Cold Cough reason: ਸਰਦੀਆਂ ਵਿੱਚ ਅਕਸਰ ਲੋਕ ਲੰਬੇ ਸਮੇਂ ਤੋਂ ਚੱਲੇ ਆ ਰਹੇ ਸਰਦੀ-ਜ਼ੁਕਾਮ ਤੋਂ ਪ੍ਰੇਸ਼ਾਨ ਰਹਿੰਦੇ ਹਨ। ਕੁਝ ਲੋਕ ਬਹੁਤ ਸਾਰੀਆਂ ਦਵਾਈਆਂ ਲੈਣ ਦੇ ਬਾਵਜੂਦ ਇਸ ਤੋਂ ਛੁਟਕਾਰਾ ਨਹੀਂ ਪਾ ਪਾਉਂਦੇ। ਸਰਦੀ ਜ਼ੁਕਾਮ ਨਾ ਠੀਕ ਹੋਣ ਦੇ ਕਈ ਕਾਰਨ ਹੋ ਸਕਦੇ ਹਨ, ਜਿਵੇਂ ਕਿ ਬਿਨ੍ਹਾਂ ਮੂੰਹ ਜਾਂ ਸਿਰ ਢੱਕੇ ਘਰ ਤੋਂ ਬਾਹਰ ਨਿਕਲਣਾ, ਜਾਂ ਠੰਡ ਵਿਚ ਗਰਮ ਚੀਜ਼ਾਂ ਦੀ ਬਜਾਏ ਠੰਡੀਆਂ ਚੀਜ਼ਾਂ ਦਾ ਸੇਵਨ ਕਰਨਾ। ਪਰ ਇਸ ਸਭ ਤੋਂ ਇਲਾਵਾ ਵੀ ਸਰਦੀ ਅਤੇ ਜ਼ੁਕਾਮ ਹੋਣ ਦੇ ਹੋਰ ਵੀ ਕਈ ਕਾਰਨ ਹੋ ਸਕਦੇ ਹਨ, ਜਿਵੇਂ ਕਿ…
7 ਤੋਂ 8 ਘੰਟੇ ਦੀ ਨੀਂਦ
ਰਾਤ ਨੂੰ ਚੰਗੀ ਨੀਂਦ ਲੈਣ ਦੇ ਬਹੁਤ ਸਾਰੇ ਫਾਇਦੇ ਹੁੰਦੇ ਹਨ। ਇਸ ਨਾਲ ਨਾ ਸਿਰਫ ਤੁਹਾਡੇ ਸਰੀਰ ਨੂੰ ਆਰਾਮ ਮਿਲਦਾ ਹੈ ਬਲਕਿ ਤੁਹਾਡੀ ਇਮਿਉਨਿਟੀ ਨੂੰ ਵੀ ਮਜ਼ਬੂਤ ਕਰਦਾ ਹੈ। ਜੇ ਤੁਸੀਂ ਸਰਦੀਆਂ ਵਿਚ ਜ਼ੁਕਾਮ ਅਤੇ ਖੰਘ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਚੰਗੀ ਅਤੇ ਸੰਪੂਰਨ ਨੀਂਦ ਲੈਣਾ ਬਹੁਤ ਜ਼ਰੂਰੀ ਹੈ। ਅੱਜ ਕੱਲ ਜ਼ਿਆਦਾਤਰ ਲੋਕ ਦੇਰ ਰਾਤ ਤੱਕ ਮੋਬਾਈਲ ਫੋਨਾਂ ‘ਤੇ ਲੱਗੇ ਰਹਿੰਦੇ ਹਨ, ਜਿਸ ਕਾਰਨ ਉਹ ਆਪਣੀ ਨੀਂਦ ਪੂਰੀ ਨਹੀਂ ਕਰ ਪਾਉਂਦੇ। ਜਿੱਥੇ ਇਸ ਦਾ ਅਸਰ ਤੁਹਾਡੀਆਂ ਅੱਖਾਂ ‘ਤੇ ਪੈਂਦਾ ਹੈ, ਉੱਥੇ ਹੀ ਇਸ ਨਾਲ ਤੁਹਾਡਾ ਇਮਿਉਨ ਸਿਸਟਮ ਵੀਕ ਹੁੰਦਾ ਹੈ, ਜਿਸ ਦੇ ਕਾਰਨ ਤੁਸੀਂ ਜਲਦੀ ਹੀ ਸਰਦੀ-ਜ਼ੁਕਾਮ ਵਰਗੀਆਂ ਸਮੱਸਿਆ ਦੀ ਲਪੇਟ ‘ਚ ਆ ਜਾਂਦੇ ਹੋ।
ਡਾਈਟ
ਸਿਹਤਮੰਦ ਖੁਰਾਕ ਸਰਦੀਆਂ ‘ਚ ਤੁਹਾਨੂੰ ਜ਼ੁਕਾਮ-ਖੰਘ ਦੀ ਸਮੱਸਿਆ ਤੋਂ ਵੀ ਬਚਾ ਸਕਦੀ ਹੈ। ਆਪਣੇ ਆਪ ਨੂੰ ਅਤੇ ਬੱਚਿਆਂ ਨੂੰ ਜਿੰਨਾ ਸੰਭਵ ਹੋ ਸਕੇ ਚਿਪਸ, ਚਾਕਲੇਟ, ਕੌਫੀ ਵਰਗੀਆਂ ਚੀਜ਼ਾਂ ਤੋਂ ਦੂਰ ਰੱਖਣ ਦੀ ਕੋਸ਼ਿਸ਼ ਕਰੋ। ਗਰਮ-ਗਰਮ ਕੌਫੀ ਸਰਦੀਆਂ ਵਿਚ ਵਧੀਆ ਸੁਆਦ ਦੇ ਸਕਦੀ ਹੈ, ਪਰ ਇਸ ਦੀ ਹਰ ਰੋਜ਼ ਵਰਤੋਂ ਤੁਹਾਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਕੌਫ਼ੀ ਨੂੰ ਬਿਲਕੁਲ ਨਹੀਂ ਪੀਣਾ ਚਾਹੀਦਾ. ਇਹ ਤੁਹਾਡੀ ਨੀਂਦ ਨੂੰ ਪ੍ਰਭਾਵਤ ਕਰਦਾ ਹੈ। ਠੰਡ ਨੂੰ ਘਟਾਉਣ ਲਈ ਚਾਹ ਜਾਂ ਦੁੱਧ ਪੀਣ ਨੂੰ ਪਹਿਲ ਦਿਓ।
ਘੱਟ ਪਾਣੀ ਪੀਣਾ
ਜ਼ਿਆਦਾਤਰ ਲੋਕ ਸਰਦੀਆਂ ਦੇ ਆਉਂਦੇ ਹੀ ਪਾਣੀ ਪੀਣਾ ਬੰਦ ਕਰ ਦਿੰਦੇ ਹਨ। ਪਰ ਅਜਿਹਾ ਕਰਨ ਨਾਲ ਜਿਥੇ ਤੁਹਾਡੀ ਸਕਿਨ ਦੀ ਨਮੀ ਗੁਆਚਦੀ ਹੈ, ਉਥੇ ਤੁਹਾਡਾ ਇਮਿਉਨ ਸਿਸਟਮ ਵੀ ਕਮਜ਼ੋਰ ਹੋ ਜਾਂਦਾ ਹੈ। ਜਿਸ ਕਾਰਨ ਤੁਸੀਂ ਜਲਦੀ ਹੀ ਠੰਡ ਅਤੇ ਜ਼ੁਕਾਮ ਦੇ ਸ਼ਿਕਾਰ ਹੋ ਜਾਂਦੇ ਹੋ। ਜ਼ੁਕਾਮ ਅਤੇ ਖ਼ੰਘ ਤੋਂ ਬਚਣ ਲਈ ਵੱਧ ਤੋਂ ਵੱਧ ਪਾਣੀ ਪੀਓ, ਕੋਸੇ ਪਾਣੀ ਦਾ ਜ਼ਿਆਦਾ ਤੋਂ ਜ਼ਿਆਦਾ ਸੇਵਨ ਕਰੋ। ਕਿਉਂਕਿ ਇਸ ਦੇ ਕਾਰਨ ਸਰਦੀ ਘੱਟ ਹੋਵੇਗੀ ਅਤੇ ਸਰਦੀਆਂ ‘ਚ ਤੁਹਾਡਾ ਭਾਰ ਨਹੀਂ ਵਧੇਗਾ।