72.05 F
New York, US
May 10, 2025
PreetNama
ਖੇਡ-ਜਗਤ/Sports News

World Table Tennis Championship : ਭਾਰਤੀ ਮਰਦ ਟੇਬਲ ਟੈਨਿਸ ਟੀਮ ਨੇ ਕਜ਼ਾਕਿਸਤਾਨ ਨੂੰ 3-2 ਨਾਲ ਹਰਾਇਆ, ਨਾਕਆਊਟ ਗੇੜ ‘ਚ ਪੁੱਜਣ ਦੀ ਉਮੀਦ ਰੱਖੀ ਕਾਇਮ

ਦਿੱਗਜ ਖਿਡਾਰੀ ਜੀ ਸਾਥੀਆਨ ਦੀ ਅਗਵਾਈ ਵਿਚ ਭਾਰਤੀ ਮਰਦ ਟੀਮ ਨੇ ਵਿਸ਼ਵ ਟੇਬਲ ਟੈਨਿਸ ਚੈਂਪੀਅਨਸ਼ਿਪ ਵਿਚ ਸੋਮਵਾਰ ਨੂੰ ਇੱਥੇ ਫਸਵੇਂ ਮੁਕਾਬਲੇ ਵਿਚ ਕਜ਼ਾਕਿਸਤਾਨ ਨੂੰ 3-2 ਨਾਲ ਹਰਾ ਕੇ ਨਾਕਆਊਟ ਗੇੜ ਵਿਚ ਪੁੱਜਣ ਦੀ ਆਪਣੀ ਉਮੀਦ ਕਾਇਮ ਰੱਖੀ।

ਮਹਿਲਾ ਟੀਮ ਨੇ ਵੀ ਜਰਮਨੀ ਤੋਂ ਮਿਲੀ ਹਾਰ ਤੋਂ ਬਾਅਦ ਮਿਸਰ ਨੂੰ 3-1 ਨਾਲ ਹਰਾ ਕੇ ਪੀ ਕੁਆਰਟਰ ਫਾਈਨਲ ਦੀ ਟਿਕਟ ਪੱਕੀ ਕੀਤੀ। ਮਰਦ ਟੀਮ ਨੂੰ ਗਰੁੱਪ ਦੋ ਦੀ ਸੂਚੀ ਵਿਚ ਸਿਖਰ ‘ਤੇ ਰਹਿਣ ਲਈ ਲੀਗ ਗੇੜ ਦੇ ਆਖ਼ਰੀ ਮੈਚ ਵਿਚ ਫਰਾਂਸ ਨੂੰ ਹਰਾਉਣਾ ਪਵੇਗਾ। ਭਾਰਤੀ ਟੀਮ ਜੇ ਫਰਾਂਸ ਹੱਥੋਂ ਹਾਰ ਜਾਂਦੀ ਹੈ ਤੇ ਜਰਮਨੀ ਕਜ਼ਾਕਿਸਤਾਨ ਨੂੰ ਹਰਾ ਦਿੰਦਾ ਹੈ ਤਾਂ ਭਾਰਤ, ਜਰਮਨੀ ਤੇ ਫਰਾਂਸ ਦੀਆਂ ਟੀਮਾਂ ਦੇ ਬਰਾਬਰ ਅੰਕ ਹੋਣਗੇ। ਜਰਮਨੀ ਨੂੰ ਹਰਾਉਣ ਤੋਂ ਬਾਅਦ ਸਾਥੀਆਨ ਨੇ ਕਜ਼ਾਕਿਸਤਾਨ ਦੇ ਡੇਨਿਸ ਜੋਲੁਦੇਵ ‘ਤੇ 11-1, 11-9, 11-5 ‘ਤੇ ਇਕਤਰਫ਼ਾ ਜਿੱਤ ਦਰਜ ਕੀਤੀ। ਹਰਮੀਤ ਦੇਸਾਈ ਨੂੰ ਹਾਲਾਂਕਿ ਅਗਲੇ ਮੁਕਾਬਲੇ ਵਿਚ ਕਿਰਿਲ ਗੇਰਾਸਿਮੇਂ ਖ਼ਿਲਾਫ਼ 6-11, 8-11, 9-11 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।

ਨੌਜਵਾਨ ਮਾਨਵ ਠੱਕਰ ਨੇ ਏਲਨ ਕੁਰਮੰਗਲਿਏਵ ਨੂੰ 12-10, 11-1, 11-8 ਨਾਲ ਹਰਾ ਕੇ ਟੀਮ ਦੀ ਬੜ੍ਹਤ ਨੂੰ 2-1 ਕਰ ਦਿੱਤਾ। ਸਾਥੀਆਨ ਨੂੰ ਹਾਲਾਂਕਿ ਚੌਥੇ ਮੁਕਾਬਲੇ ਵਿਚ ਕਿਰਿਲ ਹੱਥੋਂ 6-11, 11-5, 12-14, 11-9, 11-6 ਨਾਲ ਹਾਰ ਸਹਿਣੀ ਪਈ। ਹਰਮੀਤ ਨੇ ਕਜ਼ਾਕਿਸਤਾਨ ਦੀ ਸਭ ਤੋਂ ਕਮਜ਼ੋਰ ਕੜੀ ਜੋਲੁਦੇਵ ਖ਼ਿਲਾਫ਼ 12-10, 11-9, 11-6 ਨਾਲ ਜਿੱਤ ਦਰਜ ਕਰ ਕੇ ਟੀਮ ਨੂੰ ਕਾਮਯਾਬੀ ਦਿਵਾ ਦਿੱਤੀ।

ਮਹਿਲਾਵਾਂ ਦੇ ਮੁਕਾਬਲੇ ਵਿਚ ਸ਼੍ਰੀਜਾ ਅਕੁਲਾ ਨੇ ਮਿਸਰ ਖ਼ਿਲਾਫ਼ ਪਹਿਲਾ ਤੇ ਚੌਥਾ ਮੁਕਾਬਲਾ ਜਿੱਤ ਕੇ ਭਾਰਤ ਦੀ ਨਾਕਆਊਟ ਵਿਚ ਥਾਂ ਪੱਕੀ ਕੀਤੀ। ਜਰਮਨੀ ਖ਼ਿਲਾਫ਼ ਨਿਰਾਸ਼ਾਜਨਕ ਪ੍ਰਦਰਸ਼ਨ ਤੋਂ ਬਾਅਦ ਤਜਰਬੇਕਾਰ ਮਨਿਕਾ ਬੱਤਰਾ ਨੇ ਇਸ ਮੈਚ ਵਿਚ ਜਿੱਤ ਦਰਜ ਕੀਤੀ ਪਰ ਦੀਆ ਚਿਤਾਲੇ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸ਼੍ਰੀਜਾ ਨੇ ਗੋਦਾ ਹਾਨ ਨੂੰ 11-6, 11-4, 11-1 ਤੇ ਦੀਨਾ ਮਿਸ਼ਰਫ ਨੂੰ 11-8, 11-8, 9-11, 11-6 ਨਾਲ, ਜਦਕਿ ਮਨਿਕਾ ਨੇ ਦੀਨਾ ਨੂੰ 8-11, 11-6, 11-7, 2-11, 11-8 ਨਾਲ ਹਰਾਇਆ।

Related posts

ਪਾਂਡਿਆ ਨਾਲ ਰਿਸ਼ਤੇ ਦੀਆਂ ਖ਼ਬਰਾਂ ‘ਤੇ ਭੜਕੀ ਉਰਵਸ਼ੀ ਰੌਤੇਲਾ, ਸੋਸ਼ਲ ਮੀਡੀਆ ‘ਤੇ ਕੱਢੀ ਭੜਾਸ

On Punjab

ICC World Cup 2019: ਭਾਰਤ ਨੇ ਆਸਟ੍ਰੇਲੀਆ ਨੂੰ ਜਿੱਤ ਲਈ ਦਿੱਤਾ 353 ਦੌੜਾਂ ਦਾ ਟੀਚਾ

On Punjab

ਬੈਡਮਿੰਟਨ ਵਿਸ਼ਵ ਚੈਂਪੀਅਨਸ਼ਿਪ : ਸਾਤਵਿਕਸਾਈਰਾਜ ਰੈਂਕੀਰੈੱਡੀ ਤੇ ਚਿਰਾਗ ਸ਼ੈੱਟੀ ਨੇ ਮਰਦ ਡਬਲਜ਼ ’ਚ ਪਹਿਲਾ ਮੈਡਲ ਕੀਤਾ ਪੱਕਾ

On Punjab