hyderabad encounter ਕੁੱਝ ਦਿਨ ਪਹਿਲਾਂ ਹੋਏ ਗੈਂਗਰੇਪ-ਕਤਲ ਮਾਮਲੇ ‘ਤੇ ਅੱਜ ਸਵੇਰੇ ਪੁਲਿਸ ਵਲੋਂ ਕੀਤੇ ਗਏ ਐਨਕਾਊਂਟਰ ਨੂੰ ਲੈਕੇ ਲੋਕਾਂ ਵੱਲੋਂ ਅਲੱਗ ਅਲੱਗ ਪ੍ਰਤੀਕਿਰਿਆ ਦੇਖਣ ਨੂੰ ਮਿਲੀ । ਲੋਕਾਂ ਵੱਲੋਂ ਘਟਨਾ ਦੀ ਥਾਂ ‘ਤੇ ਪੁਲਿਸ ਉੱਤੇ ਫੁੱਲ ਬਰਸਾਏ ਗਏ। ਐਨਕਾਊਂਟਰ ਦੀ ਖਬਰ ਮਿਲਦੇ ਹੀ ਘਟਨਾ ਸਥਾਨ ‘ਤੇ ਲੋਕਾਂ ਦਾ ਭੀੜ ਹੋਣ ਲੱਗੀ । ਹਾਲ ਇਹ ਸੀ ਕਿ ਵਧਦੀ ਭੀੜ ਨੂੰ ਸੰਭਾਲਣ ਲਈ ਪੁਲਿਸ ਵੱਲੋਂ ਵੱਡੀ ਗਿਣਤੀ ਵਿੱਚ ਫੋਰਸ ਤੈਨਾਤ ਕਰਨੀ ਪਈ ।
ਪੀੜਿਤਾ ਦੇ ਪਿਤਾ ਨੇ ਸਰਕਾਰ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਹੈ ਕਿ ਉਨ੍ਹਾਂ ਦੀ ਧੀ ਦੀ ਆਤਮਾ ਨੂੰ ਸ਼ਾਂਤੀ ਮਿਲੇਗੀ। ਭੈਣ ਨੇ ਕਿਹਾ, ” ਆਰੋਪੀਆਂ ਦਾ ਐਨਕਾਊਂਟਰ ਹੋਇਆ ਹੈ । ਮੈਂ ਇਹ ਸੁਣਕੇ ਬਹੁਤ ਖੁਸ਼ ਹਾਂ । ਇਹ ਇੱਕ ਉਦਾਹਰਣ ਹੈ । ਰੇਕਾਰਡ ਟਾਇਮ ਵਿੱਚ ਇੰਸਾਫ ਮਿਲਿਆ ਹੈ । ਮੈਂ ਉਨ੍ਹਾਂ ਲੋਕਾਂ ਲਈ ਸ਼ੁਕਰਗੁਜਾਰ ਹਾਂ , ਜੋ ਇਸ ਮੁਸ਼ਕਲ ਘੜੀ ਵਿੱਚ ਸਾਡੇ ਨਾਲ ਖੜੇ ਰਹੇ । ਇਹੀ ਨਹੀਂ ਮੌਕੇ ਉੱਤੇ ਪੁੱਜੇ ਲੋਕਾਂ ਨੇ ਏਸੀਪੀ ਜਿੰਦਾਬਾਦ ਅਤੇ ਡੀਸੀਪੀ ਜਿੰਦਾਬਾਦ ਦੇ ਨਾਅਰੇ ਵੀ ਲਗਾਏ।
