CPL ‘ਚ ਗੇਲ ਨੇ ਜੜਿਆ ਤੂਫਾਨੀ ਟੀ-20 ਸੈਂਕੜਾ

Chris Gayle T20 Hundred: ਗੇਲ ਨੇ ਜਮੈਕਾ ਥਲਾਵਾਜ ਵੱਲੋਂ ਖੇਡਦੇ ਹੋਏ ਸੈਂਟ ਕਿਟਸ ਐਂਡ ਨੇਵਿਸ ਪੈਟ੍ਰਿਯੋਟਸ ਖਿਲਾਫ ਆਪਣੀ ਪਾਰੀ ਦਾ ਵਧੀਆ ਪ੍ਰਦਰਸ਼ਨ ਕਰਦੇ ਹੋਏ 54 ਗੇਂਦਾਂ ਵਿੱਚ ਆਪਣਾ ਸੈਂਕੜਾ ਪੂਰਾ ਕੀਤਾ ਹੈ । ਇਸ ਪਾਰੀ ਵਿੱਚ ਕ੍ਰਿਸ ਗੇਲ ਨੇ 62 ਗੇਂਦਾਂ ਵਿੱਚ 7 ਚੌਕੇ ਅਤੇ 10 ਛੱਕਿਆਂ ਦੀ ਮਦਦ ਨਾਲ 116 ਦੌੜਾਂ ਬਣਾਈਆਂ । ਹਾਲਾਂਕਿ ਗੇਲ ਦੇ ਇਸ ਸੈਂਕੜੇ ‘ਤੇ ਉਸਦੀ ਹੀ ਟੀਮ ਦੇ ਗੇਂਦਬਾਜ਼ਾਂ ਵੱਲੋਂ ਪਾਣੀ ਫੇਰ ਦਿੱਤਾ ਗਿਆ ਅਤੇ ਜਮੈਕਾ ਥਲਾਵਾਜ ਟੀਮ ਹਾਰ ਗਈ । ਦੱਸ ਦਈਏ ਕਿ ਇਸ ਮੁਕਾਬਲੇ ਵਿੱਚ ਜਮੈਕਾ ਥਲਾਵਾਜ ਵਾਲੋਂ 21 ਛੱਕੇ ਲਗਾਏ ਗਏ । ਜ਼ਿਕਰਯੋਗ ਹੈ ਕਿ ਕ੍ਰਿਸ ਗੇਲ ਟੀ-20 ਲੀਗ ਵਿੱਚ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਵਾਲੇ ਬੱਲੇਬਾਜ਼ ਹਨ । ਕ੍ਰਿਸ ਗੇਲ ਨੇ CPL ਅਤੇ IPL ਵਰਗੀਆਂ ਲੀਗਾਂ ਵਿੱਚ ਹੁਣ ਤੱਕ 22 ਸੈਂਕੜੇ ਲਗਾ ਚੁੱਕੇ ਹਨ । ਇਸ ਤੋਂ ਇਲਾਵਾ ਕ੍ਰਿਸ ਗੇਲ ਨੇ ਟੀ-20 ਕੌਮਾਂਤਰੀ ਕ੍ਰਿਕਟ ਵਿੱਚ ਵੀ 2 ਸੈਂਕੜੇ ਲਗਾਏ ਹਨ । ਜਿਸ ਕਾਰਨ ਕ੍ਰਿਸ ਗੇਲ ਨੇ ਹੁਣ ਤੱਕ ਕੁੱਲ 24 ਟੀ-20 ਸੈਂਕੜੇ ਲਗਾਏ ਹਨ । ਕ੍ਰਿਸ ਗੇਲ ਤੋਂ ਬਾਅਦ ਜੋ ਖਿਡਾਰੀ ਦੂਜੇ ਨੰਬਰ ‘ਤੇ ਆਉਂਦਾ ਹੈ ਉਸ ਨੇ ਸਿਰਫ 8 ਟੀ-20 ਸੈਂਕੜੇ ਲਗਾਏ ਹਨ ।ਦੱਸ ਦੇਈਏ ਕਿ ਆਸਟ੍ਰੇਲੀਆ ਦੇ ਖਿਡਾਰੀ ਮਾਈਕਲ ਕਲਿੰਗਰ ਦੂਜੇ ਨੰਬਰ ‘ਤੇ ਸ਼ਾਮਿਲ ਹਨ, ਜਿਨ੍ਹਾਂ ਨੇ ਟੀ-20 ਕ੍ਰਿਕਟ ਇਤਿਹਾਸ ਵਿੱਚ 8 ਸੈਂਕੜੇ ਲਗਾਏ ਹਨ । ਇਸ ਤੋਂ ਤੀਜੇ ਨੰਬਰ ‘ਤੇ ਆਉਣ ਵਾਲੇ ਖਿਡਾਰੀ ਦਾ ਨਾਮ ਐਰੋਨ ਫਿੰਚ ਹੈ, ਜਿਨ੍ਹਾਂ ਨੇ ਟੀ-20 ਲੀਗ ਵਿੱਚ ਹੁਣ ਤੱਕ 7 ਸੈਂਕੜੇ ਲਗਾਏ ਹਨ ।