ਯੂਐਸ ਫੈਡਰਲ ਇਮੀਗ੍ਰੇਸ਼ਨ ਏਜੰਸੀ ਨੇ ਐਲਾਨ ਕੀਤਾ ਹੈ ਕਿ ਵਿੱਤੀ ਸਾਲ 2024 ਲਈ ਚਿਰੋਕਣੇ ਉਡੀਕੇ ਜਾ ਰਹੇ ਐਚ-1ਬੀ ਵੀਜ਼ਾ (H1-B Visa) ਲਈ ਬੇਤਰਤੀਬ ਲਾਟਰੀ ਚੋਣ ਦਾ ਦੂਜਾ ਦੌਰ ਜਲਦੀ ਸ਼ੁਰੂ ਹੋਵੇਗਾ। ਇਸ ਫੈਸਲੇ ਨਾਲ ਭਾਰਤੀ ਪੇਸ਼ੇਵਰਾਂ ਨੂੰ ਕਾਫੀ ਫਾਇਦਾ ਹੋ ਸਕਦਾ ਹੈ।
ਯੂਐਸ ਸਿਟੀਜ਼ਨਸ਼ਿਪ ਐਂਡ ਇਮੀਗ੍ਰੇਸ਼ਨ ਸਰਵਿਸਿਜ਼ (USCIS) ਨੇ ਵੀਰਵਾਰ ਨੂੰ ਕਿਹਾ ਕਿ ਉਹ ਬੇਤਰਤੀਬ ਚੋਣ ਪ੍ਰਕਿਰਿਆ ਦੀ ਵਰਤੋਂ ਕਰਦੇ ਹੋਏ ਪਹਿਲਾਂ ਜਮ੍ਹਾ ਇਲੈਕਟ੍ਰਾਨਿਕ ਰਜਿਸਟ੍ਰੇਸ਼ਨਾਂ ਤੋਂ ਵਾਧੂ ਰਜਿਸਟ੍ਰੇਸ਼ਨਾਂ ਦੀ ਚੋਣ ਕਰੇਗੀ।
ਪਹਿਲਾਂ ਹੋਵੇਗੀ ਇਲੈਕਟ੍ਰਾਨਿਕ ਰਜਿਸਟ੍ਰੇਸ਼ਨਾਂ ਦੀ ਚੋਣ
ਮਾਰਚ ਵਿਚ USCIS ਨੇ ਵਿੱਤੀ ਸਾਲ (FY) 2024 H-1B ਕੈਪ ਲਈ ਢੁਕਵੇਂ ਰੂਪ ‘ਚ ਪੇਸ਼ ਕੀਤੇ ਇਲੈਕਟ੍ਰਾਨਿਕ ਰਜਿਸਟ੍ਰੇਸ਼ਨਾਂ ਦੀ ਸ਼ੁਰੂਆਤੀ ਚੋਣ ਕੀਤੀ। ਇਸ ਵਿਚ ਐਡਵਾਂਸ ਡਿਗਰੀ ਛੋਟ ਲਈ ਯੋਗ ਲਾਭਪਾਤਰੀ ਵੀ ਸ਼ਾਮਲ ਸਨ। ਵਿੱਤੀ ਵਰ੍ਹੇ 2024 ਲਈ ਸਿਲੈਕਟਿਡ ਰਜਿਸਟ੍ਰੇਸ਼ਨ ਵਾਲੇ ਸਿਰਫ਼ ਉਹੀ ਪਟੀਸ਼ਨਰ H-1B ਬੀ ਕੈਪ-ਵਿਸ਼ਾ ਅਰਜ਼ੀ ਦਾਇਰ ਕਰਨ ਦੇ ਯੋਗ ਹਨ।
ਵਿਦੇਸ਼ੀ ਕਾਮਿਆਂ ਨੂੰ ਰੁਜ਼ਗਾਰ ਦੇਣ ਲਈ ਨਿਰਭਰ
FY 2024 ਲਈ ਸਿਲੈਕਟ੍ਰਿਡ ਰਜਿਸਟ੍ਰੇਸ਼ਨਾਂ ਵਾਲੇ ਲੋਕਾਂ ਲਈ ਸ਼ੁਰੂਆਤੀ ਫਾਈਲਿੰਗ ਦੀ ਮਿਆਦ 1 ਅਪ੍ਰੈਲ, 2023 ਤੋਂ 30 ਜੂਨ, 2023 ਤਕ ਸੀ। H-1B ਵੀਜ਼ਾ ਇਕ ਗੈਰ-ਪ੍ਰਵਾਸੀ ਵੀਜ਼ਾ ਹੈ ਜੋ ਅਮਰੀਕੀ ਕੰਪਨੀਆਂ ਨੂੰ ਵਿਸ਼ੇਸ਼ ਕਿੱਤਿਆਂ ‘ਚ ਵਿਦੇਸ਼ੀ ਕਾਮਿਆਂ ਨੂੰ ਨਿਯੁਕਤ ਕਰਨ ਦੀ ਇਜਾਜ਼ਤ ਦਿੰਦਾ ਹੈ ਜਿਨ੍ਹਾਂ ਲਈ ਸਿਧਾਂਤਕ ਜਾਂ ਤਕਨੀਕੀ ਮੁਹਾਰਤ ਦੀ ਲੋੜ ਹੁੰਦੀ ਹੈ। ਤਕਨਾਲੋਜੀ ਕੰਪਨੀਆਂ ਭਾਰਤ ਅਤੇ ਚੀਨ ਵਰਗੇ ਦੇਸ਼ਾਂ ਤੋਂ ਹਰ ਸਾਲ ਹਜ਼ਾਰਾਂ ਮੁਲਾਜ਼ਮਾਂ ਨੂੰ ਨੌਕਰੀ ‘ਤੇ ਰੱਖਣ ਲਈ ਇਸ ਵੀਜ਼ੇ ‘ਤੇ ਨਿਰਭਰ ਰਹਿੰਦੀਆਂ ਹਨ
USCIS ਵੱਲੋਂ ਜਾਰੀ ਹੋਇਆ ਬਿਆਨ
USCIS ਨੇ ਇਕ ਬਿਆਨ ਵਿਚ ਕਿਹਾ, “ਅਸੀਂ ਹਾਲ ਹੀ ‘ਚ ਇਹ ਨਿਰਧਾਰਤ ਕੀਤਾ ਹੈ ਕਿ ਸਾਨੂੰ ਵਿੱਤੀ ਸਾਲ 2024 ਸੰਖਿਆਤਮਕ ਵੰਡ ਤਕ ਪਹੁੰਚਣ ਲਈ ਵਾਧੂ ਰਜਿਸਟ੍ਰੇਸ਼ਨਾਂ ਦੀ ਚੋਣ ਕਰਨ ਦੀ ਲੋੜ ਹੋਵੇਗੀ। ਇਲੈਕਟ੍ਰਾਨਿਕ ਰਜਿਸਟ੍ਰੇਸ਼ਨਾਂ ਤੋਂ ਵਾਧੂ ਰਜਿਸਟ੍ਰੇਸ਼ਨਾਂ ਦੀ ਚੋਣ ਕਰਾਂਗੇ।”
ਬਿਆਨ ਵਿਚ ਕਿਹਾ ਗਿਆ, ‘ਇਕ ਵਾਰ ਜਦੋਂ ਅਸੀਂ ਇਸ ਦੂਜੀ ਚੋਣ ਪ੍ਰਕਿਰਿਆ ਨੂੰ ਪੂਰਾ ਕਰ ਲੈਂਦੇ ਹਾਂ ਤੇ ਚੋਣ ਦੇ ਇਸ ਦੌਰ ‘ਚੋਂ ਸਿਲੈਕਟਿਡ ਰਜਿਸਟ੍ਰੇਸ਼ਨਾਂ ਵਾਲੇ ਸਾਰੇ ਸੰਭਾਵੀ ਪਟੀਸ਼ਨਰਾਂ ਨੂੰ ਸੂਚਿਤ ਕਰਦੇ ਹਾਂ ਤਾਂ ਅਸੀਂ ਐਲਾਨ ਕਰਾਂਗੇ ਕਿ ਉਹ ਲਾਗੂ ਸਿਲੈਕਟਿਡ ਰਜਿਸਟ੍ਰੇਸ਼ਨ ‘ਚ ਨਾਮਜ਼ਦ ਲਾਭਪਾਤਰੀ ਲਈ H-1B ਲਈ ਅਰਜ਼ੀ ਦੇਣ ਦੇ ਯੋਗ ਹੋਣਗੇ’। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸਿਲੈਕਟਿਡ ਰਜਿਸਟ੍ਰੇਸ਼ਨ ਵਾਲੇ ਲੋਕਾਂ ਦੇ ਖਾਤੇ ਸਿਲੈਕਟ ਨੋਟਿਸ ਨੂੰ ਸ਼ਾਮਲ ਕਰਨ ਲਈ ਉਨ੍ਹਾਂ ਅਪਡੇਟ ਕੀਤਾ ਜਾਵੇਗਾ, ਜਿਸ ਵਿਚ ਦੱਸਿਆ ਜਾਵੇਗਾ ਕਿ ਨੋਟਿਸ ਕਦੋਂ ਤੇ ਕਿੱਥੇ ਫਾਈਲ ਕਰਨਾ ਹੈ।
ਭਾਰਤੀ H-1B ਦੇ ਸਭ ਤੋਂ ਵੱਧ ਲਾਭਪਾਤਰੀ
ਜਿਵੇਂ ਕਿ ਕਾਂਗਰਸ ਵੱਲੋਂ ਆਦੇਸ਼ ਦਿੱਤਾ ਗਿਆ ਹੈ, USCIS ਇਕ ਸਾਲ ਵਿਚ ਵੱਧ ਤੋਂ ਵੱਧ 65,000 H-1B ਵੀਜ਼ੇ ਜਾਰੀ ਕਰ ਸਕਦਾ ਹੈ। ਇਹ ਉਨ੍ਹਾਂ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਹੋਰ 20,000 H-1B ਵੀਜ਼ਾ ਵੀ ਜਾਰੀ ਕਰ ਸਕਦਾ ਹੈ ਜਿਨ੍ਹਾਂ ਨੇ ਵਿਗਿਆਨ, ਤਕਨਾਲੋਜੀ, ਇੰਜੀਨੀਅਰਿੰਗ ਤੇ ਗਣਿਤ (STEM) ਵਿਸ਼ਿਆਂ ‘ਚ ਇੱਕ ਅਮਰੀਕੀ ਯੂਨੀਵਰਸਿਟੀ ਵਿਚ ਹਾਇਰ ਸਟੱਡੀ ਪੂਰੀ ਕੀਤੀ ਹੈ। ਅਮਰੀਕੀ ਸਰਕਾਰ ਮੁਤਾਬਕ ਐਚ-1ਬੀ ਵੀਜ਼ਾ ਦੇ ਸਭ ਤੋਂ ਵੱਧ ਲਾਭਪਾਤਰੀ ਭਾਰਤੀ ਹਨ। ਕੁੱਲ ਵੀਜ਼ਾ ਧਾਰਕਾਂ ਵਿੱਚੋਂ ਲਗਭਗ 75 ਫੀਸਦੀ ਭਾਰਤੀ ਹਨ।