ਰਿਕਾਰਡ 21ਵਾਂ ਗਰੈਂਡਸਲੈਮ ਖਿਤਾਬ ਜਿੱਤਣ ਦੀ ਦਹਿਲੀਜ਼ ’ਤੇ ਖੜੇ੍ਹ ਛੇਵੀਂ ਰੈਂਕਿੰਗ ਦੇ ਸਪੇਨ ਦੇ ਰਾਫੇਲ ਨਡਾਲ ਨੇ ਕੈਨੇਡਾ ਦੇ ਡੈਨਿਸ ਸ਼ਾਪੋਵਾਲੋਵ ਨੂੰ ਪੰਜ ਸੈੱਟਾਂ ਤਕ ਚੱਲੇ ਮੈਰਾਥਨ ਮੁਕਾਬਲੇ ਵਿਚ ਹਰਾ ਕੇ ਸਾਲ ਦੇ ਪਹਿਲੇ ਗਰੈੈਂਡਸਲੈਮ ਆਸਟਰੇਲੀਅਨ ਓਪਨ ਦੇ ਸੈਮੀਫਾਈਨਲ ਵਿਚ ਪਰਵੇਸ਼ ਕਰ ਲਿਆ। ਨਡਾਲ, ਰੋਜਰ ਫੇਡਰਰ ਅਤੇ ਨੋਵਾਕ ਜੋਕੋਵਿਕ ਦੇ ਨਾਮ 20 ਗਰੈੈਂਡਸਲੈਮ ਖਿਤਾਬ ਹਨ ਅਤੇ ਸਪੇਨ ਦੇ ਖਿਡਾਰੀ ਇਸ ਦੋ ਖਿਡਾਰੀਆਂ ਨੂੰ ਪਿੱਛੇ ਛੱਡਣ ਤੋਂ ਸਿਰਫ਼ ਦੋ ਕਦਮ ਦੂਰ ਰਹਿ ਗਏ ਹਨ।
ਨਡਾਲ ਨੇ ਚਾਰ ਘੰਟੇ ਅੱਠ ਮਿੰਟ ਤਕ ਚੱਲੇ ਕੁਆਰਟਰ ਫਾਈਨਲ ਮੁਕਾਬਲੇ ਵਿਚ 6-3, 6-4, 4-6, 3-6, 6-3 ਨਾਲ ਜਿੱਤ ਦਰਜ ਕੀਤੀ। ਪਹਿਲੇ ਦੋ ਸੈੱਟਾਂ ਵਿਚ ਹਾਵੀ ਰਹਿਣ ਤੋਂ ਬਾਅਦ ਤੀਸਰੇ ਅਤੇ ਚੌਥੇ ਸੈੱਟ ਵਿਚ ਪੇਟ ਦੀ ਗੜਬੜੀ ਕਾਰਨ ਉਨ੍ਹਾਂ ਦੀ ਲੈਅ ਟੁੱਟੀ ਲੇਕਿਨ ਫੈਸਲਾਕੁੰਨ ਸੈੱਟ ਜਿੱਤਕੇ ਨਡਾਲ ਨੇ ਆਖਰੀ ਚਾਰ ਵਿਚ ਜਗ੍ਹਾ ਬਣਾਈ। ਨਡਾਲ ਇੱਥੇ ਸਿਰਫ ਇਕ ਵਾਰ 2009 ਵਿਚ ਖਿਤਾਬ ਜਿੱਤ ਸਕੇ ਹਨ ਅਤੇ ਪਿਛਲੇ 13 ’ਚੋਂ ਸੱਤ ਕੁਆਰਟਰ ਫਾਈਨਲ ਹਾਰੇ ਹਨ।
ਨਡਾਲ ਨੇ ਪਹਿਲੇ ਸੈੱਟ ਵਿਚ 3-1 ਦੀ ਬੜ੍ਹਤ ਹਾਸਲ ਕੀਤੀ ਅਤੇ ਫਿਰ ਆਸਾਨੀ ਨਾਲ ਇਸਨੂੰ 6-3 ਨਾਲ ਆਪਣੇ ਨਾਮ ਕੀਤਾ। ਦੂਜੇ ਸੈੱਟ ’ਚ ਵੀ ਨਡਾਲ ਦੇ ਸਾਹਮਣੇ ਸ਼ਾਪੋਵਾਲੋਵ ਕੁਝ ਖਾਸ ਚੁਣੌਤੀ ਪੇਸ਼ ਨਹੀਂ ਕਰ ਸਕੇ ਅਤੇ ਨਡਾਲ ਨੇ ਇਸ ਸੈੱਟ ਨੂੰ 6-4 ਨਾਲ ਆਪਣੇ ਨਾਮ ਕੀਤਾ। ਤੀਸਰੇ ਸੈੱਟ ਵਿਚ ਹਾਲਾਂਕਿ, ਸ਼ਾਪੋਵਾਲੋਵ ਨੇ ਵਾਪਸੀ ਕੀਤੀ ਅਤੇ 3-2 ਦੀ ਵਾਧੇ ਬਣਾਈ। ਨਡਾਲ ਦੇ ਡਬਲ ਫਾਲਟ ਕਰਨ ਨਾਲ ਸ਼ਾਪੋਵਾਲੋਵ ਨੇ 5-4 ਦੀ ਵਾਧੇ ਲਈ ਅਤੇ ਫਿਰ ਇਹ ਸੈੱਟ 6-4 ਨਾਲ ਆਪਣੇ ਨਾਮ ਕੀਤਾ। ਚੌਥੇ ਸੈੱਟ ਵਿਚ ਨਡਾਲ ਦੀ ਗਲਤੀ ਨੇ ਸ਼ਾਪੋਵਾਲੋਵ ਨੂੰ 3-1 ਦੀ ਬੜ੍ਹਤ ਦਵਾਈ। ਕੈਨੇਡਾ ਦੇ ਇਸ ਖਿਡਾਰੀ ਨੇ ਫਿਰ ਨਡਾਲ ਦੇ ਅੱਗੇ ਕੋਈ ਭੁੱਲ ਨਹੀਂ ਕੀਤੀ ਅਤੇ ਇਸ ਸੈੱਟ ਨੂੰ 6-3 ਨਾਲ ਆਪਣੇ ਨਾਮ ਕੀਤਾ। ਫੈਸਲਾਕੁੰਨ ਸੈੱਟ ਵਿਚ ਸ਼ਾਪੋਵਾਲੋਵ ਦੇ ਡਬਲ ਫਾਲਟ ਨਾਲ ਨਡਾਲ ਨੇ 2-0 ਦੀ ਬੜ੍ਹਤ ਹਾਸਲ ਕੀਤੀ। ਸ਼ਾਪੋਵਾਲੋਵ ਨੂੰ ਨਡਾਲ ਨੇ ਫਿਰ ਕੋਈ ਮੌਕਾ ਨਹੀਂ ਦਿੰਦੇ ਹੋਏ ਪੰਜਵੇਂ ਸੈੱਟ ਨੂੰ 6-3 ਨਾਲ ਆਪਣੇ ਨਾਮ ਕਰ ਜਿੱਤ ਹਾਸਲ ਕਰ ਲਈ।
ਬਾਰਟੀ ਵੀ ਸੈਮੀਫਾਈਨਲ ’ਚ :
ਔਰਤਾਂ ਵਿਚ ਸਿਖਰ ਦਰਜਾ ਪ੍ਰਾਪਤ ਆਸਟਰੇਲੀਆ ਦੀ ਏਸ਼ਲੇ ਬਾਰਟੀ ਨੇ ਦੁਨੀਆ ਦੀ 21ਵੇਂ ਨੰਬਰ ਦੀ ਖਿਡਾਰੀ ਅਮਰੀਕਾ ਦੀ ਜੇਸਿਕਾ ਪੇਗੁਲਾ ਨੂੰ 6-2, 6-0 ਨਾਲ ਹਰਾ ਕੇ ਸੈਮੀਫਾਈਨਲ ’ਚ ਪਰਵੇਸ਼ ਕਰ ਲਿਆ। ਵਿੰਬਲਡਨ 2021 ਚੈਂਪੀਅਨ ਬਾਰਟੀ 1978 ਦੇ ਬਾਅਦ ਆਸਟਰੇਲੀਅਨ ਓਪਨ ਜਿੱਤਣ ਵਾਲੀ ਪਹਿਲੀ ਆਸਟਰੇਲਿਆਈ ਮਹਿਲਾ ਖਿਡਾਰੀ ਬਣਨ ਦੀ ਕੋਸ਼ਿਸ਼ ਵਿਚ ਹੈ। ਬਾਰਟੀ ਦਾ ਸਾਹਮਣਾ ਹੁਣ ਅਮਰੀਕਾ ਦੀ ਮੈਡੀਸਨ ਕੀਸ ਨਾਲ ਹੋਵੇਗਾ, ਜਿਸ ਨੇ ਕੁਆਰਟਰ ਫਾਈਨਲ ਵਿਚ ਫਰੇਂਚ ਓਪਨ ਚੈਂਪੀਅਨ ਚੈੱਕ ਗਣਰਾਜ ਦੀ ਬਾਰਬੋਰਾ ਕਰੇਸਿਕੋਵਾ ਨੂੰ 6-3, 6-2 ਨਾਲ ਹਰਾਇਆ।
ਸਾਨੀਆ-ਰਾਮ ਦੀ ਜੋੜੀ ਹਾਰੀ
ਮੈਲਬੌਰਨ, ਪੀਟੀਆਈ : ਭਾਰਤ ਦੀ ਸਾਨੀਆ ਮਿਰਜ਼ਾ ਅਤੇ ਉਸ ਦੇ ਜੋੜੀਦਾਰ ਅਮਰੀਕਾ ਦੇ ਰਾਜੀਵ ਰਾਮ ਨੂੰ ਮਿਕਸਡ ਡਬਲਸ ਦੇ ਕੁਆਰਟਰ ਫਾਈਨਲ ਮੁਕਾਬਲੇ ਵਿਚ ਸਥਾਨਕ ਜੋੜੀ ਜਾਏਮੀ ਫੋਓਰਲਿਸ ਅਤੇ ਜੈਸਨ ਕੁਬਲੇਰ ਦੇ ਹੱਥੋਂ 4-6, 6-7 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸਾਨੀਆ ਦੀ ਹਾਰ ਦੇ ਨਾਲ ਹੀ ਆਸਟਰੇਲੀਅਨ ਓਪਨ ਵਿਚ ਭਾਰਤੀ ਚੁਣੌਤੀ ਖ਼ਤਮ ਹੋ ਗਈ।
ਫਰੇਂਚ ਓਪਨ ਵਿਚ ਖੇਡ ਸਕਦੇ ਹਨ ਜੋਕੋਵਿਕ
ਪੈਰਿਸ, ਏਪੀ : ਫ਼ਰਾਂਸ ਸਰਕਾਰ ਦੇ ਕੋਰੋਨਾ ਟੀਕਾਕਰਨ ਦੇ ਨਵੇਂ ਨਿਯਮਾਂ ਦੇ ਚਲਦੇ ਦੁਨੀਆ ਦੇ ਨੰਬਰ ਇਕ ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਕ ਟੀਕਾ ਨਹੀਂ ਲਗਵਾਉਣ ਦੇ ਬਾਵਜੂਦ ਮਈ ਵਿਚ ਫਰੇਂਚ ਓਪਨ ਖੇਡ ਸਕਦੇ ਹਨ। ਜੋਕੋਵਿਕ ਨੂੰ ਆਸਟਰੇਲੀਆ ਦੇ ਸਖ਼ਤ ਕੋਰੋਨਾ ਟੀਕਾਕਰਨ ਨਿਯਮਾਂ ਦਾ ਪਾਲਣ ਨਾ ਕਰਨ ਦੇ ਕਾਰਨ ਆਸਟਰੇਲੀਅਨ ਓਪਨ ਖੇਡਣ ਦੀ ਆਗਿਆ ਨਹੀਂ ਮਿਲੀ। ਸ਼ੁਰੂ ਵਿਚ ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਫਰੇਂਚ ਓਪਨ ਵੀ ਨਹੀਂ ਖੇਡ ਸਕਣਗੇ ਕਿਉਂਕਿ ਫ਼ਰਾਂਸ ਵਿਚ ਇਕ ਨਵੇਂ ਕਾਨੂੰਨ ਵਿਚ ਵੀ ਅਜਿਹੇ ਲੋਕਾਂ ਨੂੰ ਸਟੇਡੀਅਮ, ਰੇਸਤਰਾਂ, ਬਾਰ ਜਾਂ ਹੋਰ ਜਨਤਕ ਜਗਾਵਾਂ ’ਤੇ ਪਰਵੇਸ਼ ਦੀ ਆਗਿਆ ਨਹੀਂ ਹੈ ਜਿਨ੍ਹਾਂ ਨੇ ਕੋਰੋਨਾ ਦਾ ਟੀਕਾ ਨਹੀਂ ਲਗਵਾਇਆ ਹੈ। ਇਸਦੇ ਲਈ ਟੀਕਾਕਰਨ ਪਾਸ ਮਿਲੇਗਾ ਜੋ ਹਰ ਜਨਤਕ ਸਥਾਨ ’ਤੇ ਪਰਵੇਸ਼ ਲਈ ਲਾਜ਼ਮੀ ਹੋਵੇਗਾ। ਹਾਲਾਂਕਿ, ਸੋਮਵਾਰ ਤੋਂ ਲਾਗੂ ਹੋਏ ਇਸ ਕਾਨੂੰਨ ਤਹਿਤ ਪਿਛਲੇ ਛੇ ਮਹੀਨੇ ਵਿਚ ਕੋਰੋਨਾ ਸਥਾਪਤ ਹੋਣ ਦਾ ਪ੍ਰਮਾਣ ਦੇਣ ਵਾਲੇ ਵਿਅਕਤੀ ਨੂੰ ਇਸ ਪਾਸ ਨੂੰ ਵਿਖਾਉਣ ਦੀ ਜ਼ਰੂਰਤ ਨਹੀਂ ਰਹੇਗੀ। ਇਸਦੇ ਮਾਅਨੇ ਹਨ ਕਿ ਜੋਕੋਵਿਕ ਫਰੇਂਚ ਓਪਨ ਖੇਡ ਸਕਦੇ ਹਨ ਕਿਉਂਕਿ ਉਹ ਦਸੰਬਰ ਦੇ ਮੱਧ ਵਿਚ ਕੋਰੋਨਾ ਨਾਲ ਇਨਫੈਕਟਿਡ ਹੋਏ ਸਨ।