Imran Khan Fulfill his Promise: ਲਾਹੌਰ, ਸਿੱਧੂ ਨੇ ਕਿਹਾ ਕਿ ਸਿੱਖ ਕੌਮ ਇਕ ਫੀਸਦ ਹੈ ਪਰ ਇਸ ਦਾ ਦਬਦਬਾ 50 ਫੀਸਦੀ ਹੈ। ਸਿੱਖ ਕੌਮ ਲਈ ਜੋ ਕੰਮ ਇਮਰਾਨ ਖਾਨ ਨੇ ਕੀਤਾ ਉਨ੍ਹਾਂ ਲਈ ਸਾਰੀ ਕੌਮ ਸ਼ੁਕਰਗੁਜਾਰ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਤਕ ਸਿੱਖ ਇਸ ਥਾਂ ਉਤੇ ਆਉਣ ਲਈ ਬਹੁਤ ਤਰਸੇ ਹਨ। ਚਾਰ ਪੀੜੀਆ ਇਥੇ ਆਉਣ ਲਈ ਤਰਸਦੀਆ ਰਹਿੰਦੀਆਂ ਹਨ। ਉਨ੍ਹਾਂ ਕਿਹਾ ਕਿ 10 ਮਹੀਨੇ ਵਿਚ ਬਾਬਾ ਨਾਨਕ ਦੇ ਘਰ (ਕਰਤਾਰਪੁਰ ਸਾਹਿਬ) ਨੂੰ ਸਵਰਗ ਦੇ ਬਰਾਬਰ ਬਣਾ ਦਿੱਤਾ ਗਿਆ ਹੈ।
ਅੱਜ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਇਮਰਾਨ ਖਾਨ ਨੇ ਮਿਲ ਕੇ ਸਿੱਖਾਂ ਦੇ ਜ਼ਖਮਾਂ ਉਤੇ ਮਰਹਮ ਲਗਾਉਣ ਵਾਲਾ ਕੰਮ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਸਿੱਧੂ ਦੀ ਜੱਫੀ ਕੰਮ ਲਿਆਈ ਹੈ। ਅੱਜ ਸਿੱਧੂ ਇਕ ਵਾਰ ਫਿਰ ਇਮਰਾਨ ਖਾਨ ਨੂੰ ਮੈਂ ਬੇਨਤੀ ਕਰਦਾਂ ਹਾਂ ਕਿ ਭਾਜੀ ਬਾਰਡਰ ਖੋਲ੍ਹੋ। ਨਵਜੋਤ ਸਿੰਘ ਸਿੱਧੂ ਨੇ ਖੁਦ ਨੂੰ ਬਾਬਾ ਨਾਨਕ ਦਾ ਨੌਕਰ ਦੱਸਦੇ ਹੋਏ ਕਿਹਾ ਕਿ ਮੈਂ ਇਮਰਾਨ ਖਾਨ ਦਾ ਧੰਨਵਾਦ ਕਰਦਾ ਹਾਂ। ਸਿੱਧੂ ਨੇ ਕਿਹਾ ਕਿ ਇਮਰਾਨ ਖਾਨ ਨੇ ਯਾਰੀ ਨਿਭਾਈ ਹੈ।
ਉਨ੍ਹਾਂ ਕਿਹਾ ਕਿ ਮੇਰਾ ਸੁਪਨਾ ਹੈ ਕਿ ਸਵੇਰੇ ਕੋਈ ਅੰਮ੍ਰਿਤਸਰ ਤੋਂ ਮੱਕੀ ਦੀ ਰੋਟੀ ਤੇ ਸਾਗ ਖਾ ਕੇ ਤੁਰੇ ਤੇ ਦੁਪਿਹਰ ਦੇ ਸਮੇਂ ਲਾਹੌਰ ਆ ਕੇ ਬਿਰਆਨੀ ਖਾ ਕੇ ਸ਼ਾਮ ਨੂੰ ਵਾਪਸ ਅੰਮ੍ਰਿਤਸਰ ਪਰਤੇ। ਸਿੱਧੂ ਨੇ ਇਸ ਮੌਕੇ ਭਾਰਤੀ ਪ੍ਰਧਾਨ ਮੰਤਰੀ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਮੋਦੀ ਸਾਹਿਬ ਮੈਂ ਤਹਾਨੂੰ ਵੀ ਇਸ ਕੰਮ ਕਾਰਨ ਮੁੰਨਾ ਭਾਈ ਐੱਮ. ਬੀ. ਬੀ. ਐੱਸ. ਵਾਲੀ ਜੱਫੀ ਭੇਜ ਰਿਹਾ ਹਾਂ।
