੋਬੀ ਜੋ ਸਟਿਨਨੇਟ ਦੀ ਹੱਤਿਆ ਦਾ ਦੋਸ਼ੀ ਠਹਿਰਾਇਆ ਗਿਆ ਹੈ। ਦਸੰਬਰ 2004 ਵਿਚ ਹੋਏ ਇਸ ਹੱਤਿਆ ਕਾਂਡ ਦੇ ਬਾਰੇ ਵਿਚ ਵਕੀਲਾਂ ਦਾ ਕਹਿਣਾ ਹੈ ਕਿ ਕੁੱਤੇ ਦੇ ਪਿੱਲੇ ਨੂੰ ਗੋਦ ਲੈਣ ਦੀ ਆੜ ਵਿਚ ਮੌਂਟਗੋਮਰੀ ਕੰਸਾਸ ਸਥਿਤ ਆਪਣੇ ਘਰ ਨੇੜਲੇ ਸਟਿਨਨੇਟ ਦੇ ਘਰ ਗਈ ਸੀ। ਘਰ ਪਹੁੰਚ ਕੇ ਮੌਂਟਗੋਮਰੀ ਨੇ ਰੱਸੀ ਨਾਲ ਸਟਿਨਨੇਟ ਦਾ ਗਲਾ ਘੁੱਟਿਆ ਅਤੇ ਉਸ ਪਿੱਛੋਂ ਅੱਠ ਮਹੀਨੇ ਦੀ ਗਰਭਵਤੀ ਸਟਿਨਨੇਟ ਦਾ ਪੇਟ ਫਾੜ ਕੇ ਬੱਚੇ ਨੂੰ ਕੱਢ ਕੇ ਫ਼ਰਾਰ ਹੋ ਗਈ। ਜੱਜ ਨੇ ਮੌਂਟਗੋਮਰੀ ਦੇ ਵਕੀਲਾਂ ਦੇ ਉਸ ਤਰਕ ਨੂੰ ਖ਼ਾਰਜ ਕਰ ਦਿੱਤਾ ਜਿਸ ਵਿਚ ਉਸ ਦੇ ਬਿਮਾਰ ਹੋਣ ਦੀ ਗੱਲ ਕਹੀ ਗਈ ਸੀ।
