Diabetes Myths & Facts : ਭਾਰਤ ’ਚ 70 ਮਿਲੀਅਨ ਤੋਂ ਵੱਧ ਲੋਕ ਡਾਇਬਟੀਜ਼ ਤੋਂ ਪੀੜਤ ਹਨ, ਜਿਸ ਨਾਲ ਇਹ ਵਿਸ਼ਵ ਦੀ ਡਾਇਬਟੀਜ਼ ਰਾਜਧਾਨੀ ਬਣ ਗਿਆ ਹੈ। ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਤੁਹਾਡੇ ਪਰਿਵਾਰ ’ਚ ਇਕ ਨਾ ਇਕ ਵਿਅਕਤੀ ਜ਼ਰੂਰ ਡਾਇਬਟੀਜ਼ ਤੋਂ ਪੀੜਤ ਹੋਵੇਗਾ। ਡਾਇਬਟੀਜ਼ ਦੇਸ਼ ’ਚ ਇਕ ਆਮ ਬਿਮਾਰੀ ਬਣ ਗਈ ਹੈ, ਪਰ ਇਸਦੇ ਬਾਵਜੂਦ, ਅਜਿਹੇ ਕਈ ਤੱਥ ਹਨ, ਜਿਨ੍ਹਾਂ ਤੋਂ ਅਸੀਂ ਅਣਜਾਣ ਹਾਂ।
ਮਿੱਥ – ਡਾਇਬਟੀਜ਼ ਜ਼ਿਆਦਾ ਮਿੱਠਾ ਖਾਣ ਨਾਲ ਹੁੰਦੀ ਹੈ।
ਫੈਕਟ – ਮਿੱਠੇ ਖਾਦ ਪਦਾਰਥ, ਇਕ ਗਿਲਾਸ ਸੋਢਾ ਅਤੇ ਪ੍ਰੋਸੈਸਡ ਫੂਡਸ ਸਿੱਧੇ ਤੌਰ ’ਤੇ ਡਾਇਬਟੀਜ਼ ਦਾ ਜੋਖ਼ਮ ਨਹੀਂ ਵਧਾਉਂਦੇ। ਇਨ੍ਹਾਂ ਚੀਜ਼ਾਂ ਨਾਲ ਤੁਹਾਡੇ ਮੋਟਾਪੇ ਦਾ ਖ਼ਤਰਾ ਵੱਧ ਜਾਂਦਾ ਹੈ, ਜਿਸ ਨਾਲ ਡਾਇਬਟੀਜ਼ ਹੋ ਸਕਦੀ ਹੈ। ਮਿੱਠਾ ਅਤੇ ਡਾਇਬਟੀਜ਼ ਦਾ ਸਬੰਧ ਸਿੱਧਾ ਨਹੀਂ ਹੈ।
ਡਾਇਬਟੀਜ਼ ਦਾ ਸਭ ਤੋਂ ਆਮ ਰੂਪ, ਟਾਈਪ 2 ਡਾਇਬਟੀਜ਼ ਹੈ, ਜੋ ਉਦੋਂ ਹੁੰਦੀ ਹੈ, ਜਦੋਂ ਸਰੀਰ ਇੰਸੁਲਿਨ ਦੀ ਮਾਤਰਾ ਪ੍ਰਤੀ ਰੀਸਪਾਂਸਿਵ ਨਹੀਂ ਹੁੰਦਾ ਹੈ। ਸਮੇਂ ਦੇ ਨਾਲ, ਸਰੀਰ ਨਾਰਮਲ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਬਣਾਏ ਰੱਖਣ ਲਈ ਲੋੜੀਂਦਾ ਇੰਸੁਲਿਨ ਨਹੀਂ ਬਣਾ ਪਾਉਂਦਾ। ਵੱਧ ਭਾਰ ਅਤੇ ਮੋਟਾ ਹੋਣਾ ਜਾਂ ਪਰਿਵਾਰਿਕ ਇਤਿਹਾਸ ਹੋਣ, ਡਾਇਬਟੀਜ਼ ਦਾ ਮੁੱਖ ਕਾਰਨ ਹੈ।
ਮਿੱਥ – ਡਾਇਬਟੀਜ਼ ਤੋਂ ਪੀੜਤ ਲੋਕ ਮਿੱਠਾ ਨਹੀਂ ਖਾ ਸਕਦੇ।
ਫੈਕਟ – ਡਾਇਬਟੀਜ਼ ਦਾ ਮਤਲਬ ਇਹ ਨਹੀਂ ਹੈ ਕਿ ਤੁਸੀਂ ਬਿਲਕੁੱਲ ਮਿੱਠਾ ਨਹੀਂ ਖਾ ਸਕਦੇ। ਜੇਕਰ ਤੁਸੀਂ ਕੇਕ ਦਾ ਟੁੱਕੜਾ ਖਾਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਇਸਦੇ ਲਈ ਥੋੜ੍ਹੀ ਪਲਾਨਿੰਗ ਕਰਨੀ ਹੋਵੇਗੀ। ਸ਼ੂਗਰ ਤੋਂ ਪੀੜਤ ਲੋਕ ਕਦੇ ਵੀ ਚੀਨੀ ਨਹੀਂ ਖਾ ਸਕਦੇ, ਇਹ ਇਕ ਮਿੱਥ ਹੈ। ਹਰ ਵਾਰ ਜਦੋਂ ਤੁਸੀਂ ਕੁਝ ਖਾਂਦੇ ਹੋ ਤਾਂ ਕਾਰਬੋਹਾਈਡ੍ਰੇਟ ਦਾ ਧਿਆਨ ਰੱਖਣਾ ਬਲੱਡ ਸ਼ੂਗਰ ਦੇ ਲੈਵਲ ਨੂੰ ਬਣਾਏ ਰੱਖਣ ਦਾ ਇਕ ਮਹੱਤਵਪੂਰਨ ਹਿੱਸਾ ਹੈ। ਮਠਿਆਈ ਅਤੇ ਕੁਕੀਜ਼ ’ਚ ਕਾਰਬਸ ਹੁੰਦੇ ਹਨ, ਇਸ ਲਈ ਗਿਣਤੀ ਰੱਖਣ ਨਾਲ ਸ਼ੂਗਰ ਦੇ ਰੋਗੀਆਂ ਨੂੰ ਆਪਣੇ ਬਲੱਡ ਸ਼ੂਗਰ ਦੇ ਲੈਵਲ ਨੂੰ ਕੰਟਰੋਲ ਰੱਖਣ ’ਚ ਮਦਦ ਮਿਲਦੀ ਹੈ। ਤੁਸੀਂ ਦੂਸਰੇ ਕਾਰਬ ਯੁਕਤ ਫੂਡ ਦੀ ਥਾਂ ਕੇਕ ਦੇ ਇਕ ਛੋਟੇ ਟੁੱਕੜੇ ਦਾ ਸੇਵਨ ਕਰ ਸਕਦੇ ਹੋ।
ਮਿੱਥ – ਪ੍ਰੈਗਨੈਂਸੀ ਦੌਰਾਨ ਡਾਇਬਟੀਜ਼ ਹੋ ਜਾਣ ਦਾ ਮਤਲਬ ਹੈ ਕਿ ਤੁਹਾਡੇ ਬੱਚੇ ਨੂੰ ਵੀ ਡਾਇਬਟੀਜ਼ ਹੋ ਜਾਵੇਗੀ।
ਫੈਕਟ – ਲਗਪਗ 9 ਫ਼ੀਸਦੀ ਔਰਤਾਂ ਗਰਭਅਵਸਥਾ ਦੌਰਾਨ ਇੰਸੁਲਿਤ ਰੋਧਕ ਹੋ ਜਾਂਦੀਆਂ ਹਨ ਅਤੇ ਗਰਭਵਤੀ ਸ਼ੂਗਰ ਤੋਂ ਪੀੜਤ ਹੋ ਜਾਂਦੀ ਹੈ। ਇਸਦਾ ਮਤਲਬ ਇਹ ਨਹੀਂ ਹੁੰਦਾ ਕਿ ਤੁਹਾਡੇ ਹੋਣ ਵਾਲੇ ਬੱਚੇ ਨੂੰ ਵੀ ਡਾਇਬਟੀਜ਼ ਹੋ ਜਾਵੇਗੀ। ਇਸ ਸਥਿਤੀ ਨੂੰ ਮੈਨੇਜ ਕਰਨ ਲਈ ਆਪਣੇ ਡਾਕਟਰ ਦੀ ਸਲਾਹ ਲਓ।
ਮਿੱਥ – ਡਾਇਬਟੀਜ਼ ਤੁਹਾਡੀ ਮਾਨਸਿਕ ਸਿਹਤ ਨੂੰ ਪ੍ਰਭਾਵਿਤ ਨਹੀਂ ਕਰ ਸਕਦੀ।
ਫੈਕਟ – ਸ਼ੂਗਰ ਸੀ ਪੀੜਤ ਲੋਕ ਵੀ ਭਾਵਨਾਵਾਂ ਕਾਰਨ ਹਾਵੀ ਹੋ ਸਕਦੇ ਹਨ। ਉਹ ਵੀ ਗੁੱਸਾ, ਉਦਾਸ ਜਾਂ ਚਿੰਤਿਤ ਮਹਿਸੂਸ ਕਰ ਸਕਦੇ ਹਨ। ਦਿਨ ’ਚ ਕਈ ਵਾਰ ਆਪਣੇ ਬਲੱਡ ਸ਼ੂਗਰ ਦੇ ਲੈਵਲ ਦੀ ਜਾਂਚ ਕਰਨਾ ਤਣਾਅ ਪੂਰਵਕ ਹੋ ਸਕਦਾ ਹੈ।
