ਚੀਨ ਵਿੱਚ ਇਸ ਸਮੇਂ ਲੋਕਾਂ ਅਤੇ ਸਰਕਾਰ ਦੋਵਾਂ ਦੀ ਹਾਲਤ ਤਰਸਯੋਗ ਹੈ। ਦੇਸ਼ ਦੇ ਦੱਖਣ-ਪੱਛਮ ਵਿੱਚ ਪੈ ਰਹੀ ਭਿਆਨਕ ਗਰਮੀ ਅਤੇ ਬਿਜਲੀ ਦੀ ਕਿੱਲਤ ਕਾਰਨ ਇੱਥੋਂ ਦੇ ਲੋਕਾਂ ਦਾ ਜਿਊਣਾ ਮੁਸੀਬਤ ਵਿੱਚੋਂ ਲੰਘ ਰਿਹਾ ਹੈ। ਹੀਟਵੇਵ ਕਾਰਨ ਬਿਜਲੀ ਦੀ ਮੰਗ ਪਹਿਲਾਂ ਨਾਲੋਂ ਵੱਧ ਹੋ ਗਈ ਹੈ। ਅਜਿਹੇ ‘ਚ ਹਰ ਪਾਸੇ ਬਿਜਲੀ ਦੀ ਕਮੀ ਹੈ। ਇੰਨਾ ਹੀ ਨਹੀਂ, ਘੱਟ ਮੀਂਹ ਅਤੇ ਸੋਕੇ ਦੀ ਭਵਿੱਖਬਾਣੀ ਕਾਰਨ ਇੱਥੋਂ ਦੇ ਲੋਕ ਅਤੇ ਸਰਕਾਰ ਦੀ ਨੀਂਦ ਉੱਡ ਗਈ ਹੈ। ਮੌਸਮ ਵਿਭਾਗ ਨੇ ਲਗਾਤਾਰ 11ਵੇਂ ਦਿਨ ਪੂਰੇ ਖੇਤਰ ਵਿੱਚ ਹੀਟਵੇਵ ਦੀ ਚੇਤਾਵਨੀ ਦਿੱਤੀ ਹੈ। ਮੌਸਮ ਵਿਭਾਗ ਨੇ ਇਸ ਪੂਰੇ ਖੇਤਰ ਵਿੱਚ ਰੈੱਡ ਅਲਰਟ ਜਾਰੀ ਕੀਤਾ ਹੈ। ਬਿਜਲੀ ਨਾ ਹੋਣ ਅਤੇ ਅਸਮਾਨ ਤੋਂ ਪੈ ਰਹੀ ਕਹਿਰ ਦੀ ਗਰਮੀ ਕਾਰਨ ਫ਼ਸਲ ਖ਼ਰਾਬ ਹੋ ਰਹੀ ਹੈ। ਇਸ ਕਾਰਨ ਦੇਸ਼ ਵਿੱਚ ਸੋਕੇ ਦਾ ਖਦਸ਼ਾ ਪ੍ਰਗਟਾਇਆ ਜਾਣ ਲੱਗਾ ਹੈ। ਇਸ ਦੇ ਮੱਦੇਨਜ਼ਰ ਆਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ, ਜੋ ਕਿ ਦੂਜੇ ਸਭ ਤੋਂ ਉੱਚੇ ਪੱਧਰ ਦਾ ਹੈ।
ਖੇਤੀਬਾੜੀ ਮੰਤਰਾਲੇ ਦੀ ਤਰਫ਼ੋਂ ਕਿਹਾ ਗਿਆ ਹੈ ਕਿ ਗਰਮੀ ਕਾਰਨ ਝੋਨੇ ਅਤੇ ਮੱਕੀ ਵਰਗੀਆਂ ਕਈ ਫ਼ਸਲਾਂ ਪਹਿਲਾਂ ਹੀ ਖ਼ਰਾਬ ਹੋ ਚੁੱਕੀਆਂ ਹਨ। ਅਜਿਹੇ ‘ਚ ਦੇਸ਼ ਦੇ ਸਾਹਮਣੇ ਆਉਣ ਵਾਲੇ ਦਿਨਾਂ ‘ਚ ਅਨਾਜ ਦੀ ਕਮੀ ਹੋ ਸਕਦੀ ਹੈ। ਮੌਸਮ ਵਿਭਾਗ ਮੁਤਾਬਕ ਦੱਖਣ-ਪੱਛਮੀ ਫੁਜਿਆਨ ਦੇ 62 ਮੌਸਮ ਕੇਂਦਰਾਂ ‘ਤੇ ਐਤਵਾਰ ਨੂੰ ਰਿਕਾਰਡ ਤਾਪਮਾਨ ਦਰਜ ਕੀਤਾ ਗਿਆ, ਜਿਸ ਨੇ ਸਰਕਾਰ ਦੀ ਵੀ ਨੀਂਦ ਉਡਾ ਦਿੱਤੀ ਹੈ।
ਮੌਸਮ ਵਿਭਾਗ ਨੇ ਉਮੀਦ ਜਤਾਈ ਹੈ ਕਿ ਬੁੱਧਵਾਰ ਤੋਂ ਗਰਮੀ ਤੋਂ ਕੁਝ ਰਾਹਤ ਮਿਲ ਸਕਦੀ ਹੈ। ਪਿਛਲੇ ਹਫ਼ਤੇ ਦੇਸ਼ ਦੇ ਚੋਂਗਿੰਗ ਅਤੇ ਸ਼ਿਨਜਿਆਂਗ ਪ੍ਰਾਂਤਾਂ ਵਿੱਚ 45 ਡਿਗਰੀ ਤਾਪਮਾਨ ਦਰਜ ਕੀਤਾ ਗਿਆ ਸੀ। ਦੇਸ਼ ਦੇ ਦੱਖਣ-ਪੱਛਮੀ ਖੇਤਰ ਦੇ ਲਗਭਗ 500 ਸ਼ਾਪਿੰਗ ਮਾਲ ਵੀ ਬਿਜਲੀ ਦੀ ਕਮੀ ਅਤੇ ਭਿਆਨਕ ਗਰਮੀ ਦਾ ਸਾਹਮਣਾ ਕਰ ਰਹੇ ਹਨ। ਰਾਇਟਰਜ਼ ਦੇ ਅਨੁਸਾਰ, ਖੇਤਰ ਦੇ ਸ਼ਾਪਿੰਗ ਮਾਲ ਅਤੇ ਵਪਾਰਕ ਕੇਂਦਰਾਂ ਨੇ ਪੁਸ਼ਟੀ ਕੀਤੀ ਹੈ ਕਿ ਉਨ੍ਹਾਂ ਨੂੰ ਭਿਆਨਕ ਗਰਮੀ ਅਤੇ ਬਿਜਲੀ ਦੀ ਕਮੀ ਦੇ ਮੱਦੇਨਜ਼ਰ ਉਨ੍ਹਾਂ ਨੂੰ ਖੋਲ੍ਹਣ ਲਈ ਸਰਕਾਰ ਦੁਆਰਾ ਨਵੇਂ ਟਾਈਮ ਸਲਾਟ ਦਿੱਤੇ ਗਏ ਹਨ। ਹੋਟਲ ‘ਚ ਏਅਰ ਕੰਡੀਸ਼ਨ ਚਲਾਉਣ ‘ਤੇ ਪਾਬੰਦੀ ਹੈ। ਇੱਥੇ ਕੁਝ ਹੋਟਲਾਂ ਨੂੰ ਦਿਸ਼ਾ-ਨਿਰਦੇਸ਼ ਦਿੱਤੇ ਗਏ ਹਨ ਕਿ ਉਹ ਉਨ੍ਹਾਂ ਨੂੰ ਆਮ ਤੌਰ ‘ਤੇ ਹੀ ਚਲਾ ਸਕਦੇ ਹਨ। ਸ਼ਿਸ਼ੂਆਨ ਪ੍ਰਾਂਤ, ਜਿਸ ਕੋਲ ਇੱਕ ਵੱਡਾ ਹਾਈਡ੍ਰੋਪਾਵਰ ਜਨਰੇਟਰ ਹੈ, ਵਿੱਚ 25 ਅਗਸਤ ਤੱਕ ਇੱਕ ਨਵਾਂ ਸ਼ਡਿਊਲ ਦਿੱਤਾ ਗਿਆ ਹੈ। ਇੱਥੇ ਅੱਧੀ ਬਿਜਲੀ ਪਹਿਲਾਂ ਹੀ ਪੈਦਾ ਹੋ ਰਹੀ ਹੈ।
ਯੀਬਿਨ ਅਤੇ ਸੁਨਿੰਗ ਵਿੱਚ ਬੈਟਰੀਆਂ ਬਣਾਉਣ ਵਾਲੀਆਂ ਕੰਪਨੀਆਂ ਬਿਜਲੀ ਦੀ ਕਮੀ ਕਾਰਨ ਵੀਰਵਾਰ ਤੋਂ ਬੰਦ ਹਨ। ਇਸ ਤੋਂ ਇਲਾਵਾ ਇਸ ਪੂਰੇ ਇਲਾਕੇ ਦੀਆਂ ਕਈ ਕੰਪਨੀਆਂ ਪਿਛਲੇ ਕਈ ਦਿਨਾਂ ਤੋਂ ਬੰਦ ਪਈਆਂ ਹਨ, ਜਿਨ੍ਹਾਂ ਵਿਚ ਕੀਟਨਾਸ਼ਕ ਉਤਪਾਦਕ, ਲੇਅਰ ਕੈਮੀਕਲ ਲਿਮ. ਕਾਰ ਨਿਰਮਾਤਾ ਕੰਪਨੀ ਟੋਇਟਾ ਨੇ ਸ਼ਿਸ਼ੂਆਨ ‘ਚ ਆਪਣਾ ਸੰਚਾਲਨ ਅੰਸ਼ਕ ਤੌਰ ‘ਤੇ ਸ਼ੁਰੂ ਕਰ ਦਿੱਤਾ ਹੈ। ਇਹ ਕੰਪਨੀ ਕੰਮ ਚਲਾਉਣ ਲਈ ਜਨਰੇਟਰਾਂ ਦੀ ਮਦਦ ਵੀ ਲੈ ਰਹੀ ਹੈ।
ਕੰਪਨੀ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਬਿਜਲੀ ਦੀ ਕਿੱਲਤ ਕਾਰਨ ਪਿਛਲੇ ਪੂਰੇ ਹਫ਼ਤੇ ਤੋਂ ਕੰਮ ਠੱਪ ਪਿਆ ਸੀ। ਇੱਥੇ ਹਾਲਾਤ ਇੰਨੇ ਮਾੜੇ ਹੋ ਗਏ ਹਨ ਕਿ ਐਮਰਜੈਂਸੀ ਬਿਜਲੀ ਜਨਰੇਟਰ ਹੋਰ ਇਲਾਕਿਆਂ ਤੋਂ ਮੰਗਵਾਏ ਜਾ ਰਹੇ ਹਨ। ਇਸੇ ਤਰ੍ਹਾਂ ਸ਼ਿਸ਼ੂਆਨ ਅਤੇ ਚੋਂਗਕਿੰਗ ਸੂਬਿਆਂ ਦੀਆਂ ਕਈ ਕੰਪਨੀਆਂ ਪਿਛਲੇ ਕਈ ਦਿਨਾਂ ਤੋਂ ਬੰਦ ਹੋਣ ਤੋਂ ਬਾਅਦ ਵੀ ਅੰਸ਼ਕ ਤੌਰ ‘ਤੇ ਕੰਮ ਕਰ ਰਹੀਆਂ ਹਨ। ਇਸ ਵਿੱਚ ਦੇਸ਼ ਦੀ ਚੋਟੀ ਦੀ ਬੈਟਰੀ ਨਿਰਮਾਤਾ ਕੰਪਨੀ CATL ਅਤੇ ਇਲੈਕਟ੍ਰਿਕ ਵਾਹਨ ਪ੍ਰਮੁੱਖ BYD ਸ਼ਾਮਲ ਹੈ। ਹੁਣ ਇਹ ਕੰਪਨੀਆਂ ਆਉਣ ਵਾਲੇ ਦਿਨਾਂ ਨੂੰ ਲੈ ਕੇ ਵੀ ਚਿੰਤਤ ਹਨ।
ਸ਼ੰਘਾਈ ਡੇਲੀ ਦੀ ਰਿਪੋਰਟ ਅਨੁਸਾਰ, ਖੇਤਰ ਵਿੱਚ ਬਹੁਤ ਸਾਰੇ ਬਾਹਰੀ ਨਿਰਮਾਣ ਪ੍ਰੋਜੈਕਟ ਬਿਜਲੀ ਦੀ ਕਮੀ ਕਾਰਨ ਰੁਕੇ ਹੋਏ ਹਨ। ਲੱਖਾਂ ਹੈਕਟੇਅਰ ਖੇਤੀਯੋਗ ਜ਼ਮੀਨ ਹੁਣ ਸੋਕੇ ਦੀ ਲਪੇਟ ਵਿੱਚ ਹੈ। ਯਾਂਗਸੀ ਦੀ ਲਗਪਗ 20 ਲੱਖ ਹੈਕਟੇਅਰ ਜ਼ਮੀਨ ਵੀ ਸੋਕੇ ਦਾ ਸਾਹਮਣਾ ਕਰ ਰਹੀ ਹੈ। ਜਲ ਮੰਤਰਾਲੇ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਇਸ ਭਿਆਨਕ ਗਰਮੀ ਕਾਰਨ ਯਾਂਗਸੀ ਬੇਸਿਨ ਵੀ ਪ੍ਰਭਾਵਿਤ ਹੋਇਆ ਹੈ।