ਮੈਗਾਸਟਾਰ ਅਮਿਤਾਭ ਬੱਚਨ ਦੇ ਕੁਇਜ਼ ਸ਼ੋਅ ਕੇਬੀਸੀ 13 (ਕੌਣ ਬਣੇਗਾ ਕਰੋੜਪਤੀ 13) ’ਚ ਹਰ ਦਿਨ ਨਵੇਂ ਕੰਟੈਸਟੈਂਟ ਹਿੱਸਾ ਲੈਂਦੇ ਹਨ। ਇਨ੍ਹਾਂ ਕੰਟੈਸਟੈਂਟ ਨਾਲ ਅਮਿਤਾਭ ਬੱਚਨ ਕਾਫੀ ਮਸਤੀ-ਮਜ਼ਾਕ ਵੀ ਕਰਦੇ ਰਹਿੰਦੇ ਹਨ। ਉਥੇ ਹੀ ਇਹ ਕੰਟੈਸਟੈਂਟ ਦਿੱਗਜ ਅਦਾਕਾਰ ਲਈ ਆਪਣਾ ਪਿਆਰ ਦਿਖਾਉਣ ਤੋਂ ਵੀ ਨਹੀਂ ਹੱਟਦੇ। ਇਸ ਸਭ ਦੌਰਾਨ ਸ਼ੋਅ ਦੀ ਇਕ ਕੰਟੈਸਟੈਂਟ ਨੇ ਅਮਿਤਾਭ ਬੱਚਨ ਦੀ ਨੂੰਹ ਭਾਵ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਨੂੰ ਲੈ ਕੇ ਵੱਡੀ ਗੱਲ ਕਹਿ ਦਿੱਤੀ ਹੈ।
ਦਰਅਸਲ, ਕੇਬੀਸੀ 13 ’ਚ ਹਾਲ ਹੀ ’ਚ ਦਿਵਿਆ ਸਹਾਏ ਨਾਮ ਦੀ ਇਕ ਕੰਟੈਸਟੈਂਟ ਨੇ ਹਿੱਸਾ ਲਿਆ। ਸ਼ੋਅ ਦੀ ਹਾਟ ਸੀਟ ’ਤੇ ਪਹੁੰਚ ਕੇ ਉਨ੍ਹਾਂ ਨੇ ਅਮਿਤਾਭ ਬੱਚਨ ਦੇ ਨਾਲ ਸ਼ਾਨਦਾਰ ਗੇਮ ਖੇਡੀ ਅਤੇ ਆਪਣੇ ਦਿਲ ਦੀਆਂ ਢੇਰ ਸਾਰੀਆਂ ਗੱਲਾਂ ਵੀ ਸ਼ੇਅਰ ਕੀਤੀਆਂ। ਦਿਵਿਆ ਸਹਾਏ ਨੇ ਅਮਿਤਾਭ ਬੱਚਨ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਤੁਹਾਡੀ ‘ਨੂੰਹ ਰਾਣੀ’ ਤੋਂ ਕਾਫੀ ‘ਜਲਣ’ ਹੈ। ਕੰਟੈਸਟੈਂਟ ਦੀ ਇਹ ਗੱਲ ਸੁਣ ਕੇ ਬਿੱਗ ਬੀ ਵੀ ਹੈਰਾਨ ਹੋ ਜਾਂਦੇ ਹਨ। ਕੇਬੀਸੀ 13 ਨਾਲ ਜੁੜਿਆ ਇਹ ਵੀਡੀਓ ਪ੍ਰੋਮੋ ਸੋਨੀ ਟੀਵੀ ਚੈਨਲ ਨੇ ਆਪਣੇ ਅਧਿਕਾਰਿਤ ਟਵਿੱਟਰ ਅਕਾਊਂਟ ’ਤੇ ਸਾਂਝਾ ਕੀਤਾ ਹੈ।
ਇਸ ਵੀਡੀਓ ਪ੍ਰੋਮੋ ’ਚ ਦਿਵਿਆ ਸਹਾਏ ਅਮਿਤਾਭ ਬੱਚਨ ਨੂੰ ਕਹਿੰਦੀ ਹੈ, ‘ਇਕ ਗੱਲ ਹੈ, ਮੈਨੂੰ ਤੁਹਾਡੀ ਨੂੰਹ ਤੋਂ ਬਹੁਤ ਜਲਣ ਹੈ।’ ਇਸਤੋਂ ਬਾਅਦ ਬਿੱਗ ਬੀ ਉਸ ਤੋਂ ਇਸਦਾ ਕਾਰਨ ਪੁੱਛਦੇ ਹਨ, ਤਾਂ ਦਿਵਿਆ ਸਹਾਏ ਕਹਿੰਦੀ ਹੈ, ‘ਸੌਂ ਸਾਲ ’ਚ ਕੋਈ ਲੜਕੀ ਇੰਨੀ ਖ਼ੂਬਸੂਰਤ ਪੈਦਾ ਹੁੰਦੀ ਹੈ।’ ਇਸਤੋਂ ਬਾਅਦ ਬਿੱਗ ਬੀ ਨੇ ਤਾਰੀਫ਼ ਲਈ ਉਸਦਾ ਸ਼ੁਕਰੀਆ ਅਦਾ ਕੀਤਾ ਅਤੇ ਦਿਵਿਆ ਦੀ ਸ਼ਿਕਾਇਤ ਇਥੇ ਹੀ ਖ਼ਤਮ ਨਹੀਂ ਹੁੰਦੀ। ਉਹ ਇਹ ਵੀ ਕਹਿੰਦੀ ਹੈ ਕਿ ਐਸ਼ਵਰਿਆ ਤੋਂ ਇਲਾਵਾ, ਉਹ ਹੋਰ ਅਦਾਕਾਰਾਵਾਂ ਦੀ ਤੁਲਨਾ ’ਚ ਕਿਤੇ ਜ਼ਿਆਦਾ ਸੁੰਦਰ ਹੈ। ਉਹ ਅੱਗੇ ਕਹਿੰਦੀ ਹੈ, ‘ਮੈਂ ਹਾਲੇ ਤਕ ਹੀਰੋਇਨ ਕਿਉਂ ਨਹੀਂ ਹਾਂ।’
ਕੇਬੀਸੀ 13 ਨਾਲ ਜੁੜਿਆ ਇਹ ਵੀਡੀਓ ਪ੍ਰੋਮੋ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਅਮਿਤਾਭ ਬੱਚਨ ਦੇ ਫੈਨਜ਼ ਅਤੇ ਕਈ ਸੋਸ਼ਲ ਮੀਡੀਆ ਯੂਜ਼ਰਜ਼ ਵੀਡੀਓ ਪ੍ਰੋਮੋ ਨੂੰ ਖ਼ੂਬ ਪਸੰਦ ਕਰ ਰਹੇ ਹਨ। ਨਾਲ ਹੀ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਵੀ ਦੇ ਰਹੇ ਹਨ।