ਕਰੀਨਾ ਕਪੂਰ ਇਸ ਵਾਰ ਆਪਣਾ ਜਨਮਦਿਨ ਪਟੌਦੀ ਸਥਿਤ ਇਬਰਾਹਿਮ ਪੈਲੇਸ ਵਿੱਚ ਮਨਾਵੇਗੀ। ਇਸ ਦਿਨ ਨੂੰ ਖਾਸ ਬਣਾਉਣ ਦੇ ਲਈ ਆਲੀਸ਼ਾਨ ਇੰਤਜ਼ਾਮ ਕੀਤੇ ਗਏ ਹਨ। ਬੁੱਧਵਾਰ ਨੂੰ ਸੈਫ ਅਲੀ ਖਾਨ ਆਪਣੀ ਪਤਨੀ ਕਰੀਨਾ ਅਤੇ ਬੇਟੇ ਦੇ ਨਾਲ ਪਟੌਦੀ ਦੇ ਲਈ ਨਿਕਲੇ ਪਰ ਇੱਥੇ ਉਹ ਰਸਤੇ ਭਟਕ ਗਏ।ਸੈਫ ਨੇ ਏਅਰਪੋਰਟ ਤੋਂ ਐਸਯੂਵੀ ਟੈਕਸੀ ਹਾਇਰ ਕੀਤੀ ਅਤੇ ਅਗਲੀ ਸੀਟ ‘ਤੇ ਬੈਠ ਗਏ। ਪਿੱਛੇ ਕਰੀਨਾ ਬੈਠੀ ਸੀ ਪਰ ਇਸ ਦੌਰਾਨ ਉਹ ਆਪਣੇ ਮਹਿਲ ਦਾ ਰਸਤਾ ਭੁੱਲ ਕੇ ਬਾਜਾਰ ਦੇ ਵੱਲ ਚਲੇ ਗਏ। ਥੋੜੀ ਦੇਰ ਬਾਅਦ ਸੈਫ ਅਲੀ ਖਾਨ ਨੂੰ ਇਸ ਗੱਲ ਦਾ ਅਹਿਸਾਸ ਹੋਇਆ ਕਿ ਉਹ ਗਲਤ ਰਸਤੇ ਤੇ ਆ ਗਏ ਹਨ।ਇਸ ਤੋਂ ਬਾਅਦ ਸੈਫ ਅਲੀ ਖਾਨ ਨੇ ਰਸਤੇ ਵਿੱਚ ਇੱਕ ਲੜਕੇ ਤੋਂ ਰਸਤਾ ਪੁੱਛਿਆ।ਉਨ੍ਹਾਂ ਨੂੰ ਦੇਖ ਕੇ ਉਹ ਲੜਕਾ ਵੀ ਹੈਰਾਨ ਰਹਿ ਗਿਆ। ਉਸ ਨੇ ਉਨ੍ਹਾਂ ਨੂੰ ਰਸਤਾ ਦੱਸਿਆ ਅਤੇ ਮਹਿਲ ਦੇ ਵੱਲ ਲੈ ਕੇ ਗਿਆ। ਇਸ ਤੋਂ ਬਾਅਦ ਸੈਫ ਅਲੀ ਖਾਨ ਨੇ ਉੱਥੇ ਮੌਜੂਦ ਲੋਕਾਂ ਦੇ ਨਾਲ ਤਸਵੀਰਾਂ ਕਲਿੱਕ ਕਰਵਾਈਆਂ।
ਦੱਸ ਦੇਈਏ ਕਿ ਪੈਲੇਸ ਵਿੱਚ ਕਰੀਨਾ ਕਪੂਰ ਦਾ ਜਨਮਦਿਨ ਮਨਾਉਣ ਦੀ ਤਿਆਰੀ ਕਈ ਦਿਨ ਤੋਂ ਜੋਰਾਂ ਨਾਲ ਚਲ ਰਹੀ ਹੈ। ਦੱਸਿਆ ਜਾਂਦਾ ਹੈ ਕਿ ਸੈਫ ਅਲੀ ਖਾਨ , ਕਰੀਨਾ ਕਪੂਰ ਅਤੇ ਤੈਮੂਰ ਦਾ ਘੋੜਸਵਾਰੀ ਕਰਨ ਅਤੇ ਇਲਾਕੇ ਦੇ ਬੱਚਿਆਂ ਦੇ ਨਾਲ ਕ੍ਰਿਕਟ ਖੇਡਣ ਦਾ ਵੀ ਪ੍ਰੋਗਰਾਮ ਹੈ।ਹਾਲ ਹੀ ਵਿੱਚ ਖਬਰ ਆਈ ਸੀ ਕਿ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਦੇ ਬੇਟੇ ਤੈਮੂਰ ਅਲੀ ਖਾਨ ਦਾ ਨਾਮ ਪਾਪੂਲਰ ਸਟਾਰਕਿਡਜ਼ ਵਿੱਚ ਸ਼ਾਮਿਲ ਹੈ। ਦੇਖਦੇ ਹੀ ਦੇਖਦੇ ਤੈਮੂਰ ਪੂਰੇ ਬਾਲੀਵੁਡ ਦੇ ਚਹੇਤੇ ਬਣ ਗਏ ਹਨ। ਸੈਫ ਅਤੇ ਕਰੀਨਾ ਕਿੰਨੇ ਵੀ ਬਿਜੀ ਕਿਉਂ ਨਾ ਹੋਣ ਪਰ ਉਹ ਤੈਮੂਰ ਦੇ ਨਾਲ ਟਾਈਮ ਸਪੈਂਡ ਕਰਨ ਦਾ ਸਮਾਂ ਕੱਢ ਹੀ ਲੈਂਦੇ ਹਨ। 