74.62 F
New York, US
July 13, 2025
PreetNama
ਫਿਲਮ-ਸੰਸਾਰ/Filmy

Coronavirus ਨਾਲ ਜੰਗ ਜਿੱਤਣ ਲਈ ਕੰਗਨਾ ਰਣੌਤ ਨੇ ਕੀਤੀ ਪੀਐੱਮ ਮੋਦੀ ਦੀ ਹਮਾਇਤ, ਕਹੀ ਇਹ ਗੱਲ

ਕੋਰੋਨਾ ਵਾਇਰਸ ਤੋਂ ਨਜਿੱਠਣ ਲਈ ਇਸ ਸਮੇਂ ਸਰਕਾਰ ਤੇ ਡਾਕਟਰ ਦਿਨ-ਰਾਤ ਸਖ਼ਤ ਮਿਹਨਤ ਕਰ ਰਹੇ ਹਨ। ਇਸ ਵਾਇਰਸ ਦੀ ਦੂਜੀ ਲਹਿਰ ਨੇ ਪੂਰੇ ਦੇਸ਼ ਨੂੰ ਪਰੇਸ਼ਾਨ ਕਰ ਕੇ ਰੱਖ ਦਿੱਤਾ ਹੈ। ਦੁੱਖ ਇਹ ਹੈ ਕਿ ਬਹੁਤ ਥਾਂ ਆਕਸੀਜਨ, ਦਵਾਈਆਂ ਤੇ ਵੈਂਟੀਲੇਟਰ ਦੀ ਕਮੀ ਹੋਣ ਲੱਗੀ ਹੈ। ਅਜਿਹੇ ‘ਚ ਸ਼ਨਿਚਰਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਨ੍ਹਾਂ ਸਾਰੀਆਂ ਪਰੇਸ਼ਾਨੀਆਂ ਤੋਂ ਨਜਿੱਠਣ ਲਈ ਸਮੀਖਿਆ ਬੈਠਕ ਵੀ ਕੀਤੀ।

ਪੀਐੱਮ ਨਰਿੰਦਰ ਮੋਦੀ ਦੀ ਇਸ ਸਮੀਖਿਆ ਬੈਠਕ ਤੋਂ ਬਾਅਦ ਅਦਾਕਾਰਾ ਕੰਗਨਾ ਰਣੌਤ ਨੇ ਉਨ੍ਹਾਂ ਦੀ ਤਾਰੀਫ਼ ਕੀਤੀ ਹੈ। ਕੰਗਨਾ ਰਣੌਤ ਬਹੁਤ ਮੌਕਿਆਂ ‘ਤੇ ਪੀਐੱਮ ਨਰਿੰਦਰ ਮੋਦੀ ਦੀ ਤਾਰੀਫ਼ ਕਰਦੀ ਰਹਿੰਦੀ ਹੈ। ਨਾਲ ਹੀ ਉਹ ਉਨ੍ਹਾਂ ਨੂੰ ਆਪਣਾ ਪ੍ਰੇਰਣਾ ਦਾ ਸਰੋਤ ਵੀ ਦੱਸਦੀ ਹੈ। ਕੰਗਨਾ ਰਣੌਤ ਨੇ ਆਪਣੇ ਸੋਸ਼ਲ ਮੀਡੀਆ ‘ਤੇ ਪੀਐੱਮ ਨਰਿੰਦਰ ਮੋਦੀ ਦੀ ਤਾਰੀਫ਼ ਕੀਤੀ ਤੇ ਕੋਰੋਨਾ ਵਾਇਰਸ ਮਹਾਮਾਰੀ ਨਾਲ ਲੜਨ ‘ਚ ਉਨ੍ਹਾਂ ਨੂੰ ਸੋਪਰਟ ਕੀਤਾ ਹੈ। ਕੰਗਨਾ ਸੋਸ਼ਲ ਮੀਡੀਆ ‘ਤੇ ਕਾਫੀ ਸਰਗਰਮ ਰਹਿਣ ਵਾਲੀ ਅਦਾਕਾਰਾਂ ‘ਚੋਂ ਇਕ ਹੈ।
ਪੀਐੱਮ ਮੋਦੀ ਦੇ ਟਵੀਟ ਨੂੰ ਰਿਟਵੀਟ ਕਰਦਿਆਂ ਉਨ੍ਹਾਂ ਨੇ ਆਪਣੇ ਅਧਿਕਾਰਤ ਟਵਿੱਟਰ ਅਕਾਊਂਟ ‘ਤੇ ਲਿਖਿਆ, ‘ਇਹ ਜੈਵ ਯੁੱਧ/ਵਾਇਰਸ ਜੋ ਇਸ ਦੁਨੀਆ ‘ਤੇ ਛਾ ਗਿਆ ਹੈ, ਇਕ ਬਹੁਤ ਵੱਡਾ ਸੰਕਟ ਹੈ ਪਰ ਇਸ ਆਬਾਦੀ ਵਾਲੇ ਦੇਸ਼ ਲਈ ਇਸ ਤੋਂ ਵੀ ਜ਼ਿਆਦਾ ਚੁਣੌਤੀਪੂਰਨ ਹੈ ਕਿ ਜੋ ਸਭ ਤੋਂ ਮਹਾਨ ਤੇ ਸਭ ਤੋਂ ਮਜ਼ਬੂਤ ਆਗੂ ਦੀ ਵੀ ਟੈਸਟਿੰਗ ਕਰ ਸਕਦਾ ਹੈ। ਬਲ ਤੁਹਾਡੇ ਨਾਲ ਹੋ ਸਕਦਾ ਹੈ। ਤੁਸੀਂ ਹਨ੍ਹੇਰੇ ਨੂੰ ਹਰਾਉਣ ‘ਚ ਵਿਜੈ ਹੋ ਸਕਦੇ ਹਨ।’ ਸੋਸ਼ਲ ਮੀਡੀਆ ‘ਤੇ ਕੰਗਨਾ ਰਣੌਤ ਦਾ ਇਹ ਟਵੀਟ ਵਾਇਰਲ ਹੋ ਰਿਹਾ ਹੈ।

Related posts

550ਵੇਂ ਪ੍ਰਕਾਸ਼ ਪੁਰਬ ਮੌਕੇ ਗੂੰਜੇਗੀ ਸੁਖਵਿੰਦਰ ਸਿੰਘ ਦੀ ਆਵਾਜ਼

On Punjab

ਰੀਅਲ ਲਾਈਫ ਵਿੱਚ ਕਾਫੀ ਬੋਲਡ ਤੇ ਗਲੈਮਰਸ ਹੈ ਹਿਮਾਂਸ਼ੀ, ਫੈਨਜ਼ ਨੇ ਕਿਹਾ ‘ ਪੰਜਾਬ ਦੀ ਐਸ਼ਵਰਿਆ’

On Punjab

ਇਸ ਸ਼ਖਸ ‘ਤੇ ਸਭ ਤੋਂ ਜ਼ਿਆਦਾ ਭਰੋਸਾ ਕਰਦੇ ਹਨ ਦਿਲਜੀਤ ਦੋਸਾਂਝ

On Punjab