ਆਸਾਨੀ ਨਾਲ ਘਰ ਵਿੱਚ ਬਣਾਓ ਅੰਬ ਦਾ ਸੁਆਦਲਾ ਮੁਰੱਬਾ

ਸਮੱਗਰੀ-ਇੱਕ ਕਿਲੋ ਕੱਚਾ ਅੰਬ, ਡੇਢ ਕਿਲੋਗਰਾਮ ਖੰਡ, ਪੰਜ ਤੋਂ ਛੇ ਧਾਗੇ ਵਾਲਾ ਕੇਸਰ, ਇੱਕ ਗਲਾਸ ਪਾਣੀ।
ਵਿਧੀ-ਪਹਿਲਾਂ ਅੰਬਾਂ ਨੂੰ ਸਾਫ ਪਾਣੀ ਨਾਲ ਧੋ ਲਓ ਅਤੇ ਛਿੱਲ ਲਓ। ਇਸ ਤੋਂ ਬਾਅਦ ਚਾਕੂ ਦੀ ਮਦਦ ਨਾਲ ਅੰਬ ਨੂੰ ਛੋਟੇ ਟੁਕੜਿਆਂ ਵਿੱਚ ਕੱਟ ਲਓ। ਇਸ ਤੋਂ ਬਾਅਦ ਇੱਕ ਕੜਾਹੀ ਵਿੱਚ ਪਾਣੀ ਅਤੇ ਚੀਨੀ ਪਾਓ ਅਤੇ ਦਰਮਿਆਨੀ ਅੱਗ ਤੇ ਪਕਾਓ। ਇਸ ਤੋਂ ਬਾਅਦ ਇਸ ਵਿੱਚ ਅੰਬ ਦੇ ਕੱਟੇ ਹੋਏ ਟੁਕੜੇ ਸ਼ਾਮਲ ਕਰੋ। ਇਸ ਨੂੰ ਵੀਹ ਤੋਂ 25 ਮਿੰਟ ਲਈ ਪੱਕਣ ਦਿਓ। ਇਸ ਨੂੰ ਪੈਨ ਵਿੱਚ ਕਦੇ-ਕਦੇ ਹਿਲਾਉਂਦੇ ਰਹੋ ਤਾਂ ਕਿ ਪੈਨ ਵਿੱਚ ਨਾ ਚਿਪਕ ਜਾਵੇ। ਕੁਝ ਸਮੇਂ ਬਾਅਦ ਤੁਸੀਂ ਦੇਖੋਗੇ ਕਿ ਅੰਬ ਦਾ ਰੰਗ ਬਦਲ ਰਿਹਾ ਹੈ। ਜਦੋਂ ਇਹ ਹੁੰਦਾ ਹੈ ਤਾਂ ਇਸ ਵਿੱਚ ਕੇਸ ਪਾਓ। ਅੰਬ ਨਰਮ ਹੋ ਜਾਂਦਾ ਹੈ ਤਾਂ ਇਸ ਨੂੰ ਗੈਸ ਬੰਦ ਕਰ ਦਿਓ। ਇਸ ਨੂੰ ਠੰਢਾ ਕਰੋ ਅਤੇ ਇੱਕ ਡੱਬੇ ਵਿੱਚ ਭਰੋ। ਅੰਬ ਦਾ ਮੁਰੱਬਾ ਤਿਆਰ ਹੈ