covid 19 vaccine moderna : ਕੋਰੋਨਾ ਵਾਇਰਸ (ਕੋਵਿਡ -19) ਦਾ ਟੀਕਾ ਉਮੀਦ ਤੋਂ ਬਹੁਤ ਜਲਦੀ ਆ ਜਾਵੇਗਾ। ਯੂ.ਐਸ-ਅਧਾਰਿਤ ਫਾਰਮਸਯੂਟਿਕਲ ਕੰਪਨੀ ਮੋਡੇਰਨਾ ਪਿੱਛਲੇ ਕੁੱਝ ਸਮੇਂ ਤੋਂ ਕੋਵਿਡ -19 ਟੀਕੇ ਦੀ ਜਾਂਚ ‘ਤੇ ਕੰਮ ਕਰ ਰਹੀ ਹੈ। ਇਸ ਕੰਪਨੀ ਨੇ ਸੋਮਵਾਰ ਨੂੰ ਘੋਸ਼ਣਾ ਕੀਤੀ ਸੀ ਕਿ ਉਹ ਇਸ ਸਾਲ ਪਤਝੜ ਦੇ ਮੌਸਮ ਤੱਕ, ਸੀਮਤ ਮਾਤਰਾ ਵਿੱਚ ਜਲਦੀ ਹੀ ਟੀਕਾ ਬਣਾਉਣ ਦੇ ਯੋਗ ਹੋ ਜਾਵੇਗੀ। ਸੋਮਵਾਰ ਨੂੰ, ਕੰਪਨੀ ਨੇ ਯੂਐਸ ਸਿਕਉਰਟੀਜ਼ ਐਂਡ ਐਕਸਚੇਂਜ ਕਮਿਸ਼ਨ ਨੂੰ ਇਸ ਸੰਬੰਧ ਵਿੱਚ ਇੱਕ ਖੁਲਾਸੇ ਦੀ ਰਿਪੋਰਟ ਸੌਂਪੀ ਹੈ।
ਰਿਪੋਰਟ ਵਿੱਚ ਮੋਡੇਰਨਾ ਦੇ ਸੀਈਓ ਸਟੀਫਨ ਬੈਂਸੈਲ ਦੇ ਇੱਕ ਬਿਆਨ ਦਾ ਹਵਾਲਾ ਦਿੱਤਾ ਗਿਆ ਹੈ, ਇਸ ਬਿਆਨ ਵਿੱਚ, ਬੈਂਸੇਲ ਨੇ ਕਿਹਾ ਸੀ, “ਵਪਾਰਕ ਤੌਰ ‘ਤੇ ਟੀਕਾ 12 ਤੋਂ 18 ਮਹੀਨਿਆਂ ਲਈ ਉਪਲਬਧ ਨਹੀਂ ਹੋਵੇਗਾ।” ਪਰ ਇਹ ਟੀਕਾ ਕੁੱਝ ਲੋਕਾਂ ਨੂੰ ਐਮਰਜੈਂਸੀ ਵਰਤੋਂ ਲਈ ਉਪਲਬਧ ਹੋ ਸਕਦਾ ਹੈ, ਜਿਸ ਵਿੱਚ ਉਹ ਲੋਕ ਸ਼ਾਮਿਲ ਹੋ ਸਕਦੇ ਹਨ ਜੋ ਸਿਹਤ ਸੰਭਾਲ ਵਿੱਚ ਲੱਗੇ ਹੋਏ ਹਨ, ਅਤੇ ਇਹ ਸਿਰਫ 2020 ਦੇ ਪਤਝੜ ਦੇ ਮੌਸਮ ਵਿੱਚ ਹੀ ਸੰਭਵ ਹੋਵੇਗਾ। ਜਦਕਿ ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਨੇ ਸੋਮਵਾਰ ਨੂੰ ਕਿਹਾ ਕਿ ਵਿਸ਼ਵ ਵਿੱਚ ਕੋਵਿਡ -19 ਕੇਸਾਂ ਦੀ ਗਿਣਤੀ ਤਿੰਨ ਲੱਖ ਨੂੰ ਪਾਰ ਕਰ ਗਈ ਹੈ।
ਕੰਪਨੀ ਐਂਟੀ-ਕੋਵਿਡ 19 ਟੀਕਾ ਐਮ.ਆਰ.ਐਨ.ਏ -1273 ਦੇ ਨਾਮ ‘ਤੇ ਵਿਕਸਿਤ ਕਰ ਰਹੀ ਹੈ। ਇਹ ਟੀਕਾ ਅਮਰੀਕਾ ਸਥਿਤ ਵੈਕਸੀਨ ਰਿਸਰਚ ਸੈਂਟਰ (ਵੀਆਰਸੀ) ਅਤੇ ਨੈਸ਼ਨਲ ਇੰਸਟੀਟਿਊਟ ਆਫ਼ ਐਲਰਜੀ ਐਂਡ ਇਨਫੈਕਟੀਸੀ ਰੋਗ (ਐਨਆਈਏਆਈਡੀ) ਦੇ ਖੋਜਕਰਤਾਵਾਂ ਦੁਆਰਾ ਕੀਤੀ ਗਈ ਖੋਜ ‘ਤੇ ਅਧਾਰਿਤ ਹੈ। 16 ਮਾਰਚ 2020 ਨੂੰ, ਪਹਿਲੇ ਭਾਗੀਦਾਰ ਨੂੰ ਟੀਕੇ ਦੇ ਫੇਜ਼ 1 ਦੇ ਅਧਿਐਨ ‘ਤੇ ਕੀਤੇ ਕੰਮ ਵਿੱਚ ਇੱਕ ਖੁਰਾਕ ਦਿੱਤੀ ਗਈ ਸੀ। ਵਿਗਿਆਨੀ ਅਤੇ ਡਾਕਟਰ ਇਸ ਸਮੇਂ ਖੁਰਾਕ ਦੀ ਸੁਰੱਖਿਆ ਅਤੇ ਟਾਕਰੇ ਦੇ ਪਹਿਲੂਆਂ ਦਾ ਮੁਲਾਂਕਣ ਕਰ ਰਹੇ ਹਨ। ਇਸ ਪ੍ਰੋਗਰਾਮ ਵਿੱਚ ਤੰਦਰੁਸਤ ਵਿਅਕਤੀ ਨੂੰ 28 ਦਿਨਾਂ ਦੇ ਅੰਤਰਾਲ ਵਿੱਚ ਟੀਕੇ ਦੀਆਂ ਦੋ ਖੁਰਾਕਾਂ ਦਿੱਤੀਆਂ ਜਾਣਗੀਆਂ। ਰਿਪੋਰਟ ਦੇ ਅਨੁਸਾਰ 45 ਤੰਦਰੁਸਤ ਬਾਲਗ ਅਧਿਐਨ ਵਿੱਚ ਸ਼ਾਮਿਲ ਕੀਤੇ ਜਾਣਗੇ।” ਇਹ ਟੀਕੇ 12 ਮਹੀਨਿਆਂ ਦੀ ਨਿਗਰਾਨੀ ਤੋਂ ਬਾਅਦ ਬਾਜ਼ਾਰ ਵਿੱਚ ਵਪਾਰਕ ਤੌਰ‘ ਤੇ ਉਪਲਬਧ ਕਰਵਾਏ ਜਾਣਗੇ।
