34.48 F
New York, US
February 12, 2025
PreetNama
ਸਿਹਤ/Health

ਵਰਲਡ ਰਿਕਾਰਡ: 100 ਹੈਕਟੇਅਰ ਜ਼ਮੀਨ ‘ਤੇ ਲੱਗੇਗਾ 251 ਮੀਟਰ ਉੱਚਾ ਭਗਵਾਨ ਰਾਮ ਦਾ ਬੁੱਤ

ਲਖਨਊਉੱਤਰ ਪ੍ਰਦੇਸ਼ ਦੀ ਯੋਗੀ ਸਰਕਾਰ ਨੇ ਅਯੋਧਿਆ ‘ਚ ਭਗਵਾਨ ਰਾਮ ਦੀ ਵਿਸ਼ਵ ਦੀ ਸਭ ਤੋਂ ਉੱਚੀ ਮੂਰਤੀ ਲਾਉਣ ਦਾ ਫੈਸਲਾ ਕੀਤਾ ਹੈ। ਬੁੱਤ ਦੀ ਉੱਚਾਈ251 ਮੀਟਰ ਹੋਵੇਗੀ। ਅਯੋਧਿਆ ‘ਚ ਸਰਯੂ ਦੇ ਕੰਢੇ 100 ਹੈਕਟੇਅਰ ਜ਼ਮੀਨ ‘ਤੇ ਬੁੱਤ ਦੀ ਸਥਾਪਨਾ ਕੀਤੀ ਜਾਵੇਗੀ। ਇਸ ਬਾਰੇ ਸੋਮਵਾਰ ਨੂੰ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਦੀ ਪ੍ਰਧਾਨਗੀ ‘ਚ ਉੱਚ ਪੱਧਰੀ ਕਮੇਟੀ ਦੀ ਬੈਠਕ ਹੋਈ।
ਇਸ ਬੈਠਕ ‘ਚ ਡਿਪਟੀ ਸੀਐਮ ਡਾਦਿਨੇਸ਼ ਸ਼ਰਮਾ ਤੇ ਡਿਪਟੀ ਸੀਐਮ ਕੇਸ਼ਵ ਮੋਰੀਆ ਸਣੇ ਕੈਬਿਨਟ ਮੰਤਰੀਆਂ ਨੇ ਪ੍ਰਸਤਾਵ ‘ਤੇ ਫੈਸਲਾ ਕੀਤਾ। ਯੋਗੀ ਨੇ ਕਿਹਾ ਕਿ ਸ੍ਰੀ ਰਾਮ ਦੀ ਮੂਰਤੀ ਸਥਾਪਤ ਕਰਨ ਲਈ ਤੇਜ਼ੀ ਨਾਲ ਕੰਮ ਸ਼ੁਰੂ ਕੀਤਾ ਜਾਵੇ। ਇਸ ਦੇ ਵਿਕਾਸ ਲਈ ਪੂਰੀ ਯੋਜਨਾ ਤਿਆਰ ਹੋਣੀ ਚਾਹੀਦੀ ਹੈ। ਇਸ ‘ਚ ਸ੍ਰੀ ਰਾਮ ‘ਤੇ ਆਧਾਰਤ ਡਿਜੀਟਲ ਮਿਊਜ਼ੀਅਮਇੰਟਰਪ੍ਰਿਟੇਸ਼ਨ ਸੈਂਟਰਲਾਈਬ੍ਰੇਰੀਪਾਰਕਿੰਗਫੂਡ ਪਲਾਜਾਲੈਂਡਸਕੇਪਿੰਗ ਦੇ ਨਾਲ ਸੈਲਾਨੀਆਂ ਨੂੰ ਹੋਰ ਸੁਵਿਧਾਵਾਂ ਦਿੱਤੀਆਂ ਜਾਣਗੀਆਂ।
ਬੈਠਕ ‘ਚ ਤੈਅ ਕੀਤਾ ਗਿਆ ਕਿ ਮੁੱਖ ਮੰਤਰੀ ਦੀ ਨੁਮਾਇੰਦਗੀ ‘ਚ ਇੱਕ ਟਰੱਸਟ ਦਾ ਨਿਰਮਾਣ ਵੀ ਕੀਤਾ ਜਾਵੇਗਾ। ਸੂਬੇ ‘ਚ ਇਸ ਸਬੰਧੀ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ। ਉੱਤਰ ਪ੍ਰਦੇਸ਼ ਸਰਕਾਰ ਤਕਨੀਕੀ ਮਦਦ ਤੇ ਸੁਝਾਵਾਂ ਲਈ ਗੁਜਰਾਤ ਸਰਕਾਰ ਨਾਲ ਐਮਓਯੂ ਕਰੇਗੀ। ਇਸ ਤੋਂ ਪਹਿਲਾਂ ਸਾਈਟ ਦਾ ਜ਼ਿਓਲੋਜੀਕਲਹਾਈਡ੍ਰੋਲੋਜੀਕਲ ਸਰਵੇ ਕਰਵਾਇਆ ਜਾਵੇਗਾ।
ਅਜੇ ਤਕ ਚੀਨ ‘ਚ ਗੌਤਮ ਬੁੱਧ ਦਾ ਬੁੱਤ ਸਭ ਤੋਂ ਉੱਚਾ ਹੈ ਜਿਸ ਦੀ ਉਚਾਈ 208 ਮੀਟਰ ਹੈ। ਗੁਜਰਾਤ ‘ਚ ਲੱਗੀ ਵੱਲਭ ਭਾਈ ਪਟੇਲ ਦਾ ਬੁੱਟ ਵੀ 185 ਮੀਟਰ ਲੰਬਾ ਹੈ। ਹੁਣ 251 ਮੀਟਰ ਲੰਬਾ ਸ੍ਰੀ ਰਾਮ ਦਾ ਬੁੱਤ ਸਥਾਪਤ ਕਰਨ ਤੋਂ ਬਾਅਦ ਇਹ ਦੇਸ਼ ਦੀ ਸਭ ਤੋਂ ਉੱਚੀ ਮੂਰਤ ਬਣ ਜਾਵੇਗੀ।

Related posts

ਅਨੇਕਾਂ ਰੋਗਾਂ ਦੀ ਇਕ ਦਵਾਈ ਅਦਰਕ

On Punjab

ਜ਼ਿਆਦਾ ਪ੍ਰੋਟੀਨ ਵਾਲੀ ਖ਼ੁਰਾਕ ਦੇ ਨੁਕਸਾਨ ਤੋਂ ਬਚਾਉਂਦੀ ਹੈ ਸਟ੍ਰੈਂਥ ਟ੍ਰੇਨਿੰਗ, ਅਧਿਐਨ ‘ਚ ਆਇਆ ਸਾਹਮਣੇ

On Punjab

ਪੀਰੀਅਡਜ਼ ਦੌਰਾਨ ਤਿੰਨ ਦਿਨਾਂ ਤਕ ਕਿਉਂ ਨਹੀਂ ਧੋਣੇ ਚਾਹੀਦੇ ਵਾਲ਼, ਜਾਣੋ ਕੀ ਹੈ ਵਜ੍ਹਾ !

On Punjab