preity zinta birthday special :ਮਸ਼ਹੂਰ ਬਾਲੀਵੁਡ ਅਦਾਕਾਰਾ ਪ੍ਰੀਤੀ ਜ਼ਿੰਟਾ ਦਾ ਜਨਮ 31 ਜਨਵਰੀ, 1975 ਨੂੰ ਹਿਮਾਚਲ ਪ੍ਰਦੇਸ਼ ਦੇ ਸ਼ਿਮਲਾ ਵਿੱਚ ਹੋਇਆ। ਅਦਾਕਾਰਾ ਪ੍ਰਿਟੀ ਜ਼ਿੰਟਾ ਅੱਜ ਆਪਣਾ 45 ਵਾਂ ਜਨਮਦਿਨ ਮਨਾ ਰਹੀ ਹੈ।ਫਿਲਮ ਇੰਡਸਟਰੀ ‘ਚ ਡਿੰਪਲ ਗਰਲ ਦੇ ਨਾਂ ਨਾਲ ਜਾਣੀ ਜਾਂਦੀ ਪ੍ਰੀਤੀ ਜ਼ਿੰਟਾ ਇਨ੍ਹੀਂ ਦਿਨੀਂ ਫਿਲਮਾਂ ਤੋਂ ਦੂਰ ਹੈ। ਪ੍ਰੀਤੀ ਦੀ ਆਖਰੀ ਫਿਲਮ ‘ਭਈਆ ਜੀ ਸੁਪਰਹਿੱਟ’ ਸੀ।
ਹਾਲਾਂਕਿ, ਆਈਪੀਐਲ ਦੌਰਾਨ, ਉਹ ਅਕਸਰ ਆਪਣੀ ਕ੍ਰਿਕਟ ਟੀਮ ਕਿੰਗਜ਼ ਇਲੈਵਨ ਪੰਜਾਬ ਦੇ ਉਤਸ਼ਾਹ ਨੂੰ ਉਤਸ਼ਾਹਤ ਕਰਦੀ ਦਿਖਾਈ ਦਿੰਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਿਟੀ ਨੇ ਸਾਲ 2016 ‘ਚ ਆਪਣੇ ਤੋਂ 10 ਸਾਲ ਛੋਟੇ ਅਮਰੀਕਨ ਵਾਸੀ ਜੀਨ ਗੁਡਇਨੱਫ ਨਾਲ 29 ਫਰਵਰੀ ਨੂੰ ਲਾਸ ਏਂਜਲਸ ‘ਚ ਇਕ ਨਿੱਜੀ ਸੈਰੇਮਨੀ ਦੌਰਾਨ ਵਿਆਹ ਕੀਤਾ ਸੀ। ‘ਵੀਰ-ਜਾਰਾ’, ‘ਕੱਲ ਹੋ ਨਾ ਹੋ’, ‘ਕੋਈ ਮਿਲ ਗਿਆ’, ‘ਕਭੀ ਅਲਵਿਦਾ ਨਾ ਕਹਿਨਾ’ ਫਿਲਮਾਂ ਵਿੱਚ ਨਜ਼ਰ ਆਈ ਬਾਲੀਵੁੱਡ ਅਦਾਕਾਰਾ ਪ੍ਰੀਤੀ ਜਿੰਟਾ ਆਪਣੀਆਂ ਗੱਲਾਂ ਦੇ ਖੂਬਸੂਰਤ ਡਿੰਪਲ ਅਤੇ ਮਾਸੂਮ ਚਿਹਰੇ ਤੋਂ ਸਾਰਿਆਂ ਨੂੰ ਆਪਣਾ ਦੀਵਾਨਾ ਬਣਾ ਚੁੱਕੀ ਹੈ।
ਉਨ੍ਹਾਂ ਨੇ ਬਾਲੀਵੁੱਡ ਨੂੰ ਕਈ ਚੰਗੀਆਂ ਫਿਲਮਾਂ ਦਿੱਤੀਆਂ ਹਨ। ਉਹ ਤੇਲੁਗੂ, ਤਮਿਲ ਅਤੇ ਪੰਜਾਬੀ ਫਿਲਮ-ਉਦਯੋਗ ਦਾ ਮਸ਼ਹੂਰ ਨਾਮ ਹੈ। ਉਨ੍ਹਾਂ ਨੂੰ ਉਨ੍ਹਾਂ ਦੀ ਪਹਿਲੀ ਫਿਲਮ ‘ਦਿਲ ਸੇ’ ਲਈ ਬਤੋਰ ਬੈਸਟ ਡੈਬਿਊ ਅਦਾਕਾਰਾ ਲਈ ਫਿਲਮਫੇਅਰ ਐਵਾਰਡ ਤੋਂ ਨਵਾਜਿਆ ਗਿਆ ਸੀ।ਇਸ ਤੋਂ ਬਾਅਦ ਸਾਲ 2003 ਵਿੱਚ ਉਨ੍ਹਾਂ ਨੂੰ ਫਿਲਮ ‘ਕੱਲ ਹੋ ਨਾ ਹੋ’ ਲਈ ਫਿਲਮਫੇਅਰ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਉਨ੍ਹਾਂ ਦੀ ਮਾਂ ਦਾ ਨਾਮ ਨੀਲਪ੍ਰਭਾ ਸੀ।
ਉਨ੍ਹਾਂ ਦੇ ਪਿਤਾ ਦੁਰਗਾਨੰਦ ਜਿੰਟਾ ਫੌਜੀ ਅਧਿਕਾਰੀ ਸਨ ਪਰ ਪ੍ਰੀਤੀ ਜਦੋਂ 13 ਸਾਲ ਦੀ ਸੀ, ਉਸੀ ਸਮੇਂ ਪਿਤਾ ਦਾ ਸਾਥ ਛੁੱਟ ਗਿਆ। ਦੱਸ ਦੇਈਏ ਕਿ ਦੋਹਾਂ ਦਾ ਵਿਆਹ ਗੁੱਪ-ਚੁੱਪ ਤਰੀਕੇ ਨਾਲ ਹੋਇਆ ਸੀ। ਵੈਡਿੰਗ ਦੀਆਂ ਤਸਵੀਰਾਂ ਵਿਆਹ ਤੋਂ ਲਗਭਗ 6 ਮਹੀਨਿਆਂ ਬਾਅਦ ਮੀਡੀਆ ‘ਚ ਆਈਆਂ ਸਨ।ਰਿਪੋਰਟਸ ਮੁਤਾਬਕ, ਪ੍ਰਿਟੀ ਤੇ ਜੀਨ ਦੀ ਪਹਿਲੀ ਮੁਲਾਕਾਤ ਕੁਝ ਸਾਲਾਂ ਪਹਿਲਾਂ ਅਮਰੀਕਾ ਦੇ ਇਕ ਟ੍ਰਿਪ ਦੌਰਾਨ ਹੋਈ ਸੀ। ਜੀਨ ਹਮੇਸ਼ਾ ਪ੍ਰਿਟੀ ਨੂੰ ਸੁਪੋਰਟ ਕਰਦੇ ਹਨ। 2015 ‘ਚ ਆਈ. ਪੀ. ਐੱਲ. ਫਾਈਨਲ ਦੌਰਾਨ ਵੀ ਉਹ ਪ੍ਰਿਟੀ ਨਾਲ ਸਨ। ਬਾਅਦ ‘ਚ ਦੋਵੇਂ ਅਮਰੀਕਾ ਲਈ ਰਵਾਨਾ ਹੋ ਗਏ ਸਨ। ਦੋਹਾਂ ਨੇ ਲੰਬੇ ਸਮੇਂ ਤੱਕ ਇਕ-ਦੂਜੇ ਨੂੰ ਡੇਟ ਕੀਤਾ ਸੀ।