ਕੋਰੋਨਾ ਵਾਇਰਸ ਨਾਲ ਪੂਰਬੀ ਏਸ਼ੀਆ ‘ਚ ਮਹਾਮਾਰੀ ਫੈਲਣ ਦਾ ਇਤਿਹਾਸ 20 ਹਜ਼ਾਰ ਸਾਲ ਪੁਰਾਣਾ ਹੈ ਪਰ ਇਸ ਵਾਰ ਜਿਵੇਂ ਵਾਇਰਸ ਦੀ ਇਨਫੈਕਸ਼ਨ ਪਹਿਲਾਂ ਕਦੀ ਨਹੀਂ ਰਹੀ। ਨਾ ਹੀ ਕੋਰੋਨਾ ਵਾਇਰਸ ਨੇ ਇਸ ਤਰ੍ਹਾਂ ਨਾਲ ਆਪਣੇ ਰੂਪ ਬਦਲੇ। ਵਾਰਿਸ ਦੇ ਪ੍ਰਤੀਰੂਪ ਬਣਾਉਣ ਨਾਲ ਸ਼ੱਕ ਹੋ ਰਿਹਾ ਹੈ ਕਿ ਇਸ ਨੂੰ ਮਨੁੱਖ ਲਈ ਵਧੇਰੇ ਮਾਰੂ ਬਣਾਉਣ ਦਾ ਤਜਰਬਾ ਚੀਨ ਦੇ ਵੁਹਾਨ ਵਾਇਰੋਲਾਜੀ ਇੰਸਟੀਚਿਊਟ ‘ਚ ਹੋਇਆ ਹੈ ਤੇ ਉੱਥੋਂ ਇਹ ਵਾਇਰਸ ਬਾਹਰ ਨਿਕਲ ਕੇ ਤਬਾਹੀ ਮਚਾ ਰਿਹਾ ਹੈ।
ਅਮਰੀਕਾ ਤੇ ਆਸਟ੍ਰੇਲੀਆ ਦੀਆਂ ਯੂਨੀਵਰਸਿਟੀਆਂ ‘ਚ ਪ੍ਰਰਾਚੀਨ ਮਨੁੱਖੀ ਜੀਨ ਸਰੰਚਨਾ ਦੇ ਅਧਿਐਨ ਤੋਂ ਪਤਾ ਲੱਗਿਆ ਹੈ ਕਿ ਮੌਜੂਦਾ ਚੀਨ, ਜਾਪਾਨ, ਮੰਗੋਲੀਆ, ਉੱਤਰੀ ਕੋਰੀਆ, ਦੱਖਣੀ ਕੋਰੀਆ ਤੇ ਤਾਇਵਾਨ ਦੇ ਇਲਾਕੇ ‘ਚ ਕੋਵਿਡ-19 ਵਰਗੀ ਮਹਾਮਾਰੀ 20 ਹਜ਼ਾਰ ਸਾਲ ਪਹਿਲਾਂ ਵੀ ਆਈ ਸੀ। ਪਰ ਇਹ ਇਕ ਵਾਰ ਆ ਕੇ ਖ਼ਤਮ ਹੋ ਗਈ ਸੀ। ਬੀਤੇ 20 ਸਾਲਾਂ ‘ਚ ਵੀ ਕੋਰੋਨਾ ਵਾਇਰਸ ਤਿੰਨ ਵਾਰ ਆਈਆਂ ਮਹਾਮਾਰੀਆਂ ਲਈ ਜ਼ਿੰਮੇਵਾਰ ਮੰਨਿਆ ਜਾਂਦਾ ਹੈ। ਇਸ ਦੌਰਾਨ ਸਭ ਤੋਂ ਪਹਿਲਾਂ ਫੈਲੋ ਸਾਰਸ-ਕੋਰੋਨਾ ਵਾਇਰਸ ਨਾਲ ਸਾਹ ਤੰਤਰ ਨੂੰ ਗੰਭੀਰ ਨੁਕਸਾਨ ਹੋਇਆ ਸੀ।
ਇਹ ਬਿਮਾਰੀ 2002 ‘ਚ ਚੀਨ ਤੋਂ ਹੀ ਪੈਦਾ ਹੋਈ ਸੀ ਤੇ ਉਸ ਨਾਲ 800 ਤੋਂ ਵੱਧ ਲੋਕ ਮਾਰੇ ਗਏ ਸਨ। ਜਦਕਿ ਮਰਸ-ਕੋਰੋਨਾ ਵਾਇਰਸ ਪੱਛਮੀ ਏਸ਼ੀਆ ‘ਚ ਪੈਦਾ ਹੋਇਆ, ਉਸ ਨੇ ਵੀ ਸਾਹ ਤੰਤਰ ‘ਤੇ ਹਮਲਾ ਕੀਤਾ। ਉਸ ਨਾਲ 850 ਲੋਕ ਮਾਰੇ ਗਏ। ਮੌਜੂਦਾ ਸਮੇਂ ‘ਚ ਸਾਰਸ-ਕੋਰੋਨਾ ਵਾਇਰਸ-2 ਕਾਰਨ ਕੋਵਿਡ-19 ਮਹਾਮਾਰੀ ਫੈਲੀ ਹੈ ਜਿਸ ਨਾਲ ਹੁਣ ਤਕ ਦੁਨੀਆ ‘ਚ 39 ਲੱਖ ਲੋਕ ਮਾਰੇ ਜਾ ਚੁੱਕੇ ਹਨ।
20 ਹਜ਼ਾਰ ਸਾਲ ਪਹਿਲਾਂ ਕੋਰੋਨਾ ਵਾਇਰਸ ਕਾਰਨ ਹੋਈ ਤਬਾਹੀ ਬਾਰੇ ਕੁਈਨਜ਼ਲੈਂਡ ਯੂਨੀਵਰਸਿਟੀ ਆਫ ਟੈਕਨਾਲੋਜੀ, ਯੂਨੀਵਰਸਿਟੀ ਆਫ ਐਡੀਲੈਡ, ਯੂਨੀਵਰਸਿਟੀ ਆਫ ਕੈਲੀਫੋਰਨੀਆ ਸਾਨ ਫਰਾਂਸਿਕੋ ਤੇ ਯੂਨੀਵਰਸਿਟੀ ਆਫ ਐਰੀਜ਼ੋਨਾ ਨੇ ਅਧਿਐਨ ਕੀਤਾ ਹੈ। ਇਹ ਅਧਿਐਨ ਕਰੰਟ ਬਾਇਓਲਾਜੀ ਨਾਂ ਦੇ ਜਰਨਲ ‘ਚ ਪ੍ਰਕਾਸ਼ਿਤ ਹੋਇਆ ਹੈ। ਵਿਗਿਆਨੀ ਦਲ ਨੇ 2,500 ਤੋਂ ਵੱਧ ਮਨੁੱਖੀ ਜੀਨੋਮ ਦਾ ਅਧਿਐਨ ਕੀਤਾ। ਇਹ ਜੀਨੋਮ ਦੁਨੀਆ ਦੇ 26 ਭੂ ਭਾਗਾਂ ਤੋਂ ਇਕੱਠੇ ਕੀਤੇ ਗਏ ਸਨ। ਇਨ੍ਹਾਂ ਸਾਰਿਆਂ ‘ਤੇ ਕੋਰੋਨਾ ਵਾਇਰਸ ਨਾਲ ਫੈਲੀ ਬਿਮਾਰੀ ਦਾ ਅਧਿਐਨ ਕੀਤਾ ਗਿਆ।