ਅੱਖਾਂ ਦੇ ਦੁਆਲੇ ਕਾਲੇ ਘੇਰਿਆ ਨੂੰ ਇੰਝ ਕਰੋ ਖ਼ਤਮ

Remove Eyes dark circles: ਔਰਤਾਂ ਵਿੱਚ ਵੱਖ ਵੱਖ ਉਮਰਾਂ ਵਿੱਚ ਅੱਖਾ ਥੱਲੇ ਕਾਲੇ ਧੱਬਿਆਂ ਦੀ ਸਮੱਸਿਆ ਪਾਈ ਜਾਂਦੀ ਹੈ। ਇਹ ਮਰਦਾਂ ਵਿੱਚ ਇਹ ਆਮ ਪਾਇਆ ਜਾਂਦਾ ਹੈ । ਇਹ ਚਮੜੀ ਦੀ ਗੰਭੀਰ ਸਮੱਸਿਆ ਹੀ ਹੈ । ਅੱਖਾ ਦੇ ਥੱਲੇ ਕਾਲੇ ਧੱਬਿਆਂ ਦਾ ਮੁੱਖ ਕਾਰਨ ਵੱਧਦੀ ਉਮਰ ,ਰੌਣਾ, ਖੁਸ਼ਕ ਚਮੜੀ, ਲੰਬੇ ਸਮੇਂ ਤੱਕ ਕੰਮਪਿਊਟਰ ਤੇ ਬੈਠਣਾ , ਘੱਟ ਨੀਂਦ, ਮਾਨਸਿਕ ਤੇ ਸਰੀਰਕ ਤਨਾਓ ਅਤੇ ਭੋਜਨ ਦਾ ਸੰਤੁਲਿਤ ਨਾ ਹੋਣਾ ਹੈ। ਇਸਦਾ ਆਸਾਨੀ ਨਾਲ ਘਰੇਲੂ ਇਲਾਜ ਕੀਤਾ ਜਾ ਸਕਦਾ ਹੋ ਅਤੇ ਇਸ ਤੋਂ ਛੁਟਕਾਰਾ ਪਾ ਸਕਦੇ ਹਾਂ।

1 ਬਾਦਾਮ ਦਾ ਤੇਲ
ਬਾਦਾਮ ਦਾ ਤੇਲ ਵਿਟਾਮਿਨ ਈ ਨਾਲ ਭਰਪੂਰ ਹੁੰਦਾ ਹੈ । ਇਹ ਇੱਕ ਕੁਦਰਤ ਦਾ ਵੱਡਾ ਤੋਹਫਾ ਹੈ ਖਾਸ ਕਰਕੇ ਇਹ ਚਮੜੀ ਅਤੇ ਅੱਖਾਂ ਦੇ ਦੁਆਲੇ ਵਾਲੀ ਕੋਮਲ ਚਮੜੀ ਲਈ ਬਹੁਤ ਲਾਭਦਾਇਕ ਹੈ । ਇਸ ਤੇਲ ਦੇ ਲਗਾਤਾਰ ਇਸਤਿਮਾਲ ਨਾਲ ਅੱਖਾਂ ਦੇ ਦੁਆਲੇ ਕਾਲੇ ਧੱਬੇ ਖਤਮ ਹੋ ਜਾਂਦੇ ਹਨ । ਬਿਸਤਰ ਤੇ ਜਾਣ ਤੋਂ ਪਹਿਲਾਂ ਅੱਖਾਂ ਦੇ ਥੱਲੇ ਵਾਲੀ ਚਮੜੀ ਤੇ ਹੌਲੀ ਹੌਲੀ ਮਾਲਿਸ਼ ਕਰੋ । ਰਾਤ ਭਰ ਇਸ ਨੂੰ ਲੱਗਾ ਰਹਿਣ ਦਿਓ । ਅਗਲੀ ਸਵੇਰ ਇਸ ਨੂੰ ਠੰਡੇ ਪਾਣੀ ਨਾਲ ਧੋ ਦਿਓ ।
2 ਖ਼ੀਰਾ
ਖੀਰੇ ਹਲਕੇ ਕਸੈਲੇ ਗੁਣ ਹੁੰਦੇ ਹਨ ਜੋ ਚਮੜੀ ਲਈ ਬਹੁਤ ਹੀ ਲਾਭਦਾਇਕ ਹੁੰਦੇ ਹਨ । ਇੱਕ ਤਾਜ਼ਾ ਖੀਰੇ ਨੂੰ ਛਿੱਲ ਕੇ ਦੋ ਟੁਕੜੇ ਕੱਟ ਲਵੋ ਫਿਰ ਅੱਖਾਂ ਬੰਦ ਕਰਕੇ ਓਹਨਾਂ ਟੁਕੜਿਆਂ ਨੂੰ 10 ਮਿੰਟ ਤੱਕ ਬੰਦ ਅੱਖਾਂ ਦੀਆਂ ਪਲਕਾਂ ਤੇ ਰੱਖੋ । ਫਿਰ ਅੱਖਾ ਨੂੰ ਧੋ ਲਵੋ । ਇਸ ਪ੍ਰਕ੍ਰਿਆ ਨੂੰ ਦਿਨ ਵਿਚ ਦੋ ਵਾਰ ਦੁਹਰਾਓ ਅਤੇ ਇੱਕ ਹਫਤਾ ਲਗਾਤਾਰ ਅਪਨਾਓ ।
3 ਗੁਲਾਬ ਜਲ
ਗੁਲਾਬ ਜਲ ਚਮੜੀ ਨੂੰ ਚਮਕ ਪ੍ਰਦਾਨ ਕਰਕੇ ਚਮੜੀ ਦੀ ਥਕਾਨ ਨੂੰ ਦੂਰ ਕਰਦਾ ਹੈ ਇਸ ਦਾ ਪ੍ਰਭਾਵ ਠੰਡਾ ਹੋਣ ਕਰਕੇ ਇਹ ਅੱਖਾ ਲਈ ਬਹੁਤ ਗੁਣਕਾਰੀ ਸਾਬਿਤ ਹੁੰਦਾ ਹੈ । ਰੂੰ ਦੇ ਫੰਬੇ ਨੂੰ ਗੁਲਾਬ ਜਲ ਨਾਲ ਭਿਉਂ ਕੇ ਅੱਖਾਂ ਦੇ ਆਲੇ ਦੁਆਲੇ ਜਿੱਥੇ ਜਿੱਥੇ ਵੀ ਨਿਸ਼ਾਨ ਹਨ ਉੱਥੇ ਲਗਾਓ ਅਤੇ 15 ਮਿੰਟ ਤੱਕ ਲੱਗਾ ਰਹਿਣ ਦਿਓ । ਇਸ ਨੂੰ ਹਫਤੇ ਵਿੱਚ ਦੋ ਵਾਰ ਅਜਮਾਓ ।
4 ਨਿੰਬੂ
ਨਿੰਬੂ ਦੇ ਜੂਸ ਵਿੱਚ ਵਿਟਾਮਿਨ ਸੀ ਭਰਪੂਰ ਮਾਤਰਾ ਵਿੱਚ ਪਾਇਆ ਜਾਂਦਾ ਹੈ । ਵਿਟਾਮਿਨ ਸੀ ਅੱਖਾਂ ਦੇ ਆਲੇ ਦੁਆਲੇ ਬਣੇ ਕਾਲੇ ਧੱਬਿਆਂ ਨੂੰ ਹਟਾਉਣ ਬਹੁਤ ਸਹਾਇਕ ਹੁੰਦਾ ਹੈ । ਰੂੰ ਦੇ ਫੰਬੇ ਨੂੰ ਨਿੰਬੂ ਦੇ ਜੂਸ ਨਾਲ ਭਿਉਂ ਕੇ ਅੱਖਾਂ ਦੇ ਦੁਆਲੇ ਜਿੱਥੇ ਕਾਲੇ ਧੱਬੇ ਹਨ ਉੱਥੇ ਲਗਾਓ । 10 ਮਿੰਟ ਲੱਗੇ ਰਹਿਣ ਤੋਂ ਬਾਅਦ ਇਸ ਨੂੰ ਸਾਫ਼ ਪਾਣੀ ਨਾਲ ਧੋ ਦਿਓ । ਇਸ ਨੂੰ ਇੱਕ ਹਫ਼ਤਾ ਲਗਾਤਾਰ ਦਿਨ ਵਿੱਚ ਇੱਕ ਵਾਰ ਅਜਮਾਓ ।
5 ਕੱਚਾ ਆਲੂ
ਕੱਚੇ ਆਲੂ ਵਿੱਚ ਕਾਫੀ ਮਾਤਰਾ ਵਿੱਚ ਬਲੀਚਿੰਗ ਵਾਲੇ ਗੁਣ ਮੌਜੂਦ ਹੁੰਦੇ ਹਨ ਜਿਸ ਕਰਕੇ ਇਹ ਅੱਖਾਂ ਦੁਆਲੇ ਬਣੇ ਕਾਲੇ ਧੱਬਿਆਂ ਨੂੰ ਘਟਾਉਣ ਵਿੱਚ ਬਹੁਤ ਸਹਾਈ ਹੁੰਦੇ ਹਨ । ਕੱਚੇ ਆਲੂ ਦਾ ਜੂਸ ਕੱਢ ਕੇ ਰੂੰ ਦੇ ਟੁਕੜੇ ਨੂੰ ਉਸ ਜੂਸ ਵਿੱਚ ਭਿਉਂ ਲਵੋ । ਅੱਖਾਂ ਨੂੰ ਬੰਦ ਕਰਕੇ 10-15 ਮਿੰਟ ਤੱਕ ਭਿੱਜੀ ਹੋਈ ਰੂੰ ਨੂੰ ਅੱਖਾ ਉੱਪਰ ਰੱਖੋ । ਇਸ ਤੋਂ ਬਾਅਦ ਠੰਡੇ ਪਾਣੀ ਨਾਲ ਮੂੰਹ ਧੋ ਲਵੋ । ਇਸ ਨਾਲ ਬਹੁਤ ਹੀ ਲਾਭ ਮਿਲੇਗਾ ।