ਨਵੀਂ ਦਿੱਲੀ: ਇਮਿਊਨਿਟੀ ਸਾਡੇ ਸਰੀਰ ਲਈ ਬਹੁਤ ਜ਼ਰੂਰੀ ਹੈ। ਇਹ ਸਾਡੇ ਸਰੀਰ ਨੂੰ ਬਹੁਤ ਸਾਰੀਆਂ ਬਿਮਾਰੀਆਂ ਤੋਂ ਬਚਾਉਂਦੀ ਹੈ।ਕੋਰੋਨਾਵਾਇਰਸ ਨਾਲ ਨਜਿੱਠਣ ਲਈ, ਡਾਕਟਰ ਇਮਿਊਨਿਟੀ ਵਧਾਉਣ ਦੀ ਸਲਾਹ ਦੇ ਰਹੇ ਹਨ।ਇਸ ਮਹਾਮਾਰੀ ਤੋਂ ਬਚਣ ਲਈ, ਸਾਡੇ ਸਰੀਰ ਵਿੱਚ ਇੱਕ ਮਜ਼ਬੂਤ ਪ੍ਰਤੀਰੋਧੀ ਪ੍ਰਣਾਲੀ ਹੋਣਾ ਮਹੱਤਵਪੂਰਨ ਹੈ।ਅਜਿਹੀ ਸਥਿਤੀ ਵਿੱਚ, ਤੁਹਾਨੂੰ ਇਮਿਊਨਿਟੀ ਵਧਾਉਣ ਲਈ ਇਮਿਊਨਿਟੀ ਬੂਸਟਰ ਪੀਣ ਦੀ ਜ਼ਰੂਰਤ ਹੈ। ਆਉ ਇੱਕ ਇਮਿਊਨਿਟੀ ਬਸੂਟਰ ਤਿਆਰ ਕਰਨ ਦਾ ਤਰੀਕਾ ਅਸੀਂ ਦੱਸਦੇ ਹਾਂ।
ਇਹ ਡ੍ਰਿੰਕ ਬਣਾਉਣ ਲਈ ਸਾਨੂੰ ਅੰਬ ਅਤੇ ਸਟ੍ਰਾਬੇਰੀ ਦੀ ਜ਼ਰੂਰਤ ਹੋਏਗੀ। ਇਹ ਫਲ ਗਰਮੀ ਦੇ ਮੌਸਮ ਦੌਰਾਨ ਬਾਜ਼ਾਰ ਵਿੱਚ ਆਸਾਨੀ ਨਾਲ ਮਿਲ ਜਾਣਗੇ। ਉਨ੍ਹਾਂ ਵਿਚਲੇ ਵਿਸ਼ਾਣੂ ਅਤੇ ਜੀਵਾਣੂਆਂ ਨੂੰ ਖਤਮ ਕਰਨ ਲਈ ਉਨ੍ਹਾਂ ਨੂੰ ਕੁਝ ਸਮੇਂ ਲਈ ਗਰਮ ਪਾਣੀ ਵਿੱਚ ਭਿਓ ਦਿਓ।
ਇਸ ਤਰ੍ਹਾਂ ਕਰੋ ਤਿਆਰ
ਅੰਬ ਨੂੰ ਪਾਣੀ ਚੋਂ ਕੱਢਕੇ ਛਿੱਲਕਾ ਉਤਰ ਲਓ ਅਤੇ ਗੁਠਲੀ ਵੱਖ ਕਰ ਲਓ।ਸਟ੍ਰਾਬੇਰੀ ਨੂੰ ਵੀ ਪੀਸੋ ਲਓ।ਇਸ ਤੋਂ ਬਾਅਦ, ਦੋਵਾਂ ਨੂੰ ਇੱਕ ਕੱਪ ਪਾਣੀ ਪਾ ਵਧੀਆ ਜੂਸਰ ‘ਚ ਮਿਲਾ ਲਓ।ਇਸ ਨੂੰ ਹੋਰ ਵੀ ਸੁਆਦ ਦੇਣ ਲਈ ਤੁਸੀਂ ਇਸ ਵਿੱਚ ਡ੍ਰਾਈ ਫਰੂਟ ਵੀ ਸ਼ਾਮਲ ਕਰ ਸਕਦੇ ਹੋ। ਹੁਣ ਤੁਹਾਡੀ ਡਰਿੰਕ ਤਿਆਰ ਹੈ ਜੋ ਤੁਹਾਡੀ ਇਮਿਊਨਿਟੀ ਨੂੰ ਵਧਾਉਣ ਵਿੱਚ ਮਦਦ ਕਰੇਗੀ।
ਇਮਿਊਨਿਟੀ ਵਧਾਉਣ ਵਿੱਚ ਅਸਰਦਾਰ
ਤੁਹਾਨੂੰ ਦਸ ਦੇਈਏ ਕਿ ਅੰਬ ਅਤੇ ਸਟ੍ਰਾਬੇਰੀ ਦੋਵੇਂ ਫਲ ਸਰੀਰ ਵਿੱਚ ਪ੍ਰਤੀਰੋਧਕ ਸ਼ਕਤੀ ਵਧਾਉਣ ਵਿੱਚ ਕਾਰਗਰ ਹੁੰਦੇ ਹਨ। ਇਸ ਵਿੱਚ ਐਂਟੀ-ਆਕਸੀਡੈਂਟਸ ਦੀ ਮਾਤਰਾ ਹੁੰਦੀ ਹੈ ਜੋ ਮੁੱਖ ਤੌਰ ਤੇ ਇਮਿਊਨ ਵਧਾਉਣ ਵਿੱਚ ਮਦਦ ਕਰਦੀ ਹੈ। ਇਸ ਲਈ, ਇਸ ਡਰਿੰਕ ਨੂੰ ਕੋਰੋਨ ਦੌਰਾਨ ਪੀਣਾ ਬਹੁਤ ਲਾਭ ਦੇ ਸਕਦਾ ਹੈ।
