Mandira Bedi panic attack : ਅਦਾਕਾਰਾ ਮੰਦਿਰਾ ਬੇਦੀ ਸੋਸ਼ਲ ਮੀਡੀਆ ਉੱਤੇ ਕਾਫ਼ੀ ਐਕਟਿਵ ਰਹਿੰਦੀ ਹੈ। ਉਹ ਆਪਣੀ ਫਿਟਨੈੱਸ ਨੂੰ ਲੈ ਕੇ ਵੀ ਕਾਫ਼ੀ ਸੀਰੀਅਸ ਹੈ। ਉਹ ਸੋਸ਼ਲ ਮੀਡੀਆ ਉੱਤੇ ਆਪਣੇ ਵਰਕਆਊਟ ਨਾਲ ਜੁੜੀਆਂ ਕਈ ਵੀਡੀਓ ਸ਼ੇਅਰ ਕਰਦੀ ਰਹਿੰਦੀ ਹੈ। ਅਦਾਕਾਰਾ ਵੀ ਬਾਕੀ ਸਟਾਰਸ ਦੀ ਤਰ੍ਹਾਂ ਸੈਲਫ ਕਵਾਰੰਟੀਨ ਵਿੱਚ ਹੈ। ਹਾਲਾਂਕਿ, ਕੁੱਝ ਦਿਨਾਂ ਪਹਿਲਾਂ ਉਨ੍ਹਾਂ ਨੂੰ ਪੈਨਿਕ ਅਟੈਕ ਆਇਆ ਸੀ। ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ ਅਦਾਕਾਰਾ ਨੇ ਦੱਸਿਆ ਕਿ ਵਰਤਮਾਨ ਹਾਲਤ ਵਿੱਚ ਫੈਲੀ ਨੈਗੇਟਿਵਿਟੀ ਦੇ ਚਲਦੇ ਉਨ੍ਹਾਂ ਨੂੰ ਕੁੱਝ ਦਿਨ ਪਹਿਲਾਂ ਪੈਨਿਕ ਅਟੈਕ ਆ ਗਿਆ ਸੀ।
ਅਦਾਕਾਰਾ ਨੇ ਕਿਹਾ – ਮੈਂ ਵੂਮੇਨ ਕ੍ਰਿਕੇਟ ਵਰਲਡ ਕਪ ਲਈ ਆਸਟ੍ਰੇਲੀਆ ਵਿੱਚ ਸੀ ਅਤੇ 9 ਮਾਰਚ ਨੂੰ ਵਾਪਸ ਆਈ। ਆਉਣ ਤੋਂ ਬਾਅਦ ਮੈਂ ਸੈਲਫ ਕਵਾਰੰਟੀਨ ਵਿੱਚ ਚੱਲੀ ਗਈ ਅਤੇ ਦਿਨ ਗਿਣਨ ਲੱਗੀ ਕਿਉਂਕਿ ਕੋਰੋਨਾ ਵਾਇਰਸ ਦੇ ਪਾਜੀਟਿਵ ਹੋਣ ਦੇ ਲੱਛਣ 14 ਦਿਨ ਵਿੱਚ ਪਤਾ ਚਲਦੇ ਹਨ। ਮੈਂ ਇੰਨੀ ਚਿੰਤਤ ਘਬਰਾਈ ਅਤੇ ਡਰੀ ਹੋਈ ਸੀ ਕਿ ਉਦੋਂ ਤੱਕ ਆਪਣੇ ਆਪ ਹੀ ਕੰਮ ਕਰਦੀ ਰਹੀ, ਜਦੋਂ ਤੱਕ ਕਿ ਚਿੰਤਾ ਦੀ ਵਜ੍ਹਾ ਨਾਲ ਮੈਨੂੰ ਅਸਥਮਾ ਦਾ ਦੌਰਾ ਨਹੀਂ ਆਇਆ।
ਅਦਾਕਾਰਾ ਨੇ ਕਿਹਾ – ਘਟਨਾ ਦੇ ਇੱਕ ਰਾਤ ਪਹਿਲਾਂ ਮੈਂ ਜੋ ਆਖਰੀ ਚੀਜ ਵੇਖੀ ਉਹ ਕਿਸੇ ਦੇ ਖੰਗਣ ਅਤੇ ਉਸ ਨੂੰ ਗੰਭੀਰਤਾ ਨਾਲ ਨਾ ਲੈਣ ਵਾਲੇ ਲੋਕਾਂ ਦਾ ਵੀਡੀਓ ਸੀ। ਇਹ ਨਾਕਾਰਾਤਮਕ ਅਤੇ ਨਿਰਾਸ਼ਾਜਨਕ ਸੀ। ਅਗਲੀ ਸਵੇਰੇ 5.30 ਵਜੇ ਮੈਂ ਘਬਰਾਕੇ ਉੱਠੀ। ਮੰਦਿਰਾ ਨੇ ਕਿਹਾ – ਅਜਿਹੇ ਸਮੇਂ ਵਿੱਚ ਸਾਰਿਆਂ ਨੂੰ ਸਾਕਾਰਾਤਮਕ ਰਹਿਣਾ ਚਾਹੀਦਾ ਹੈ। ਆਪਣੀ ਰੂਟੀਨ ਬਣਾਓ ਅਤੇ ਵਰਕਆਊਟ ਕਰੋ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਕੋਰੋਨਾ ਵਾਇਰਸ ਕਾਰਨ ਸਭ ਲੋਕ ਆਪਣੇ ਘਰਾਂ ‘ਚ ਲਾਕਡਾਊਨ ਹਨ।
ਬਾਲੀਵੁਡ ਸਿਤਾਰੇ ਆਪਣੇ ਘਰ ‘ਚ ਰਹਿ ਕੇ ਆਪਣੇ ਫੈਨਜ਼ ਨੂੰ ਘਰ ‘ਚ ਹੀ ਰਹਿਣ ਦੀ ਸਲਾਹ ਦੇ ਰਹੇ ਹਨ। ਸਿਤਾਰੇ ਆਪਣੇ ਘਰ ਰਹਿ ਕੀ ਕੀ ਕਰ ਰਹੇ ਹਨ ਉਹ ਸਭ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰ ਰਹੇ ਹਨ ਅਤੇ ਦਰਸ਼ਕਾਂ ਨੂੰ ਵੀ ਘਰ ‘ਚ ਰਹਿ ਅਜਿਹੀਆਂ ਚੀਜਾਂ ਕਰਨ ਲਈ ਉਤਸ਼ਾਹਿਤ ਕਰ ਰਹੇ ਹਨ। ਮੰਦਿਰਾ ਬੇਦੀ ਬਾਲੀਵੁਡ ਦੀ ਬਹੁਤ ਹੀ ਮਸ਼ਹੂਰ ਅਦਾਕਾਰਾ ਹੈ। ਉਹਨਾਂ ਦੀ ਅਦਾਕਾਰੀ ਨੂੰ ਦਰਸ਼ਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਜਾਂਦਾ ਹੈ।
