ਨਵੀਂ ਦਿੱਲੀ: ਮੋਬਾਈਲ ਡਾਇਰੈਕਟਰੀ ਐਪ ਟਰੂਕਾਲਰ ਵਿੱਚ ਇੱਕ ‘ਬੱਗ’ ਦੇ ਕਾਰਨ ਮੰਗਲਵਾਰ ਨੂੰ ਯੂਪੀਏ ਆਧਾਰਿਤ ਡਿਜੀਟਲ ਭੁਗਤਾਨ ਸੇਵਾ ਪ੍ਰਭਾਵਿਤ ਹੋਈ। ਦੇਸ਼ ਵਿੱਚ ਕੰਪਨੀ ਦੇ 10 ਕਰੋੜ ਐਕਟਿਵ ਯੂਜ਼ਰ ਹਨ। ਇਸ ਬੱਗ ਦੇ ਕਾਰਨ ਦੇਸ਼ ਵਿੱਚ ਟਰੂਕਾਲਰ ਉਪਭੋਗਤਾ ਆਪਣੇ-ਆਪ ਯੂਪੀਆਈ ਸੇਵਾ ਲਈ ਰਜਿਸਟਰ ਹੋਣ ਲੱਗੇ।
ਟਰੈਕਟਰ ਨੇ ਇਸ ਖਰਾਬੀ ਲਈ ਮੁਆਫੀ ਮੰਗੀ ਹੈ। ਕੰਪਨੀ ਨੇ ਕਿਹਾ ਕਿ ਇਸ ਨੇ ਬੱਗ ਵਾਲੇ ਵਰਸ਼ਨ ਨੂੰ ਹਟਾ ਦਿੱਤਾ ਹੈ ਤੇ ਬੱਗ ਨੂੰ ਠੀਕ ਕਰਨ ਤੋਂ ਬਾਅਦ ਜਲਦੀ ਹੀ ਨਵਾਂ ਵਰਸ਼ਨ ਪੇਸ਼ ਕੀਤਾ ਜਾਵੇਗਾ।
ਕੰਪਨੀ ਨੇ ਕਿਹਾ ਹੈ ਕਿ ਬੱਗ ਤੋਂ ਪ੍ਰਭਾਵਿਤ ਯੂਜ਼ਰਸ ਐਪ ਦੇ ‘ਓਵਰਫਲੋ ਮੈਨਿਊ’ ਜ਼ਰੀਏ ਇਸ ਸੇਵਾ ਤੋਂ ਵੱਖਰੇ ਹੋ ਸਕਦੇ ਹਨ।