ਨਵੀਂ ਦਿੱਲੀ: ਯੋਗ ਗੁਰੂ ਬਾਬਾ ਰਾਮਦੇਵ ਨੇ ਏਬੀਪੀ ਨਿਊਜ਼ ਨਾਲ ਨਸ਼ਿਆਂ ਤੋਂ ਛੁਟਕਾਰਾ ਪਾਉਣ ਦੇ ਉਪਾਅ ‘ਤੇ ਇਕ ਵਿਸ਼ੇਸ਼ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਅਭਿਨੇਤਰੀਆਂ ਨੂੰ ਯੋਗਾ ਕਰਨ ਦੀ ਸਲਾਹ ਦਿੰਦਿਆਂ ਕਿਹਾ, “ਬਾਲੀਵੁੱਡ ਵਿੱਚ ਯੰਗਸਟਰਸ ਸਾਰਾ ਅਲੀ ਖਾਨ, ਸ਼ਰਧਾ ਕਪੂਰ, ਦੀਪਿਕਾ ਪਾਦੂਕੋਣ ਨੂੰ ਉਲਟਾ ਲਟਕਾ ਦਿਓ। ਨਹੀਂ, ਉਨ੍ਹਾਂ ਨੂੰ ਫਾਂਸੀ ‘ਤੇ ਨਾ ਲਟਕਾਉ, ਆਪਣੇ ਹੀ ਦੇਸ਼ ਦੇ ਬੱਚੇ ਹਨ, ਕੁਝ ਰਹਿਮ ਕਰੋ। … ਸਵੇਰੇ ਉਨ੍ਹਾਂ ਨੂੰ ਉਲਟਾ ਲਟਕਾ ਕੇ ਉਨ੍ਹਾਂ ਤੋਂ ਸ਼ਿਰਸ਼ਾਸਨ ਕਰਵਾਓ। ਜਦੋਂ ਇਹ ਲੋਕ ਸਵੇਰੇ ਯੋਗਾ ਕਰਨਗੇ, ਤਾਂ ਇਹ ਨਸ਼ਾ ਨਹੀਂ ਕਰਨਗੇ। ਯੋਗਾ ਜ਼ਰੂਰੀ ਹੈ।”
ਰਾਮਦੇਵ ਨੇ ਕਿਹਾ, ‘ਸੋਚੋ ਕਿ ਅਸੀਂ ਇਕ ਵਿਅਕਤੀ ਨਹੀਂ ਹਾਂ। ਅਸੀਂ ਸਭਿਆਚਾਰ ਹਾਂ, ਅਸੀਂ ਪੂਰੇ ਭਾਰਤ ਦੀ ਨੁਮਾਇੰਦਗੀ ਕਰਦੇ ਹਾਂ। ਅਸੀਂ ਕਿਸੇ ਇੰਡਸਟਰੀ ਦੀ ਪ੍ਰਤੀਨਿਧਤਾ ਨਹੀਂ ਕਰਦੇ, ਅਸੀਂ ਇਸ ਦੇਸ਼ ਦੀਆਂ ਕਦਰਾਂ ਕੀਮਤਾਂ ਨੂੰ ਦਰਸਾਉਂਦੇ ਹਾਂ। ਲੋਕ ਤੁਹਾਨੂੰ ਆਪਣਾ ਰੋਲ ਮਾਡਲ ਮੰਨਦੇ ਹਨ, ਇਸ ਲਈ ਅਜਿਹਾ ਕੰਮ ਨਾ ਕਰੋ। ਜਿਨ੍ਹਾਂ ਨੇ ਗਲਤ ਕੰਮ ਕੀਤੇ ਹਨ ਉਨ੍ਹਾਂ ਨੂੰ ਸਜਾ ਮਿਲਣੀ ਚਾਹੀਦੀ ਹੈ, ਨਹੀਂ ਤਾਂ ਦੂਸਰੇ ਵੀ ਇਸ ਰਾਹ ‘ਤੇ ਚੱਲਣਗੇ।
ਰਾਮਦੇਵ ਦਾ ਕਹਿਣਾ ਹੈ ਕਿ ਫਿਲਮ ਇੰਡਸਟਰੀ ‘ਚ ਉਨ੍ਹਾਂ ਨੇ ਲਗਭਗ ਸਾਰੇ ਅਦਾਕਾਰਾਂ ਨੂੰ ਯੋਗਾ ਸਿਖਾਇਆ ਹੈ। ਪਰ ਇਹ ਲੋਕ ਕਦੇ-ਕਦੇ ਸੇਲੀਬ੍ਰੇਸ਼ਨ ਲਈ ਯੋਗਾ ਕਰਦੇ ਹਨ। ਬਾਲੀਵੁੱਡ ਤੋਂ ਹੇਮਾ ਮਾਲਿਨੀ ਰੋਜ਼ਾਨਾ ਯੋਗਾ ਕਰਦੀ ਹੈ, ਉਹ ਅੱਧਾ ਘੰਟਾ ਕਪਾਲਭਾਰਤੀ, ਅਨੂਲੋਮ ਵਿਲੋਮ ਕਰਦੀ ਹੈ। ਉਹ ਕੋਈ ਵੀ ਨਸ਼ਾ ਨਹੀਂ ਲੈਂਦੀ। ਅਮਿਤਾਭ ਬੱਚਨ ਨੂੰ ਵੀ ਯੋਗਾ ਸਿਖਾਇਆ ਹੈ।
