Julian Assange health 60 doctorsਲੰਡਨ: ਅਮਰੀਕਾ ਜੇਲ ਦੇ ਕੈਦੀ ਵਿਕੀਲੀਕਸ ਦੇ ਸੰਸਥਾਪਕ ਜੂਲੀਅਨ ਅਸਾਂਜੇ ਦੀ ਸਿਹਤ ਨੂੰ ਲੈ ਕੇ 60 ਤੋਂ ਵੱਧ ਡਾਕਟਰਾਂ ਨੇ ਗ੍ਰਹਿ ਸਕੱਤਰ ਪ੍ਰੀਤੀ ਪਟੇਲ ਅਤੇ ਬ੍ਰਿਟੇਨ ਦੇ ਗ੍ਰਹਿ ਮੰਤਰਾਲੇ ਨੂੰ 16 ਪੇਜਾਂ ਦੀ ਇਕ ਖੁੱਲੀ ਚਿੱਠੀ ਲਿਖੀ ਹੈ। ਚਿੱਠੀ ਵਿਚ ਜੂਲੀਅਨ ਅਸਾਂਜੇ ਦੀ ਨਾਜੁਕ ਹਾਲਤ ਨੂੰ ਲੈ ਕੇ ਚਿੰਤਾ ਜ਼ਾਹਰ ਕਰਦਿਆਂ ਉਸ ਦੇ ਬ੍ਰਿਟੇਨ ਦੀ ਜੇਲ ਵਿਚ ਦਮ ਤੋੜ ਦੇਣ ਦਾ ਖਦਸ਼ਾ ਜ਼ਾਹਰ ਕੀਤਾ ਗਿਆ ਹੈ। ਕਿਉਂਕਿ ਅਸਾਂਜੇ ਜਾਸੂਸੀ ਐਕਟ ਦੇ ਤਹਿਤ ਦੋਸ਼ੀ ਪਾਏ ਗਏ ਸਨ।
ਇਸ ਲਈ ਉਨ੍ਹਾਂ ਨੂੰ ਅਮਰੀਕੀ ਜੇਲ ਵਿਚ 175 ਸਾਲ ਰਹਿਣਾ ਪੈ ਸਕਦਾ ਹੈ। ਫਿਲਹਾਲ ਇਨ੍ਹਾਂ ਦੋਸ਼ਾਂ ਵਿਚ ਅਮਰੀਕਾ ਦੇ ਹਵਾਲੇ ਕੀਤੇ ਜਾਣ ਦੇ ਮੰਗ ਦੇ ਵਿਰੁੱਧ ਉਹ ਕਾਨੂੰਨੀ ਲੜਾਈ ਲੜ ਰਹੇ ਹਨ।
ਡਾਕਟਰਾਂ ਨੇ ਚਿੱਠੀ ਵਿਚ ਅਸਾਂਜੇ ਨੂੰ ਦੱਖਣ-ਪੂਰਬ ਲੰਡਨ ਦੀ ਬੇਲਮਾਰਸ਼ ਜੇਲ ਤੋਂ ਯੂਨੀਵਰਸਿਟੀ ਟੀਚਿੰਗ ਹਸਪਤਾਲ ਵਿਚ ਭਰਤੀ ਕਰਾਉਣ ਦੀ ਅਪੀਲ ਕੀਤੀ ਹੈ। ਇੱਥੇ ਦੱਸ ਦਈਏ ਕਿ ਲੰਡਨ ਵਿਚ 21 ਅਕਤੂਬਰ ਨੂੰ ਅਸਾਂਜੇ ਦੀ ਅਦਾਲਤ ਵਿਚ ਪੇਸ਼ੀ ਸਬੰਧੀ ਇਕ ਨਵੰਬਰ ਨੂੰ ਜਾਰੀ ਹੋਈ ਮਿਲਜ਼ ਮੇਲਜਰ ਦੀ ਰਿਪੋਰਟ ਦੇ ਆਧਾਰ ‘ਤੇ ਡਾਕਟਰ ਇਸ ਨਤੀਜੇ ‘ਤੇ ਪਹੁੰਚੇ ਹਨ। ਇਸ ਪ੍ਰਸੰਗ ਵਿਚ ਸੰਯੁਕਤ ਰਾਸ਼ਟਰ ਮਨੁੱਖੀ ਅਧਿਕਾਰ ਦੇ ਸੁਤੰਤਰ ਮਾਹਰ ਨੇ ਕਿਹਾ ਕਿ ਅਸਾਂਜੇ ਨੂੰ ਜਿਸ ਤਰ੍ਹਾਂ ਪਰੇਸ਼ਾਨ ਕੀਤਾ ਜਾ ਰਿਹਾ ਹੈ ਉਹ ਉਨ੍ਹਾਂ ਲਈ ਜਾਨਲੇਵਾ ਹੋ ਸਕਦਾ ਹੈ। ਚਿੱਠੀ ਵਿਚ ਡਾਕਟਰਾਂ ਨੇ ਲਿਖਿਆ,”ਅਸੀਂ ਡਾਕਟਰ ਦੇ ਤੌਰ ‘ਤੇ ਇਹ ਚਿੱਠੀ ਜੂਲੀਅਨ ਅਸਾਂਜੇ ਦੇ ਸਰੀਰਕ ਅਤੇ ਮਾਨਸਿਕ ਸਿਹਤ ਦੇ ਬਾਰੇ ਵਿਚ ਆਪਣੀਆਂ ਗੰਭੀਰ ਚਿੰਤਾਵਾਂ ਨੂੰ ਜ਼ਾਹਰ ਕਰਨ ਲਈ ਲਿਖੀ ਹੈ।” ਡਾਕਟਰਾਂ ਮੁਤਾਬਕ ਅਸਾਂਜੇ ਨੂੰ ਤੁਰੰਤ ਮਾਹਰ ਡਾਕਟਰ ਦੀ ਲੋੜ ਹੈ।
