ਅਮਰੀਕਾ ਲਿਆਂਦਾ ਗਿਆ ਪੱਤਰਕਾਰਾਂ ਦਾ ਅਫ਼ਗਾਨੀ ਅਗਵਾਕਾਰ

ਅਫ਼ਗਾਨਿਸਤਾਨ ਵਿਚ 12 ਸਾਲ ਪਹਿਲੇ ਦੋ ਪੱਤਰਕਾਰਾਂ ਨੂੰ ਅਗਵਾ ਕਰਨ ਵਾਲੇ ਇਕ ਅਫ਼ਗਾਨੀ ਨਾਗਰਿਕ ਹਾਜ਼ੀ ਨਜੀਬੁੱਲ੍ਹਾ ਨੂੰ ਗਿ੍ਫ਼ਤਾਰ ਕਰ ਕੇ ਅਮਰੀਕਾ ਲਿਆਂਦਾ ਗਿਆ ਹੈ। ਬਾਅਦ ‘ਚ ਉਸ ਨੂੰ ਮੈਨਹਟਨ ਦੀ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਜਿੱਥੇ ਉਸ ਦੀ ਜ਼ਮਾਨਤ ਨਾ-ਮਨਜ਼ੂਰ ਕਰ ਦਿੱਤੀ ਗਈ। ਇਸ ਮਾਮਲੇ ਵਿਚ ਉਮਰ ਕੈਦ ਦੀ ਵਿਵਸਥਾ ਹੈ। ਅਫ਼ਗਾਨਿਸਤਾਨ ‘ਚ ਟਾਈਮਜ਼ ਦੇ ਅਮਰੀਕੀ ਪੱਤਰਕਾਰ ਡੇਵਿਡ ਰੋਹਡੇ ਆਪਣੇ ਅਫ਼ਗਾਨ ਸਹਿਯੋਗੀ ਪੱਤਰਕਾਰ ਤਾਹਿਰ ਲੁਦਿਨ ਦੇ ਨਾਲ ਤਾਲਿਬਾਨ ਅੱਤਵਾਦੀਆਂ ਦਾ ਇੰਟਰਵਿਊ ਲੈਣ ਲਈ ਗਏ ਸਨ, ਅਗਵਾ ਉਸੇ ਸਮੇਂ ਕੀਤਾ ਗਿਆ। ਦੋਵਾਂ ਨੂੰ ਕਾਰ ਦੇ ਡਰਾਈਵਰ ਸਣੇ ਬੰਧਕ ਬਣਾ ਕੇ ਅੱਤਵਾਦੀ ਅਣਦੱਸੀ ਥਾਂ ‘ਤੇ ਲੈ ਗਏ। ਲਗਪਗ ਅੱਠ ਮਹੀਨੇ ਪਿੱਛੋਂ ਨਾਟਕੀ ਅੰਦਾਜ਼ ਵਿਚ ਦੋਵੇਂ ਪੱਤਰਕਾਰ ਪਾਕਿਸਤਾਨ ਦੇ ਆਦਿਵਾਸੀ ਖੇਤਰ ਤੋਂ ਭੱਜਣ ਤੋਂ ਸਫਲ ਹੋ ਗਏ। ਅਗਵਾਕਾਰ ਦੀ ਗਿ੍ਫ਼ਤਾਰੀ ਲਈ ਅਮਰੀਕੀ ਸਰਕਾਰ ਨੇ ਯੂਕਰੇਨ ਦਾ ਧੰਨਵਾਦ ਕੀਤਾ ਹੈ।