ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਅਧਿਕਾਰਤ ਟਵਿੱਟਰ ਅਕਾਊਂਟ ਨੂੰ ਹੈਕ ਕਰਨ ਤੋਂ ਬਾਅਦ ਹੈਕਰਾਂ ਨੇ ਬਿਟਕੁਆਇਨ ਨਾਲ ਸਬੰਧਤ ਟਵੀਟ ਵੀ ਕੀਤੇ। ਹਾਲਾਂਕਿ, ਇਸ ‘ਤੇ ਤੁਰੰਤ ਕਾਰਵਾਈ ਕੀਤੀ ਗਈ ਅਤੇ ਹੁਣ ਖਾਤਾ ਸੁਰੱਖਿਅਤ ਹੈ, ਇਹ ਜਾਣਕਾਰੀ ਪ੍ਰਧਾਨ ਮੰਤਰੀ ਦਫਤਰ ਨੇ ਐਤਵਾਰ ਸਵੇਰੇ ਦਿੱਤੀ। ਨਾਲ ਹੀ, ਪੀਐਮਓ ਨੇ ਟਵੀਟ ਕਰਕੇ ਕਿਹਾ ਕਿ ਉਸ ਸਮੇਂ ਕੀਤੇ ਗਏ ਟਵੀਟ ਨੂੰ ਨਜ਼ਰਅੰਦਾਜ਼ ਕਰੋ। ਅਜੇ ਤਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਪ੍ਰਧਾਨ ਮੰਤਰੀ ਮੋਦੀ ਦਾ ਨਿੱਜੀ ਟਵਿਟਰ ਹੈਂਡਲ ਕਿੰਨਾ ਸਮਾਂ ਹੈਕਰਾਂ ਦੇ ਹੱਥਾਂ ‘ਚ ਰਿਹਾ।
ਐਤਵਾਰ, 12 ਦਸੰਬਰ ਦੀ ਸਵੇਰੇ 2.11 ਵਜੇ, ਪ੍ਰਧਾਨ ਮੰਤਰੀ ਦੇ ਅਧਿਕਾਰਤ ਟਵਿੱਟਰ ਹੈਂਡਲ ਤੋਂ ਇਕ ਸਪੈਮ ਟਵੀਟ ਪੋਸਟ ਕੀਤਾ ਗਿਆ। ਟਵੀਟ ‘ਚ ਕਿਹਾ ਗਿਆ, ‘ਭਾਰਤ ਨੇ ਅਧਿਕਾਰਤ ਤੌਰ ‘ਤੇ ਬਿਟਕੁਆਇਨ ਨੂੰ ਕਾਨੂੰਨੀ ਮਨਜ਼ੂਰੀ ਦੇ ਦਿੱਤੀ ਹੈ। ਸਰਕਾਰ ਨੇ ਅਧਿਕਾਰਤ ਤੌਰ ‘ਤੇ 500 ਬਿਟਕੁਆਇਨ ਖਰੀਦੇ ਹਨ ਅਤੇ ਇਸ ਨੂੰ ਦੇਸ਼ ਦੇ ਸਾਰੇ ਨਾਗਰਿਕਾਂ ‘ਚ ਵੰਡ ਰਹੀ ਹੈ। ਜਲਦੀ ਕਰੋ ਇੰਡੀਆ… ਭਵਿੱਖ ਅੱਜ ਆਇਆ ਹੈ!’
ਸੋਸ਼ਲ ਮੀਡੀਆ ‘ਤੇ ਹਲਚਲ
ਪੀਐਮ ਮੋਦੀ ਦਾ ਖਾਤਾ ਹੋ ਸਕਦਾ ਹੈ ਤਾਂ ਸਾਡਾ ਕਿਉਂ ਨਹੀਂ… ਇਸ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਟਵਿੱਟਰ ‘ਤੇ ਵਾਇਰਲ ਹੋਈਆਂ। ਕਿਰਪਾ ਕਰਕੇ ਨੋਟ ਕਰੋ ਕਿ ਕ੍ਰਿਪਟੋਕਰੰਸੀ ਭਾਰਤ ਸਰਕਾਰ ਵੱਲੋਂ ਮਾਨਤਾ ਪ੍ਰਾਪਤ ਨਹੀਂ ਹੈ।
ਟਵਿੱਟਰ ‘ਤੇ ਪੀਐਮ ਮੋਦੀ ਦੇ 73 ਮਿਲੀਅਨ ਫਾਲੋਅਰਜ਼
ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਮੋਦੀ ਦੇ ਮਾਈਕ੍ਰੋ ਬਲਾਗਿੰਗ ਸਾਈਟ ‘ਤੇ 73 ਮਿਲੀਅਨ ਫਾਲੋਅਰਜ਼ ਹਨ। ਜਿਵੇਂ ਹੀ ਟਵਿਟਰ ਨੂੰ ਇਹ ਜਾਣਕਾਰੀ ਮਿਲੀ, ਉਸ ਨੇ ਖਾਤੇ ਨੂੰ ਸੁਰੱਖਿਅਤ ਕਰਨ ਲਈ ਜ਼ਰੂਰੀ ਕਦਮ ਚੁੱਕੇ।
2020 ‘ਚ ਵੀ ਹੋਇਆ ਸੀ ਕੁਝ ਅਜਿਹਾ ਹੀ, ਮੰਗੀ ਗਈ ਸੀ ਕ੍ਰਿਪਟੋਕਰੰਸੀ
ਧਿਆਨ ਯੋਗ ਹੈ ਕਿ ਸਤੰਬਰ 2020 ‘ਚ ਪ੍ਰਧਾਨ ਮੰਤਰੀ ਦੀ ਵੈੱਬਸਾਈਟ narendramodi.in ਦੇ ਟਵਿੱਟਰ ਅਕਾਊਂਟ ਨਾਲ ਵੀ ਅਜਿਹਾ ਹੀ ਹੋਇਆ ਸੀ ਅਤੇ ਇਸਦੇ ਫਾਲੋਅਰਜ਼ ਨੂੰ ਰਾਹਤ ਫੰਡ ‘ਚ ‘ਕ੍ਰਿਪਟੋਕਰੰਸੀ’ ਦਾਨ ਕਰਨ ਲਈ ਕਿਹਾ ਗਿਆ ਸੀ।