ਪ੍ਰਿਅੰਕਾ ਚੋਪੜਾ ਨੂੰ ਸਿਰਫ਼ ਦੇਸੀ ਗਰਲ ਹੀ ਨਹੀਂ ਕਿਹਾ ਜਾਂਦਾ ਹੈ। ਵਿਦੇਸ਼ ਵਿਚ ਰਹਿੰਦਿਆਂ ਵੀ ਉਹ ਕੋਈ ਤਿਉਹਾਰ ਮਨਾਉਣਾ ਨਹੀਂ ਭੁੱਲਦੀ। ਅਦਾਕਾਰਾ ਨੇ ਆਪਣੇ ਪਤੀ ਨਿਕ ਜੋਨਸ ਨੂੰ ਵੀ ਦੇਸੀ ਰੰਗ ਵਿੱਚ ਰੰਗਿਆ ਹੈ। ਨਿਕ ਪਤਨੀ ਦੇ ਨਾਲ ਸਾਰੇ ਭਾਰਤੀ ਤਿਉਹਾਰਾਂ ਦਾ ਆਨੰਦ ਲੈਂਦੇ ਹਨ। ਇਸ ਵਾਰ ਵੀ ਕੁਝ ਅਜਿਹਾ ਹੀ ਹੋਇਆ। ਪ੍ਰਿਅੰਕਾ ਨੇ ਧੀ ਤੇ ਪਤੀ ਨਿਕ ਨਾਲ ਅਮਰੀਕਾ ‘ਚ ਦੀਵਾਲੀ ਮਨਾਈ।
ਪ੍ਰਿਅੰਕਾ ਚੋਪੜਾ ਦਾ ਦੀਵਾਲੀ ਜਸ਼ਨ
ਪ੍ਰਸ਼ੰਸਕਾਂ ਦੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਪ੍ਰਿਯੰਕਾ ਚੋਪੜਾ ਦੀ ਦੀਵਾਲੀ ਸੈਲੀਬ੍ਰੇਸ਼ਨ ਦੀ ਤਸਵੀਰ ਸਾਹਮਣੇ ਆਈ ਹੈ। ਪ੍ਰਿਅੰਕਾ ਨੇ ਪਤੀ ਨਿਕ ਜੋਨਸ ਅਤੇ ਬੇਟੀ ਮਾਲਤੀ ਮੈਰੀ ਚੋਪੜਾ ਜੋਨਸ ਨਾਲ ਤਿਉਹਾਰ ਮਨਾਇਆ ਅਤੇ ਸੋਸ਼ਲ ਮੀਡੀਆ ‘ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ। ਹਾਲਾਂਕਿ ਇਨ੍ਹਾਂ ਤਸਵੀਰਾਂ ‘ਚ ਮਾਲਤੀ ਦਾ ਚਿਹਰਾ ਲੁਕਿਆ ਹੋਇਆ ਹੈ। ਨਿਕ ਜੋਨਸ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਜਸ਼ਨ ਦੀ ਤਸਵੀਰ ਪੋਸਟ ਕੀਤੀ ਹੈ।
ਰਵਾਇਤੀ ਅਵਤਾਰ ‘ਚ ਨਜ਼ਰ ਆਇਆ ਜੋਨਸ ਪਰਿਵਾਰ
ਪ੍ਰਿਅੰਕਾ ਚੋਪੜਾ ਨੇ ਲਾਸ ਏਂਜਲਸ ਵਿੱਚ ਆਪਣੇ ਪਰਿਵਾਰ ਨਾਲ ਦੀਵਾਲੀ ਮਨਾਈ। ਇਸ ਦੌਰਾਨ ਸਾਰੇ ਸਿਲਵਰ-ਵਾਈਟ ਕਲਰ ਦੇ ਰਵਾਇਤੀ ਕੱਪੜਿਆਂ ‘ਚ ਨਜ਼ਰ ਆਏ। ਜਿੱਥੇ ਪ੍ਰਿਯੰਕਾ ਲਹਿੰਗਾ ਚੋਲੀ ਪਾਈ ਨਜ਼ਰ ਆ ਰਹੀ ਹੈ, ਉੱਥੇ ਹੀ ਨਿਕ ਵੀ ਦੇਸੀ ਕੁੜਤਾ-ਪਜਾਮੇ ਵਿੱਚ ਕਾਫੀ ਡੈਸ਼ਿੰਗ ਲੱਗ ਰਹੇ ਹਨ। ਇਸ ਦੇ ਨਾਲ ਹੀ ਬੇਟੀ ਮਾਲਤੀ ਵੀ ਲਹਿੰਗਾ ਚੋਲੀ ‘ਚ ਨਜ਼ਰ ਆ ਰਹੀ ਹੈ। ਇੱਕ ਫੋਟੋ ਵਿੱਚ ਜੋੜਾ ਆਪਣੀ ਬੇਟੀ ਨਾਲ ਪੋਜ਼ ਦੇ ਰਿਹਾ ਹੈ ਅਤੇ ਦੂਜੀ ਵਿੱਚ ਤਿੰਨੋਂ ਪੂਜਾ ਕਰਦੇ ਨਜ਼ਰ ਆ ਰਹੇ ਹਨ।
ਪ੍ਰਿਅੰਕਾ ਚੋਪੜਾ ਦੀਆਂ ਆਉਣ ਵਾਲੀਆਂ ਫਿਲਮਾਂ
ਪ੍ਰਿਯੰਕਾ ਚੋਪੜਾ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਪਿਛਲੀ ਬਾਲੀਵੁੱਡ ਫਿਲਮ ‘ਦਿ ਵ੍ਹਾਈਟ ਟਾਈਗਰ’ ਸੀ। ਇਸ ਦੇ ਨਾਲ ਹੀ ਉਹ ਹਾਲੀਵੁੱਡ ਫਿਲਮ ‘ਦ ਮੈਟ੍ਰਿਕਸ ਰਿਸਰੈਕਸ਼ਨ’ ‘ਚ ਨਜ਼ਰ ਆਈ ਸੀ। ਇਸ ਦੇ ਨਾਲ ਹੀ ਉਹ ਜਲਦ ਹੀ ਅਭਿਨੇਤਾ ਐਂਥਨੀ ਮੈਕੀ ਨਾਲ ਹਾਲੀਵੁੱਡ ਫਿਲਮ ‘ਸਿਟਾਡੇਲ’ ਅਤੇ ਐਕਸ਼ਨ ਫਿਲਮ ‘ਐਂਡਿੰਗ ਥਿੰਗਸ’ ‘ਚ ਨਜ਼ਰ ਆਵੇਗੀ। ਇਸ ਤੋਂ ਇਲਾਵਾ ਕੈਟਰੀਨਾ ਕੈਫ ਅਤੇ ਆਲੀਆ ਭੱਟ ਨਾਲ ਫਿਲਮ ‘ਜੀ ਲੇ ਜ਼ਾਰਾ’ ‘ਚ ਨਜ਼ਰ ਆਵੇਗੀ।