Spider Species Named Tendulkar: ਨਵੀਂ ਦਿੱਲੀ: ਸਚਿਨ ਤੇਂਦੁਲਕਰ ਜਿਨ੍ਹਾਂ ਨੂੰ ਕ੍ਰਿਕਟ ਦੇ ਸਫਲ ਖਿਡਾਰੀ ਦੇ ਤੌਰ ‘ਤੇ ਜਾਣਿਆ ਜਾਂਦਾ ਹੈ । ਸਚਿਨ ਤੇਂਦੁਲਕਰ ਦਾ ਜਾਦੂ ਖੇਡ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਵੀ ਬੋਲ ਰਿਹਾ ਹੈ । ਸਚਿਨ ਦੇ ਸੰਨਿਆਸ ਲੈਣ ਤੋਂ ਬਾਅਦ ਵੀ ਉਸ ਦੇ ਪ੍ਰਸ਼ੰਸਕਾਂ ਵਿੱਚ ਉਨ੍ਹਾਂ ਦਾ ਕ੍ਰੇਜ਼ ਘੱਟ ਨਹੀਂ ਹੋਇਆ ਹੈ ।
ਇੱਕ ਅਜਿਹਾ ਮਾਮਲਾ ਗੁਜਰਾਤ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਗੁਜਰਾਤ ਦੇ ਇੱਕ ਖੋਜਕਰਤਾ ਧਰੁਵ ਪ੍ਰਜਾਪਤੀ ਵੱਲੋਂ ਮੱਕੜੀ ਦੀਆਂ ਦੋ ਨਵੀਆਂ ਕਿਸਮਾਂ ਲੱਭੀਆਂ ਗਈਆਂ ਹਨ । ਜਿਸ ਵਿੱਚ ਉਸ ਨੇ ਮੱਕੜੀ ਦੀ ਇੱਕ ਪ੍ਰਜਾਤੀ ਦਾ ਨਾਂ ‘ਮਰੇਂਗੋ ਸਚਿਨ ਤੇਂਦੁਲਕਰ‘ ਰੱਖਿਆ ਹੈ ।
ਦਰਅਸਲ, ਧਰੁਵ ਪ੍ਰਜਾਪਤੀ ਗੁਜਰਾਤ ਦੇ ਵਾਤਾਵਰਣ ਸਿੱਖਿਆ ਤੇ ਖੋਜ ਫਾਉਂਡੇਸ਼ਨ ਨਾਲ ਜੁੜੇ ਹੋਏ ਹਨ । ਉਨ੍ਹਾਂ ਦੱਸਿਆ ਕਿ ਸਪਾਈਡਰ ਵਰਗੀਕਰਨ ਵਿੱਚ ਪੀਐਚਡੀ ਕਰਨ ਦੀ ਪ੍ਰੇਰਣਾ ਉਸ ਨੂੰ ਸਚਿਨ ਤੇਂਦੁਲਕਰ ਤੋਂ ਹੀ ਮਿਲੀ । ਜਿਸ ਕਾਰਨ ਉਸਨੇ ਸਚਿਨ ਦੇ ਸਨਮਾਨ ਵਿੱਚ ਆਪਣੀ ਸ਼ਰਧਾ ਜ਼ਾਹਿਰ ਕਰਨ ਦਾ ਵਿਲੱਖਣ ਤਰੀਕਾ ਅਪਣਾਇਆ ਹੈ ।
ਦੱਸ ਦੇਈਏ ਕਿ ਸਾਲ 2015 ਵਿੱਚ ਧੁਰਵ ਨੇ ‘ਮਰੇਂਗੋ ਸਚਿਨ ਤੇਂਦੁਲਕਰ’ ਜਾਤੀ ਨੂੰ ਖੋਜਿਆ ਸੀ. ਜਿਸ ਤੋਂ ਬਾਅਦ ਸਾਲ 2017 ਵਿੱਚ ਖੋਜ ਤੇ ਪਛਾਣ ਦਾ ਕੰਮ ਪੂਰਾ ਕੀਤਾ । ਦਰਅਸਲ, ਉਸ ਵੱਲੋਂ ਲਭੀ ਗਈ ਮੱਕੜੀ ਦੀ ਦੂਜੀ ਸਪੀਸੀਜ਼ ਦਾ ਨਾਂ ਸੰਤ ਕੁਰਿਆਕੋਸ ਇਲਿਆਸ ਚਾਵੜਾ ਵੱਲੋਂ ਪ੍ਰੇਰਿਤ ਕੀਤੀ ਗਈ ਹੈ ।
