ਜਾਣੋ-ਛੇ ਘੰਟੇ ਕਿਉਂ ਠੱਪ ਰਿਹਾ ਵ੍ਹੱਟਸਐਪ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ, ਕੀ ਯੂਜ਼ਰਸ ਦਾ ਡਾਟਾ ਹੋਇਆ ਲੀਕ?

ਜ਼ੁਕਰਬਰਗ ਨੇ ਫੇਸਬੁੱਕ ਦੀ ਸੇਵਾ ਆਮ ਹੋਣ ’ਤੇ ਲਿਖਿਆ, ‘ਹੁਣ ਸਾਰੀਆਂ ਸੇਵਾਵਾਂ ਆਮ ਹੋ ਚੁੱਕੀਆਂ ਹਨ। ਅਸੁਵਿਧਾ ਲਈ ਖੇਦ ਹੈ। ਸਾਨੂੰ ਅਹਿਸਾਸ ਹੈ ਕਿ ਤੁਸੀਂ ਸਾਡੀਆਂ ਸੇਵਾਵਾਂ ’ਤੇ ਵਿਸ਼ਵਾਸ ਕਰਦੇ ਹੋ ਅਤੇ ਆਪਣਿਆਂ ਨਾਲ ਜੁੜੇ ਰਹਿਣ ਲਈ ਇਨ੍ਹਾਂ ਦੀ ਵਰਤੋਂ ਕਰਦੇ ਹੋ।’ ਇਸ ਤੋਂ ਪਹਿਲਾਂ ਸੇਵਾਵਾਂ ਰੁਕਣ ’ਤੇ ਭਾਰਤੀ-ਅਮਰੀਕੀ ਅਧਿਕਾਰੀਆਂ ਨੇ ਇਕ ਬਿਆਨ ’ਚ ਕਿਹਾ, ‘ਅਸੀਂ ਇਹ ਸਮਝਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ ਕਿ ਕੀ ਪਰੇਸ਼ਾਨੀ ਆਈ ਹੈ ਅਤੇ ਵੁਸ ਦੇ ਅਨੁਸਾਰ ਸੇਵਾਵਾਂ ’ਚ ਸੁਧਾਰ ਕਰਾਂਗੇ।’ ਫੇਸਬੁੱਕ ਦੀ ਮਾਲਕੀ ਵਾਲੀਆਂ ਸੇਵਾਵਾਂ, ਜਿਨ੍ਹਾਂ ’ਚ ਇੰਸਟਾਗ੍ਰਾਮ, ਵ੍ਹੱਟਸਐਪ, ਤੇ ਮੈਸੰਜਰ ਸ਼ਾਮਲ ਹਨ, ਦਾ ਲੋਕ ਸਮਾਰਟਫੋਨ ਤੇ ਇੰਟਰਨੈੱਟ ’ਤੇ ਉਪਯੋਗ ਨਹੀਂ ਕਰ ਰਹੇ ਸਨ। ਵ੍ਹੱਟਸਐਪ ਤੋਂ ਵੀਡੀਓ ਤੇ ਵਾਇਸ ਕਾਲ ’ਚ ਦਿੱਕਤ ਆਉਣ ਦੇ ਨਾਲ-ਨਾਲ ਟੈਸਟ ਮੈਸੇਜ ਦਾ ਵੀ ਜ਼ਿਆਦਾ ਲੈਣ-ਦੇਣ ਨਹੀਂ ਹੋ ਪਾ ਰਿਹਾ ਸੀ।

       ਨਿਊਯਾਰਕ ਟਾਈਮਜ਼ ਨੇ ਲਿਖਿਆ, ‘ਦੁਨੀਆ ਦੀ ਸਭ ਤੋਂ ਵੱਡੀ ਇੰਟਰਨੈੱਟ ਮੀਡੀਆ ਕੰਪਨੀ ’ਚ ਇਸ ਤਰ੍ਹਾਂ ਦੀ ਰੁਕਾਵਟ ਆਉਣੀ ਅਸਾਧਾਰਨ ਹੈ। ਦੁਨੀਆ ਭਰ ’ਚ 3.5 ਅਰਬ ਤੋਂ ਜ਼ਿਆਦਾ ਲੋਕ ਫੇਸਬੁੱਕ ਤੇ ਕੰਪਨੀ ਦੇ ਹੋਰ ਐਪਜ਼ ਦੀ ਵਰਤੋਂ ਗੱਲਬਾਤ ਅਤੇ ਕਾਰੋਬਾਰ ਚਲਾਉਣ ਲਈ ਕਰਦੇ ਹਨ।’ ਵਾਲ ਸਟਰੀਟ ਜਨਰਲ ਅਨੁਸਾਰ, ਫੇਸਬੁੱਕ ਦੀਆਂ ਸੇਵਾਵਾਂ ਜਦੋਂ ਰੁਕੀਆਂ ਸਨ, ਉਦੋਂ ਉਸ ਦੇ ਕਰਮਚਾਰੀ ਜੂਮ ਦੇ ਜ਼ਰੀਏ ਸੰਪਰਕ ’ਚ ਸਨ। ਏਐੱਨਆਈ ਅਨੁਸਾਰ, ਇੰਟਰਨੈੱਟ ’ਤੇ ਆਉਣ ਵਾਲੀਆਂ ਦਿੱਕਤਾਂ ਦੀ ਨਿਗਰਾਨੀ ਕਰਨ ਵਾਲੀ ਵੈਬਸਾਈਟ ਡਾਊਨਡਿਟੇਕਟਰ ਨੇ ਇਸ ਨੂੰ ਫੇਸਬੁੱਕ ਦੀ ਹੁਣ ਤਕ ਦੀ ਸਭ ਤੋਂ ਵੱਡੀ ਤਕਨੀਕੀ ਰੁਕਾਵਟ ਕਰਾਰ ਦਿੱਤਾ ਹੈ। ਉਸ ਨੇ ਕਿਹਾ ਕਿ ਦੁਨੀਆਭਰ ’ਚ ਲੋਕਾਂ ਨੇ 1.06 ਕਰੋੜ ਤੋਂ ਜ਼ਿਆਦਾ ਸਿਕਾਇਤਾਂ ਦਰਜ ਕਰਵਾਈਆਂ। ਅਮਰੀਕਾ ’ਚ ਸਭ ਤੋਂ ਜ਼ਿਆਦਾ 17 ਲੱਖ ਸ਼ਿਕਾਇਤਾਂ ਸਾਹਮਣੇ ਆਈਆਂ।

ਕੰਪਨੀ ਨੂੰ ਹਰ ਘੰਟੇ 5.45 ਲੱੱਖ ਡਾਲਰ ਦਾ ਨੁਕਸਾਨ

ਰਾਇਟਰ ਨੇ ਇਸ਼ਤਿਆਰਾਂ ’ਤੇ ਨਜ਼ਰ ਰੱਖਣ ਵਾਲੀ ਕੰਪਨੀ ਸਟੈਂਡਰਡ ਮੀਡੀਆ ਇੰਡੈਕਸ ਦੇ ਹਵਾਲੇ ਨਾਲ ਦੱਸਆ ਕਿ ਗੂਗਲ ਤੋਂ ਬਾਅਦ ਦੁਨੀਆ ਦੀ ਸਭ ਤੋਂ ਵੱਡੀ ਆਨਲਾਈਨ ਇਸ਼ਤਿਹਾਰ ਏਜੰਸੀ ਫੇਸਬੁੱਕ ਨੂੰ ਇਸ ਤਕਨੀਕੀ ਦਿੱਕਤ ਕਾਰਨ ਹਰ ਘੰਟੇ ਕਰੀਬ 5.45 ਲੱਖ ਡਾਲਰ (ਕਰੀਬ 406.2 ਲੱਖ ਰੁਪਏ) ਦਾ ਨੁਕਸਾਨ ਹੋਇਆ। ਆਈਏਐੱਨਐੱਸ ਅਨੁਸਾਰ, ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਦੂਜੀ ਤਿਮਾਹੀ ’ਚ ਫੇਸਬੁੱਕ ਦੇ ਇਸ਼ਤਿਹਾਰ ਮਾਲੀਆ ’ਚ 47 ਫ਼ੀਸਦੀ ਭਾਵ 28 ਅਰਬ ਡਾਲਰ ਦਾ ਲਾਭ ਹੋਇਆ ਸੀ। ਇਸ ਤਕਨੀਕੀ ਦਿੱਕਤ ਕਾਰਨ ਉਸ ਦੇ ਮਾਲੀਆ ’ਚ ਤਾਂ ਗਿਰਾਵਟ ਆਈ ਹੀ ਹੈ, ਉਸ ਦੇ ਬ੍ਰਾਂਡ ਵੈਲਿਊ ’ਤੇ ਵੀ ਵੱਡਾ ਪ੍ਰਭਾਵ ਪਿਆ ਹੈ।