72.59 F
New York, US
June 17, 2024
PreetNama
ਖਾਸ-ਖਬਰਾਂ/Important News

ਚੀਨ ਨੇ ਸਮੁੰਦਰ ’ਚੋਂ ਰਾਕੇਟ ਪੁਲਾੜ ਭੇਜ ਕੇ ਕੀਤਾ ਦੁਨੀਆ ਨੂੰ ਹੈਰਾਨ

ਚੀਨ ਨੇ ਸਮੁੰਦਰ ਚੋਂ ਰਾਕੇਟ ਪੁਲਾੜ ’ਚ ਭੇਜ ਕੇ ਦੁਨੀਆ ਨੂੰ ਹੈਰਾਨ ਕਰ ਕੇ ਰੱਖ ਦਿੱਤਾ ਹੈ। ਇਹ ਕਾਰਨਾਮਾ ਉਸ ਨੇ ਅੱਜ ਬੁੱਧਵਾਰ ਨੂੰ ਕਰ ਕੇ ਵਿਖਾਇਆ ਹੈ। ਸਮੁੰਦਰੀ ਸਤ੍ਹਾ ਤੋਂ ਕੋਈ ਰਾਕੇਟ ਪਹਿਲੀ ਵਾਰ ਪੁਲਾੜ ਭੇਜਿਆ ਗਿਆ ਹੈ। ਇਸ ਨੂੰ ਉਦੇਸ਼ਮੁਖੀ ਪੁਲਾੜ ਪ੍ਰੋਗਰਾਮ ਵੱਲ ਬਿਲਕੁਲ ਤਾਜ਼ਾ ਤੇ ਅਗਾਂਹਵਧੂ ਕਦਮ ਮੰਨਿਆ ਜਾ ਰਿਹਾ ਹੈ।

 

 

‘ਲੌਂਗ ਮਾਰਚ 11’ ਨਾਂਅ ਦਾ ਇਹ ਰਾਕੇਟ ਪੀਲੇ ਸਮੁੰਦਰ ’ਚ ਬਣੇ ਇੱਕ ਅੱਧੇ ਡੁੱਬੇ ਪੁਲ਼ ਦੇ ਮੰਚ ਤੋਂ ਬਲਾਸਟ ਕੀਤਾ ਗਿਆ। ਇਹ ਛੋਟਾ ਰਾਕੇਟ ਤੁਰੰਤ ਲਾਂਚ ਕਰਨ ਲਈ ਤਿਆਰ ਕੀਤਾ ਗਿਆ ਹੈ ਤੇ ਇਸ ਨੂੰ ਕਿਸੇ ਵੀ ਮੋਬਾਇਲ ਲਾਂਚ ਸਾਈਟ, ਜਿਵੇਂ ਕਿਸੇ ਸਮੁੰਦਰੀ ਜਹਾਜ਼ ਤੋਂ ਵੀ ਪੁਲਾੜ ਭੇਜਿਆ ਜਾ ਸਕਦਾ ਹੈ।

 

 

ਅੱਜ ਪੁਲਾੜ ’ਚ ਭੇਜੇ ਗਏ ਰਾਕੇਟ ਨਾਲ ਸੱਤ ਸੈਟੇਲਾਇਟ ਵੀ ਭੇਜੇ ਗਏ ਹਨ। ਇਸ ਨਾਲ ਦੋ ਦੂਰਸੰਚਾਰ ਸੈਟੇਲਾਇਟ ਵੀ ਹਨ, ਜੋ ਬੀਜਿੰਗ ਸਥਿਤ ਤਕਨਾਲੋਜੀ ਕੰਪਨੀ ‘ਚਾਈਨਾ 125’ ਦੇ ਹਨ। ਇਸ ਕੰਪਨੀ ਦੀ ਯੋਜਨਾ ਵਿਸ਼ਵ ਪੱਧਰ ਉੱਤੇ ਡਾਟਾ ਨੈੱਟਵਰਕਿੰਗ ਸੇਵਾਵਾਂ ਦੇਣ ਦੀ ਹੈ।

 

 

ਪਿਛਲੇ ਕੁਝ ਸਾਲਾਂ ਦੌਰਾਨ ਚੀਨ ਨੇ ਆਪਣੇ ਪੁਲਾੜ ਪ੍ਰੋਗਰਾਮ ਨੂੰ ਉੱਚ ਤਰਜੀਹ ਦਿੱਤੀ ਹੈ। ਉਸ ਨੇ ਅਗਲੇ ਸਾਲ ਆਪਣੇ ਵਿਗਿਆਨੀ ਵੀ ਪੁਲਾੜ ਭੇਜਣੇ ਹਨ, ਜਿਸ ਲਈ ਉਹ ਆਪਣਾ ਖ਼ੁਦ ਦਾ ਇੱਕ ਸਪੇਸ ਸਟੇਸ਼ਨ ਵੀ ਤਿਆਰ ਕਰ ਰਿਹਾ ਹੈ।

Related posts

ਬੈਂਗਲੁਰੂ ਕਾਲਜਾਂ ਅਤੇ ਅਮਰੀਕਾ ਦੇ ਸਕੂਲਾਂ ‘ਚ ChatGPT ‘ਤੇ ਲੱਗੀ ਪਾਬੰਦੀ: ਜਾਣੋ 9 ਮੁੱਖ ਗੱਲਾਂ

On Punjab

ਮਹਾਦੋਸ਼ ਦੇ ਚੱਕਰਵਿਊ ’ਚ ਫਿਰ ਫਸੇ ਟਰੰਪ : ਦੋਸ਼ਾਂ ਦਾ ਖ਼ਰੜਾ ਤਿਆਰ, ਬੁੱਧਵਾਰ ਨੂੰ ਹੋਵੋਗੀ ਵੋਟਿੰਗ, ਸਦਮੇ ’ਚ ਰਿਪਬਲਿਕਨ

On Punjab

Punjab Election 2022: ਪਾਬੰਦੀ ਦੇ ਬਾਵਜੂਦ ਮੋਹਾਲੀ ‘ਚ AAP CM ਫੇਸ ਭਗਵੰਤ ਮਾਨ ਦਾ ਰੋਡ ਸ਼ੋਅ, ਚੋਣ ਕਮਿਸ਼ਨ ਨੇ ਭੇਜਿਆ ਨੋਟਿਸ

On Punjab