ਨੋਇਡਾ: ਆਮਦਨ ਕਰ ਵਿਭਾਗ ਨੇ ਵੀਰਵਾਰ ਨੂੰ ਬੇਨਾਮੀ ਜਾਇਦਾਦਾਂ ‘ਤੇ ਕਾਰਵਾਈ ਕਰਦੇ ਹੋਏ ਨੋਇਡਾ ਵਿੱਚ ਸੱਤ ਏਕੜ ਦਾ ਪਲਾਟ ਜ਼ਬਤ ਕੀਤਾ ਹੈ। ਇਸ ਦੀ ਕੀਮਤ 400 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ।
ਆਮਦਨ ਕਰ ਮੁਤਾਬਕ ਪਲਾਟ ਦੇ ਮਾਲਕਾਨਾ ਹੱਕ ਬਹੁਜਨ ਸਮਾਜ ਪਾਰਟੀ ਦੀ ਮੁਖੀ ਮਾਇਆਵਤੀ ਦੇ ਭਰਾ ਆਨੰਦ ਕੁਮਾਰ ਤੇ ਉਸ ਦੀ ਪਤਨੀ ਵਿਚਿੱਤਰ ਲਤਾ ਕੋਲ ਹਨ। ਮਾਇਆਵਤੀ ਨੇ ਪਿਛਲੇ ਹੀ ਦਿਨੀਂ ਆਨੰਦ ਨੂੰ ਬਸਪਾ ਦਾ ਕੌਮੀ ਮੀਤ ਪ੍ਰਧਾਨ ਥਾਪਿਆ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ 16 ਜੁਲਾਈ ਨੂੰ ਦਿੱਲੀ ਦੀ ਬੇਨਾਮੀ ਰੋਕੂ ਇਕਾਈ (BPU) ਨੇ ਇਸ ਪਲਾਟ ਨੂੰ ਜ਼ਬਤ ਕਰਨ ਦੇ ਆਦੇਸ਼ ਦਿੱਤੇ ਸੀ। ਆਨੰਦ ਕੁਮਾਰ ‘ਤੇ ਇਸ ਜਾਇਦਾਦ ਨੂੰ ਗ਼ੈਰ ਕਾਨੂੰਨੀ ਤਰੀਕੇ ਨਾਲ ਕਿਸੇ ਕਰੀਬੀ ਦੇ ਨਾਂਅ ‘ਤੇ ਖਰੀਦਣ ਦੇ ਇਲਜ਼ਾਮ ਹਨ। ਦੋ ਸਾਲ ਦੀ ਜਾਂਚ ਮਗਰੋਂ ਅਧਿਕਾਰੀਆਂ ਨੇ ਇਸ ਬਾਬਤ ਪੁਖ਼ਤਾ ਸਬੂਤ ਹਾਸਲ ਕਰ ਲਏ ਹਨ। ਆਨੰਦ ਨੂੰ ਪਹਿਲਾਂ ਵੀ ਬੇਨਾਮੀ ਸੰਪੱਤੀ ਦੇ ਮਾਮਲੇ ਸਬੰਧੀ ਨੋਟਿਸ ਭੇਜੇ ਜਾ ਚੁੱਕੇ ਹਨ।