ਲਤਾ ਮੰਗੇਸ਼ਕਰ ਵਾਂਗ ਉਨ੍ਹਾਂ ਦੀ ਛੋਟੀ ਭੈਣ ਆਸ਼ਾ ਭੌਂਸਲੇ ਵੀ ਸੰਗੀਤ ਜਗਤ ਵਿੱਚ ਇਕ ਮਹਾਨ ਕਲਾਕਾਰ ਹੈ। ਆਸ਼ਾ ਭੌਂਸਲੇ ਨੇ ਆਪਣੀ ਆਵਾਜ਼ ਵਿੱਚ ਰੋਮਾਂਟਿਕ ਤੋਂ ਲੈ ਕੇ ਪਾਰਟੀ ਅਤੇ ਭਾਵੁਕ ਤਕ ਕਈ ਗੀਤ ਗਾਏ। ਉਹ ਨਾ ਸਿਰਫ਼ ਇੱਕ ਮਹਾਨ ਗਾਇਕਾ ਹੈ ਸਗੋਂ ਇਕ ਵਧੀਆ ਕੁੱਕ ਵੀ ਹੈ। ਹਾਲਾਂਕਿ ਆਸ਼ਾ ਭੌਂਸਲੇ, ਜਿਸ ਨੇ ਆਪਣੀ ਪੇਸ਼ੇਵਰ ਜ਼ਿੰਦਗੀ ਵਿੱਚ ਇਕ ਤੋਂ ਬਾਅਦ ਇਕ ਸਫਲਤਾ ਦਾ ਸਵਾਦ ਚੱਖਿਆ ਹੈ, ਆਪਣੀ ਨਿੱਜੀ ਜ਼ਿੰਦਗੀ ਵਿੱਚ ਬਹੁਤ ਸਾਰੇ ਉਤਰਾਅ-ਚੜ੍ਹਾਅ ਵੇਖੇ ਹਨ।ਜਦੋਂ ਆਸ਼ਾ ਭੌਂਸਲੇ ਸਿਰਫ 16 ਸਾਲ ਦੀ ਸੀ ਤਾਂ ਉਨ੍ਹਾਂ ਨੇ ਆਪਣੇ ਤੋਂ 15 ਸਾਲ ਵੱਡੇ ਵਿਅਕਤੀ ਨਾਲ ਵਿਆਹ ਕੀਤਾ, ਜਿਸ ਕਾਰਨ ਉਨ੍ਹਾਂ ਦੀ ਵੱਡੀ ਭੈਣ ਲਤਾ ਮੰਗੇਸ਼ਕਰ ਨਾਲ ਕਾਫੀ ਲੜਾਈ ਵੀ ਹੋਈ। ਆਸ਼ਾ ਭੌਂਸਲੇ ਅੱਜ ਆਪਣਾ 89ਵਾਂ ਜਨਮਦਿਨ ਮਨਾ ਰਹੀ ਹੈ ਅਤੇ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਦਿਲਚਸਪ ਪ੍ਰੇਮ ਕਹਾਣੀ ਦੱਸ ਰਹੇ ਹਾਂ।
ਆਸ਼ਾ ਭੌਂਸਲੇ ਨੂੰ ਲਤਾ ਮੰਗੇਸ਼ਕਰ ਦੇ ਸੈਕੇਟਰੀ ਨਾਲ ਸੀ ਪਿਆਰ
ਆਸ਼ਾ ਭੌਂਸਲੇ ਦੀ ਲਵ ਲਾਈਫ ਕਾਫੀ ਦਿਲਚਸਪ ਰਹੀ ਹੈ। ਉਸ ਨੇ 2 ਵਿਆਹ ਕੀਤੇ ਹਨ। ਉਸਨੇ ਪਹਿਲਾ ਵਿਆਹ 16 ਸਾਲ ਦੀ ਉਮਰ ਵਿੱਚ ਲਤਾ ਮੰਗੇਸ਼ਕਰ ਦੇ ਸੈਕੇਟਰੀ ਗਣਪਤ ਰਾਓ ਨਾਲ ਕੀਤਾ, ਜੋ ਉਸ ਤੋਂ ਬਹੁਤ ਵੱਡਾ ਸੀ। ਖਬਰਾਂ ਦੀ ਮੰਨੀਏ ਤਾਂ ਆਸ਼ਾ ਭੌਂਸਲੇ ਦੇ ਇਸ ਫੈਸਲੇ ਤੋਂ ਨਾ ਤਾਂ ਉਨ੍ਹਾਂ ਦੀ ਭੈਣ ਲਤਾ ਮੰਗੇਸ਼ਕਰ ਅਤੇ ਨਾ ਹੀ ਉਨ੍ਹਾਂ ਦਾ ਪਰਿਵਾਰ ਖੁਸ਼ ਸੀ।ਲਤਾ ਮੰਗੇਸ਼ਕਰ ਤੇ ਪੂਰੇ ਪਰਿਵਾਰ ਨੇ ਆਸ਼ਾ ਭੌਂਸਲੇ ਨੂੰ ਮਨਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ, ਪਰ ਉਹ ਨਹੀਂ ਮੰਨੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਕਾਰਨ ਲਤਾ ਮੰਗੇਸ਼ਕਰ ਨੇ ਆਸ਼ਾ ਭੌਂਸਲੇ ਨਾਲ ਕਾਫੀ ਸਮੇਂ ਤਕ ਗੱਲ ਵੀ ਨਹੀਂ ਕੀਤੀ। ਹਾਲਾਂਕਿ, ਗਣਪਤ ਰਾਓ ਨਾਲ ਉਸਦਾ ਰਿਸ਼ਤਾ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ ਅਤੇ ਦੋਵੇਂ ਵੱਖ ਹੋ ਗਏ।
ਆਸ਼ਾ ਭੌਂਸਲੇ ਨੇ ਸੰਗੀਤਕਾਰ ਆਰਡੀ ਬਰਮਨ ਨਾਲ ਦੂਜਾ ਵਿਆਹ ਕੀਤਾ
ਜਦੋਂ ਕਿ ਆਸ਼ਾ ਭੌਂਸਲੇ ਨੇ ਆਪਣਾ ਪਹਿਲਾ ਵਿਆਹ ਆਪਣੀ ਉਮਰ ਤੋਂ ਦੁੱਗਣੇ ਆਦਮੀ ਨਾਲ ਕੀਤਾ, ਉਸਨੇ ਦੂਜਾ ਵਿਆਹ ਇਕ ਮਸ਼ਹੂਰ ਸੰਗੀਤਕਾਰ ਆਰ ਡੀ ਬਰਮਨ ਨਾਲ ਕੀਤਾ ਜੋ ਉਸ ਤੋਂ 6 ਸਾਲ ਛੋਟਾ ਸੀ। ਆਸ਼ਾ ਭੌਂਸਲੇ ਤੇ ਆਰਡੀ ਬਰਮਨ ਦੀ ਪਹਿਲੀ ਮੁਲਾਕਾਤ 1956 ਵਿੱਚ ਹੋਈ ਸੀ, ਜਿਸ ਤੋਂ ਬਾਅਦ ਦੋਵਾਂ ਨੇ ਇਕੱਠੇ ਕਈ ਸੁਪਰਹਿੱਟ ਗੀਤ ਦਿੱਤੇ। ਇਕ ਪਾਸੇ ਜਿੱਥੇ ਆਸ਼ਾ ਭੌਂਸਲੇ ਦੀ ਵਿਆਹੁਤਾ ਜ਼ਿੰਦਗੀ ਖ਼ਤਮ ਹੋ ਗਈ ਸੀ, ਉੱਥੇ ਹੀ ਆਰਡੀ ਬਰਮਨ ਤੇ ਉਨ੍ਹਾਂ ਦੀ ਪਤਨੀ ਰੀਟਾ ਵਿਚਕਾਰ ਵੀ ਦਰਾਰ ਹੋ ਗਈ ਸੀ।ਮੀਡੀਆ ਰਿਪੋਰਟਾਂ ਮੁਤਾਬਕ ਇਕੱਠੇ ਕੰਮ ਕਰਦੇ ਹੋਏ ਆਰਡੀ ਬਰਮਨ ਨੇ ਆਸ਼ਾ ਭੌਂਸਲੇ ਨੂੰ ਦਿਲ ਦੇ ਬੈਠੇ ਅਤੇ ਉਨ੍ਹਾਂ ਨੂੰ ਵਿਆਹ ਦਾ ਆਫਰ ਵੀ ਦਿੱਤਾ। ਸਾਲ 1980 ਵਿੱਚ ਆਸ਼ਾ ਭੌਂਸਲੇ ਨੇ 47 ਸਾਲ ਦੀ ਉਮਰ ਵਿੱਚ ਆਰਡੀ ਬਰਮਨ ਨਾਲ ਵਿਆਹ ਕਰ ਲਿਆ ਸੀ ਪਰ ਵਿਆਹ ਦੇ 14 ਸਾਲ ਬਾਅਦ ਹੀ ਆਰਡੀ ਬਰਮਨ ਨੇ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਗਏ।
ਗਾਇਕਾ ਦੇ ਨਾਲ-ਨਾਲ ਆਸ਼ਾ ਭੌਂਸਲੇ ਇਕ ਚੰਗੀ ਕੁੱਕ ਤੇ ਬਿਜ਼ਨੈੱਸ ਵੂਮੈਨ ਵੀ ਹੈ
ਆਸ਼ਾ ਭੌਂਸਲੇ ਨਾ ਸਿਰਫ਼ ਇਕ ਚੰਗੀ ਗਾਇਕਾ ਹੈ ਸਗੋਂ ਇਕ ਚੰਗੀ ਕੁੱਕ ਤੇ ਕਾਰੋਬਾਰੀ ਵੀ ਹੈ। ਉਸ ਦਾ ਆਪਣਾ ਖਾਣ-ਪੀਣ ਦਾ ਕਾਰੋਬਾਰ ਹੈ। ਆਸ਼ਾ ਭੌਂਸਲੇ ਦਾ ਦੁਬਈ, ਕੁਵੈਤ ਅਤੇ ਬਰਮਿੰਘਮ ਵਿੱਚ ਵਾਫੀ ਮਾਲ ਰੈਸਟੋਰੈਂਟ ਨਾਮ ਦਾ ਇਕ ਲਗਜ਼ਰੀ ਰੈਸਟੋਰੈਂਟ ਹੈ। ਹਾਲੀਵੁੱਡ ਐਕਟਰ ਟੌਮ ਕਰੂਜ਼ ਨੂੰ ਵੀ ਆਸ਼ਾ ਭੌਂਸਲੇ ਦੇ ਰੈਸਟੋਰੈਂਟ ‘ਚ ਭਾਰਤੀ ਖਾਣੇ ਦਾ ਆਨੰਦ ਲੈਂਦੇ ਦੇਖਿਆ ਗਿਆ ਹੈ।