ਭਾਰਤ ਅਤੇ ਫਰਾਂਸ ਵਿਚਾਲੇ ਵਪਾਰਕ ਗੱਠਜੋੜ ਮਜ਼ਬੂਤ ਹੋ ਰਿਹਾ ਹੈ। ਰੱਖਿਆ ਤੋਂ ਲੈ ਕੇ ਸੈਰ-ਸਪਾਟੇ ਤੱਕ ਦੇ ਖੇਤਰਾਂ ਵਿੱਚ ਦੋਵਾਂ ਦੇਸ਼ਾਂ ਵਿਚਾਲੇ ਵਪਾਰਕ ਸਾਂਝੇਦਾਰੀ ਵਧ ਰਹੀ ਹੈ। ਫਰਾਂਸ ਨੇ ਭਾਰਤ ਦੀ ਡਿਜੀਟਲ ਭੁਗਤਾਨ ਪ੍ਰਣਾਲੀ UPI ਦੀ ਵਰਤੋਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ ਅਤੇ ਇਸ ਨੂੰ ਉੱਥੇ ਲਾਂਚ ਕੀਤਾ ਗਿਆ ਹੈ। ਯੂਪੀਆਈ ਦੀ ਰਸਮੀ ਸ਼ੁਰੂਆਤ ਸ਼ੁੱਕਰਵਾਰ ਨੂੰ ਫਰਾਂਸ ਵਿੱਚ ਭਾਰਤੀ ਦੂਤਾਵਾਸ ਵੱਲੋਂ ਆਯੋਜਿਤ ਗਣਤੰਤਰ ਦਿਵਸ ਸਮਾਰੋਹ ਦੌਰਾਨ ਆਈਫਲ ਟਾਵਰ ਵਿੱਚ ਕੀਤੀ ਗਈ।ਫਰਾਂਸ ਵਿੱਚ UPI ਦੀ ਸ਼ੁਰੂਆਤ ਤੋਂ ਬਾਅਦ, ਹੁਣ ਭਾਰਤੀ ਸੈਲਾਨੀ ਉੱਥੇ UPI ਭੁਗਤਾਨ ਕਰ ਸਕਣਗੇ। ਇਸ ਵਾਰ ਗਣਤੰਤਰ ਦਿਵਸ ਸਮਾਰੋਹ ‘ਚ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਮੁੱਖ ਮਹਿਮਾਨ ਸਨ। ਇੱਥੇ ਪਹੁੰਚਣ ‘ਤੇ ਉਨ੍ਹਾਂ ਦੀ ਸ਼ਾਨਦਾਰ ਮਹਿਮਾਨ ਨਿਵਾਜ਼ੀ ਕੀਤੀ ਗਈ।
ਭਾਰਤੀ ਦੂਤਾਵਾਸ ਨੇ ਲਾਂਚ ਬਾਰੇ ਦਿੱਤੀ ਜਾਣਕਾਰੀ
UPI ਨੂੰ ਫਰਾਂਸ ਵਿੱਚ ਭਾਰਤੀ ਦੂਤਾਵਾਸ ਵਿੱਚ ਇੱਕ ਰਸਮੀ ਪ੍ਰੋਗਰਾਮ ਵਿੱਚ ਲਾਂਚ ਕੀਤਾ ਗਿਆ ਸੀ। ਇਹ ਲਾਂਚਿੰਗ ਆਈਫਲ ਟਾਵਰ ‘ਤੇ ਕੀਤੀ ਗਈ। ਭਾਰਤੀ ਦੂਤਾਵਾਸ ਨੇ ਕਿਹਾ ਕਿ ਯੂਪੀਆਈ ਨੂੰ ਰਸਮੀ ਤੌਰ ‘ਤੇ ਆਈਫਲ ਟਾਵਰ ‘ਤੇ ਇਕ ਵਿਸ਼ਾਲ ਗਣਤੰਤਰ ਦਿਵਸ ਸਮਾਰੋਹ ਵਿਚ ਲਾਂਚ ਕੀਤਾ ਗਿਆ ਸੀ। ਪੀਐਮ ਮੋਦੀ ਨੇ UPI ਦੀ ਗਲੋਬਲ ਪਹੁੰਚ ਬਾਰੇ ਐਲਾਨ ਕੀਤਾ ਸੀ। UPI ਨੂੰ ਗਲੋਬਲ ਲੈ ਜਾਣ ਦੇ ਵਿਜ਼ਨ ਨਾਲ ਇੱਥੇ ਲਾਂਚ ਕੀਤਾ ਗਿਆ ਹੈ।